Hibru 8:11 - Ika

¹¹ Ẹlẹzi hụn ịhịan k'e gi kuzimẹ ibe ẹ, mọbụ gwama ibe ẹ, “Marịnkwọ Onyẹ-nwọnni-ẹnyi.” Makẹni, wẹ ile jẹnkọ d'a marịn m; gha onyẹ kachanrịn ntịn imẹ wẹ d'e ru onyẹ kachanrịnnị.

Hibru 8:11 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 30:22

Hezikaya nọ ku ndụn ye ndị Livaị obi, makẹni wẹ ghọsị n'a ghọtaghọ wẹ kẹ w'e fe Osolobuẹ ọhụnma. Wẹ nọ ri oriri hụ ọrọgbọ akp'ọhịn ẹsa wẹ gi e ri ẹ, a chụn ẹjan-ekele, a kpanmịn Osolobuẹ, Chuku ndị nẹdi wẹ.

Ẹzra 7:25

Ịyụ wụ Ẹzra, gi amamihiẹn Chuku i, hụn rị imẹ i, tumẹsọnmẹ ndị ọka-ikpe uku lẹ ọka-ikpe nta hụn marịn Iwu Chuku i, nị wẹ hụn ụzọ e dọnzini ndị ile rị Ẹgbẹrẹ Nfetu Iyi-Yufretisi oku. Ndị ile marịnlẹni Iwu Chuku i, y'a kuzi wẹ ya.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jerimaya 42:1

Ya kẹ ndị ahụn ile kị ndị-agha nọ bịa — kẹ Johananị nwa Karia kẹ Jezania nwa Hoshaya, uwẹ lẹ ndị Juda hụ ile wẹ kị — kẹ ndị uku kẹ ndị-nta.

Jerimaya 42:8

Jerimaya nọ kpọkikomẹ wẹ ile: Johananị nwa Karia lẹ ndị ọzọ ile kị ndị-agha hụn ya lẹ wẹ wị lẹ ndị ahụn ile wẹ ile wị — kẹ ndị uku kẹ ndị-nta.

Jerimaya 44:12

M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Izikẹlụ 34:30

Ogẹn ahụn, wẹ k'a marịn nị mmẹ, Osolobuẹ wụ Chuku wẹ, nọyeni wẹ anọyeni, marịnzịkwọ nị wẹ wụ ndị Izrẹlụ wụ ndị nke m. Ya kẹ Osolobuẹ Nwọn Ihiẹn Ile ku.

Habakọkụ 2:14

Kanị, wẹ sikọ d'a marịn ọghọ Osolobuẹ elu-ụwa ile, kẹ mirin dọn e jun ohimin ụzọ ile.

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Ọrụn Ndị-ozi 8:10

Wẹ ile e gọn ẹ ntịn, kẹ onyẹ uku kẹ onyẹ-nta, a sị, “Okẹnnyẹni ya gi Ikẹn Osolobuẹ ahụn w'a kpọ ‘Okẹn-ikẹn.’ ”

Jọnụ Ibuzọ 2:27

O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.