Hibru 7:19 - Ika

¹⁹ (makẹni Iwu mbụ enwọn ihiẹn o dọnzi ru alị); Osolobuẹ e webanhangụọ nwan olilẹnya ka mma ẹnyi e gi s'ẹka nọkunmẹ Osolobuẹ.

Hibru 7:19 ပူးပေါင်းရင်းမြစ်များ

Ẹbụ-ọma 73:28

O mẹ nke m, ọ rịka mma nị m nọkunmẹ Chuku; e gbọnni m'i, Osolobuẹ wụ Chuku; m k'e kusọnmẹ ihiẹn ile ị rụn!

Ẹkwan 3:57

Y'a nọzụnhanghọ kẹ m kpọ ị, ị nọ sị, “Atụlẹ egun.”

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Ọrụn Ndị-ozi 13:39

ihiẹn ile Iwu Mozizi ghalẹni a sa ẹka a hatu onyẹ mẹn'ẹ.

Ndị Rom 5:2

onyẹ hụn Osolobuẹ gha ẹka a gi okukwe ẹnyi webanhan ẹnyi ọnọdị ndị wẹ mẹni ẹfọma hụn ẹnyi turu nwan imẹ ẹ; ẹnyi rị nwan a ṅan makẹni ẹnyi rị e lee ẹnya ọghọ Osolobuẹ jẹnkọ d'e ye ẹnyi!

Ndị Rom 7:7

Kị ẹnyi e kuzi nwan? Nị ẹnyi sị nwan nị Iwu Mozizi e buhẹ njọ? Mba nụ! Makẹni, omẹni ẹlẹ Iwu, m'e ke marịn ihiẹn njọ wụ. Omẹni Iwu asịnị, “Anịlẹ ihiẹn la ị ẹnya,” m'e ke marịn ihiẹn ọ wụ nị ihiẹn a la ịhịan ẹnya.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Galeshịa 2:16

Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ndị Galeshịa 3:21

Arị m e ku nị Iwu lẹ nkwa Osolobuẹ wụ eṅẹnrẹn. Kaka akpohu! Makẹni, omẹni wẹ te ye iwu hụn a saẹka e ye ndụn, nkẹ ọ wụrụ nị, ezioku-ezioku, onyẹ dọnmẹ ẹ, ọ wụrụ onyẹ ezi-omumẹ.

Ndị Galeshịa 3:24

Ya wụ, Osolobuẹ tumẹ Iwu n'ọ wụrụnị ẹnyi onyẹ bu mkpịnsịn e lepụ ẹnyi ẹnya d'e ru ni Kraịstị a banhan, kẹni o gi okweri ẹnyi jẹnkọ d'e kwerini Kraịstị kpọ ẹnyi ndị ezi-omumẹ.

Ndị Ẹfẹsọsụ 3:12

Kraịstị, hụn obi gi okweri ẹnyi kwerinin'ẹ e ru ẹnyi alị ọda-ọda ịbanye ebe Osolobuẹ rị.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Timoti Ibuzọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị Jizọsị. Osolobuẹ hụn a zụọpụhanị ẹnyi lẹ Kraịstị wụ Jizọsị hụn wụ olilẹnya ẹnyi tumẹ m.

Hibru 10:1

Ebe o mẹ ni Iwu Mozizi wụhụ onyinyọn ihiẹn rị mma lalanị, ẹlẹ ezigbo ẹ; ya wụ nị ẹjan hụ w'a chụn ahụa-ahụa asakọ ẹka chanchanpụ njọ ndị a bịa d'e fe Osolobuẹ, mẹ wẹ zu oke.

Hibru 11:40

Makẹni, Osolobuẹ kwademẹni ẹnyi ọghọ ka mma, nị ezukọ wẹ oke bụ ẹnyi arịa.

Hibru 11:6

bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Hibru 7:11

O mẹ nwan nị ụdị ịchụn-ẹjan ụmụ Livaị wẹ gi tumẹni Izrẹlụ Iwu Mozizi kẹ Osolobuẹ te gi e dọnzi ihiẹn, kị Osolobuẹ k'e tumẹmẹzini ụdị onyẹ nchụn-ẹjan ọzọ, ụdị nke Mẹkizẹdẹkị, ẹlẹzi nke Ẹrọnụ?

Hibru 7:20

Osolobuẹ e kunghọ enwẹn ẹ gi biye hụnnị ẹka. O kunni ihiẹn ọwụlẹ ogẹn o gi tumẹ ndị nchụn-ẹjan mbụ hụ,

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Hibru 8:6

Kanị nke Jesu ka nke wẹ mma, ebe o mẹ ni ya nwẹn rị a rụn ọrụn idọnzi ẹgbata imẹ nkwerigbama ka nke wẹ mma, nkwerigbama Osolobuẹ kwesọnmẹ nkwa ka mma tumẹ.

Hibru 9:9

Wẹ gi ihiẹnni a kọwa ogẹnni ẹnyi rị imẹ ẹ. Ọnwan rị a ghọsị nị oyiye w'e yesọnmẹ lẹ ẹjan ile w'a chụnyeni Osolobuẹ imẹ ofufe mbụ ahụn asanị ẹka mẹ obi ndị rị e fe ofufe ahụn rị ọchan.

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!