Hibru 6:20 - Ika

²⁰ ebẹhụ Jesu burugụnị ẹnyi ụzọ banye makẹ ọrịrịmma ẹnyi, makẹni ọ wụrụgụọ onyẹ-isi nchụn-ẹjan jẹnrin ejẹn, ụdị nke Mẹkizẹdẹkị.

Hibru 6:20 ပူးပေါင်းရင်းမြစ်များ

Ẹbụ-ọma 110:4

Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”

Ọgụngụn 18:28

Ẹrịra kẹ ụnụ nwẹn k'e dọn gha ụzọ-ohu imẹ ụzọ-iri ile ụnụ narịn ndị Izrẹlụ tụnị Osolobuẹ ụzọ-ohu imẹ ụzọ iri. E we ni hụnnị wụ nke Osolobuẹ e ye onyẹ nchụn-ẹjan wụ Ẹrọnụ.

Ndị Rom 8:34

Onyẹ k'a ma wẹ nwan ikpe, ebe o mẹ ni Jesu Kristi rị nwan ẹka-nni Osolobuẹ a rịọdọnni ẹnyi — Jesu Kristi hụn nwụnnị ẹnyi ọnwụn, hụn gizidẹ ufiri ẹnyi gha ọnwụn lihi? N'ọ ma ẹnyi ikpe?

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 2:10

Osolobuẹ mẹ ihiẹn furuni, ebe o mẹ ni ẹka a kẹ ihiẹn ile gha bịa; ebe o mẹ ni ihiẹn ile wụzịkwọ nke ẹ. Makẹni ọ chọ n'ọ zụọpụha ndị bu ọda, webahan wẹ ebe ọ rị, kẹni wẹ wụrụ ụmụ a, sọn ẹ nwọn ọghọ a, ọ nọ gi afụnfụn kwademẹ onyẹ hụn o gi bidọn nzụọpụha hụ, mẹ ẹ ru ogo onyẹ-nzụọpụha.

Hibru 2:17

Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Hibru 4:14

Ebe o mẹ ni ẹnyi e nwọnghọ okẹn onyẹ-isi nchụn-ẹjan wụ Jizọsị Nwa Osolobuẹ, hụn ghafegụ elu-igwere, banye ebe Osolobuẹ rị, nị ẹnyi kwọnkẹnmẹ nwan ihiẹn ẹnyi kweri.

Hibru 5:10

makẹni Osolobuẹ e tumẹgụọ a onyẹ-isi nchụn-ẹjan, ụdị nke Mẹkizẹdẹkị.

Hibru 5:6

Ebe ọzọ imẹ Ẹkụkwọ-nsọ, ọ sịzị, “Onyẹ nchụn-ẹjan k'ị wụ jẹnrin ejẹn — ụdị nke Mẹkizẹdẹkị.”

Hibru 8:1

Ihiẹn ẹnyi rị e ku wụ nị ẹnyi nwọn nwan onyẹ-isi nchụn-ẹjan hụn nọdị alị ẹka-nni Ukpo-eze ahụn kachanrịn ọghọ e nwọn hụn ri imẹ elu-igwee —

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Hibru 9:24

Makẹni, ẹlẹ ebe rị nsọ wẹ gi ẹka rụn hụn wụhụ onyinyọn nke ezigbo ẹ kẹ Kraịstị banye; elu-igwee lẹ enwẹn ẹ k'ọ banye, weri ọnọdị ebe Osolobuẹ rị makẹ ọrịrịmma ẹnyi.

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.

Jọnụ Ibuzọ 2:12

Ụmụẹka, m rị e deni ụnụ nị m gi gwa ụnụ nị Osolobuẹ e gigụọ ufiri ẹfan Jizọsị gbagharị ụnụ njọ.