Hibru 6:4 - Ika

⁴ Makẹni, oghere w'e gi wekinhẹn ịhịan d'e rogharịzị arịa, omẹni Osolobuẹ e te shịapụgụọ a ẹnya, ọ danmịngụ oyiye elu-igwee, Mmọn-nsọ e rugụ a ẹka;

Hibru 6:4 ပူးပေါင်းရင်းမြစ်များ

Lẹvitikọsụ 13:55

Wẹ sụgụ nwan mọbụ changụ ihiẹn hụ kun mbu, onyẹ nchụn-ẹjan sikọ d'e lele ẹ: omẹni mbu hụ rịkwọ k'ọ rị mbụ, ọsụọn'a ọ bawayeni, ya wụ ọ rụgụọ. Dụn a ọkụn, ọ sụọn'a azụụn ohu sụọ kun mbu hụ.

Lẹvitikọsụ 14:43

“Omẹni mbu hụ a pụhazị ebe wẹ wepụgụ blọkụ ndị hụ, kọchanpụgụ ụlọ hụ tedọnzi,

Ọgụngụn 24:3

ọ nọ kumẹ ihiẹn o ye ẹ ku, sị, “Amụma Balaam nwa Bioru bu; amụma onyẹ hụn a hụn ụzọ ọhụnma-ọhụnma bu;

Matiu 12:45

o jẹn ozigbo d'e wẹhẹ eje-mmọn ẹsa ọzọ ka ya nwẹn njọ, a wịrị wẹ ban imẹ onyẹ hụ d'e biri. Ọnọdị hụnyẹ a jọnahịn nwan nke ibuzọ njọ. Ẹrịra k'o k'a rịnị eje-agbọnị.”

Matiu 5:13

“Ụnụ wụ nnu ụwa. Kanị, omẹni nnu asụọzịnị ụsụọ, nị wẹ s'ẹka mẹ ẹ sụọmazị ụsụọ? Onwọnzini ihiẹn wẹ gi ẹ e mẹ, karị ikpọn ẹ tuhu, a zọgbumẹ wẹ ẹ.

Jọnụ 15:6

Onyẹ nọdịlẹni imẹ m, e tuhu w'ẹ, nọkẹ ebe wẹ nọ bepụ agalaba, ọ kpọpụ nkụn; w'e kpọngbama agalaba ndị nọ ẹrịra, e kpọnye ọkụn, a dụnpụ.

Jọnụ 3:27

Jọnụ nọ shịarị wẹ, sị, “Onwọnni ihiẹn e ru ịhịan ẹka mmanị wẹ gha elu-igwee y'ẹ ya.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 6:32

Ya kẹ Jizọsị nọ sị wẹ, “Ezioku kẹ m rị a gwa ụnụ, ẹlẹ Mozizi ye ụnụ brẹdi gha elu-igwee bịa; Nẹdi m rị e ye ụnụ ezigbo brẹdi hụ gha elu-igwee bịa.

Ọrụn Ndị-ozi 10:45

Ọ nọ tụ ndị Ju kwa ugun kwerini hụn gha Jọpa sọnhẹn Pita ẹnya nị Osolobuẹ e hukpugụọzidẹ ndị wụlẹni ndị Ju Mmọn-nsọ,

Ọrụn Ndị-ozi 11:17

O mẹ nwan nị Osolobuẹ ye wẹ oyiye ohu hụ o ye ẹnyi ogẹn ẹnyi gi kwerini Di-nwọnni-ẹnyi wụ Jesu Kristi, onyẹ kẹ m wụ hụn m'e gi gbọndọn Osolobuẹ!?”

Ọrụn Ndị-ozi 15:8

Osolobuẹ hụn marịn obi ịhịan ile nọzị shịanị wẹ ẹri ghahanị iye wẹ Mmọn-nsọ k'o dọn ye ẹnyi.

Ọrụn Ndị-ozi 8:20

Pita nọ sị a, “Ịyụ lẹ egho i la iwi! Makẹni i ro n'ị k'a saẹka gi egho ṅọnrin oyiye Osolobuẹ!

Ndị Rom 1:11

M rị a chọ nị m hụn ụnụ kẹni m yebeye ụnụ ihiẹn Mmọn-nsọ ye m, gi ẹ mẹ ụnụ zekẹnmẹ,

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Galeshịa 3:2

Ihiẹn ohuni sụọ kẹ m chọ nị m marịn: gwadẹleni m, nanị kẹ ụnụ dọn nwọnhẹn Mmọn-nsọ? Ghahanị idọnmẹ Iwu ra ghahanị ikweri oziọma ụnụ nụ?

Ndị Galeshịa 3:5

Osolobuẹ hụn e ye ụnụ Mmọn-nsọ a, a rụn ọrụn atụmẹnya imẹ igunrun ụnụ, o ye ụnụ ya nị ụnụ rị e dọnmẹ Iwu Mozizi ra makẹni ụnụ hụ a nụ e gi ihiẹn ụnụ nụ e dọn?

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 2:8

ẹfọma haịn Osolobuẹ gi gi okukwe ụnụ zụọpụha ụnụ, ẹlẹ ụnụ gi ẹka ụnụ mẹ ẹ, ihiẹn Chuku ye ọfẹ rọ —

Ndị Ẹfẹsọsụ 3:7

E họnringụọ m onyẹ-ọrụn oziọmanị ghahanị oyiye hụn Osolobuẹ mẹ ẹfọma ye m hụn ikẹn ẹ gi rị ọrụn imẹ ndụn m.

Ndị Ẹfẹsọsụ 4:7

Kanị wẹ yesọnmẹ onyẹ-onyẹ imẹ ẹnyi oyiye ichẹn-ichẹn kẹ Kraịstị dọn chọ n'o ye ẹ.

Timoti Ibuzọ 4:14

Alatọkwọlẹ oyiye rị imẹ i, hụn i nwọnhẹn ghahanị amụma lẹ ẹka ndị-isi ụka bukwasị ị.

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,

Timoti Nke Ẹbụọ 4:14

Alẹzanda hụn a kpụ ụzụn kọpa mẹ m eje-ihiẹn ọda-ọda. Di-nwọnni-ẹnyi jẹnkọ d'a kụ a ụgwọ ihiẹn o mẹ.

Hibru 10:32

Ka nyanhan nị ọrụrụ-alị hụ ụnụ kweri, ogẹn ụnụ gi leghama ukpẹ; nyanhan nị ọnwụn ụnụ shi lẹ afụnfụn ụnụ dingbu,

Hibru 2:4

Chuku lẹ enwẹn ẹ nọzị shịa ẹri ghahanị ihiẹn-nghọsị lẹ ọrụn atụmẹnya ichẹn-ichẹn lẹ oyiye Mmọn-nsọ o yesọnmẹ k'o dọn chọ.

Jọnụ Ibuzọ 5:16

Onyẹ hụn nwẹnẹ ẹ k'ọ rị e mẹ njọ, njọ hụn ghalẹni ẹ buhẹ ọnwụn, ya mẹn'ẹ ekpere, Chuku k'e ye nwẹnẹ ẹ hụ ndụn — ọnwan wụ nke ndị hụn mẹ njọ ghalẹni e buhẹ ọnwụn. Njọ e buhẹ ọnwụn rị arị: asịnị m ụnụ mẹni onyẹ mẹ ọhụn ekpere.