Hibru 7:26 - Ika

²⁶ Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 7:26 ပူးပေါင်းရင်းမြစ်များ

Ẹbụ-ọma 68:18

Ị nọ shi ebẹhụ jẹn elu, dukọ ndị ị nwụnlụa agha — ịhịan hụ e wẹhẹni i ihiẹn wẹ gi a chann'ị ẹnya, kẹ ndị te jụ nị arịkọ wẹ okpuru i — ị nọ shi ebẹhụ kẹni i biri ebẹhụ, Osolobuẹ wụ Chuku.

Ọpụpụ 28:36

“Gi goru wẹ buchelẹni ihiẹn ọzọ mẹmẹ ibe-goru, y'a tụye ẹ ihiẹnni: ‘Hụn Wẹ Gi Kwanị Osolobuẹ’. Tụ a kẹ w'a tụ ihiẹn wẹ gi e biye ẹka.

Azaya 53:9

Wẹ te k'e li ẹ nọkẹ ndị-ejẹ — kanị ili ọdanfịn kẹ wẹ liye ẹ nwan k'ọ nwụnhụn — makẹni onwọnni eje-ihiẹn o mẹ, onwọnzikwọnị ntụ wẹ nụ a ọnụ,

Izikẹlụ 44:27

Ụhụọhịn o k'e jẹn ezi-ọgwa rị imẹ, ụhụọhịn o k'a banye azụụn hụ rị nsọ d'a rụn ọrụn, o k'a chụn ẹjan-njọ a. Ya kẹ Osolobuẹ Nwọn Ikẹn Ile ku.

Ọgụngụn 29:26

“Nke akp'ọhịn isẹn rịn'a, okoro-efin itenẹi, ebulu ẹbụọ lẹ ụmụ-ebulu mmẹnọ rịsọnmẹ ahụa ohu-ohu kẹ ụnụ sikọ d'e gi chụn ẹjan w'a dụn ọkụn; wẹ ile k'a wụrịrị anụ ẹhụ zu oke.

Matiu 27:18

Paịleti ku ihiẹnni makẹni ọ marịngụọ nị iwe kẹ wẹ gi we Jizọsị wụ Kraịstị ye ẹ.

Makị 16:19

Ogẹn Di-nwọnni-ẹnyi wụ Jesu gi kugụ oku ndịnị, Osolobuẹ nọ we ẹ shi elu-igwee d'a nọdị alị ẹka-nni Osolobuẹ.

Luku 1:35

Mmọn-ozi hụ nọ sị a, “Mmọn-nsọ jẹnkọ d'e hidankwasị ị; ikẹn Onyẹ Hụ Kachanrịnnị jẹnkọ d'e kpumẹ i. Ya wụ, nwa ị jẹnkọ d'a mụ k'a rị nsọ, wẹ k'a kpọ a Nwa Osolobuẹ.

Luku 23:22

Paịleti nọ gwazị wẹ hụn mẹ mgbe ẹtọ, sị, “Kị haịn? Elee eje-ihiẹn k'o mẹ? Ahụnnị m ihiẹn ọwụlẹ o mẹ hụn wẹ e gi gbu ẹ! M jẹnkọ nwan d'a fịan a mkpịnsịn, hatu ẹ ye.”

Luku 23:41

Ikpe wẹ ma ẹnyi hụghọ mma, makẹni ihiẹn ẹnyi chọ kẹ ẹnyi rị a hụn; kanị onwọnni ihiẹn okẹnnyẹni mẹ.”

Luku 23:47

Ogẹn onyẹ-isi agha ahụn kị ndị-agha kpọgbun'ẹ gi hụn ihiẹn mẹni, ọ nọ ja Osolobuẹ mma, sị, “Ezioku-ezioku, ẹka okẹnnyẹni rị ọchan!”

Luku 24:26

Ẹkụkwọ-nsọ ekugụọn'a nị Onyẹ-nzụọpụha Ahụn Osolobuẹ Tumẹ wụ Kraịstị jẹnkọ d'a tagụ afụnfụn ndịnị o kebe nwọnrin ọghọ a?”

Luku 24:46

sị wẹ, “Ọnwan wụ ihiẹn wẹ de: nị Onyẹ-nzụọpụha sikọ d'a nwụnhụn, nke akpọhịn ẹtọ ọ gha ọnwụn lihi;

Jọnụ 14:30

Ogẹn arịa m'e gi gwamazị ụnụ ihiẹn bu ọda, makẹni onyẹ hụn a kị ụwanị lala nwan; onwọnni ihiẹn o k'a saẹka mẹ m,

Jọnụ 8:29

Onyẹ hụ zihẹni m nọyeni m anọyeni; ọ latọnị m, makẹni ogẹn ile kẹ m gi e mẹ ihiẹn a sụọn'a.”

Ọrụn Ndị-ozi 3:14

Ụnụ a jụ Onyẹ-nsọ hụ, Onyẹ ahụn nwọnlẹni ihiẹn o mẹ, sị wẹ hapụnị ụnụ izighẹ.

Ọrụn Ndị-ozi 4:27

Ezioku-ezioku, Hẹrọdụ lẹ Pọntius Paịleti lẹ ndị alị ndị ọzọ lẹ ndị Izrẹlụ e zughọ imẹ obodoni, bunụmanị odibo-nsọ ị wụ Jizọsị hụn ị tumẹ.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 2:10

Osolobuẹ mẹ ihiẹn furuni, ebe o mẹ ni ẹka a kẹ ihiẹn ile gha bịa; ebe o mẹ ni ihiẹn ile wụzịkwọ nke ẹ. Makẹni ọ chọ n'ọ zụọpụha ndị bu ọda, webahan wẹ ebe ọ rị, kẹni wẹ wụrụ ụmụ a, sọn ẹ nwọn ọghọ a, ọ nọ gi afụnfụn kwademẹ onyẹ hụn o gi bidọn nzụọpụha hụ, mẹ ẹ ru ogo onyẹ-nzụọpụha.

Hibru 2:17

Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Hibru 7:11

O mẹ nwan nị ụdị ịchụn-ẹjan ụmụ Livaị wẹ gi tumẹni Izrẹlụ Iwu Mozizi kẹ Osolobuẹ te gi e dọnzi ihiẹn, kị Osolobuẹ k'e tumẹmẹzini ụdị onyẹ nchụn-ẹjan ọzọ, ụdị nke Mẹkizẹdẹkị, ẹlẹzi nke Ẹrọnụ?

Hibru 8:1

Ihiẹn ẹnyi rị e ku wụ nị ẹnyi nwọn nwan onyẹ-isi nchụn-ẹjan hụn nọdị alị ẹka-nni Ukpo-eze ahụn kachanrịn ọghọ e nwọn hụn ri imẹ elu-igwee —

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Pita Ibuzọ 1:19

kanị ẹdeke Kraịstị rịgbu enwẹn ẹ mkpa, hụn rị kẹ nwa-ebulu zu oke nwọnlẹni ntụpọ,

Pita Ibuzọ 2:22

O mẹni njọ; onwọnni ntụ wẹ nụ ọnụ a.

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Jọnụ Ibuzọ 3:5

Ụnụ a marịnghọ nị Kraịstị bịa d'e wepụ njọ; ụnụ a marịnzịghọ nị njọ arị imẹ ẹ.

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,