Hibru 6:2 - Ika

² lẹ ụdị mirin-Chuku rị ichẹn-ichẹn w'e mẹ lẹ ibu ẹka kwasị ịhịan lẹ ịgha ọnwụn lihi lẹ okinkin-ikpe itẹbitẹ.

Hibru 6:2 ပူးပေါင်းရင်းမြစ်များ

Ẹkịliziastisi 12:14

Makẹni Chuku jẹnkọ d'a jụ ịhịan ukwere ihiẹn ile o mẹ, ya lẹ ihiẹn ile zuerini — kẹ mma kẹ njọ.

Azaya 26:19

Kanị, ndị nke i nwụnnị jẹnkọ d'a rịzị ndụn; ozun wẹ k'e lihi. Ụnụ ndị rị nwan imẹ alị, tẹnhin ni yimẹ oro ịghọghọ! Igirigi lalanịnị ụnụ rị kẹ igirigi ụtụntụn, alị k'e gi ẹ mụpụha ndị nwụnnị rịn'a.

Daniẹlụ 12:2

Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Matiu 3:14

Jọnụ e te kweni, ọ sị Jizọsị, “Ịyụ furu hụn k'e mẹ m mirin-Chuku, kanị yụ bịa nwan d'e kunrun m nị mẹ i?”

Makị 16:16

Onyẹ hụn kwerini, e mẹ wẹ ẹ mirin-Chuku, jẹnkọ d'e nwọn nzụọpụha; kalẹ, onyẹ kwerilẹni, ikpe jẹnkọ d'a ma a.

Makị 7:4

wẹ gha afịa lụa, erikọ wẹ ihiẹn ọwụlẹ mmanị wẹ chanchangụ enwẹn wẹ kẹ w'a chanchan; o nwọnsọnmẹzi ihiẹn bu ọda w'e mẹ wẹ gi e mẹ omẹnalị: kẹ ịchanchan mkpu lẹ ite lẹ arịa igwe-bronzu lẹ ihiẹn wẹ gi a nọdị alị lẹ ihiẹn wẹ gi e dinẹ.)

Makị 7:8

“Ụnụ e bu Iwu Osolobuẹ e che ụsụọ, kẹni ụnụ kwadọn omẹnalị ịhịan.”

Luku 11:38

Ọ tụ onyẹ Itu-Farisi hụ ẹnya k'ọ hụn nị Jesu akwọnị ẹka a kẹ w'a kwọ n'o d'e rimẹ ihiẹn-oriri.

Luku 12:50

Kanị wẹ jẹnkọ d'e gi afụnfụn mẹgụ m mirin-Chuku; ẹhụ efukọ m d'e ru ni e mẹgụ m ya wụ mirin-Chuku.

Luku 14:14

“I jẹnkọ d'e nwọnhẹn ngọzi makẹni asa wẹ ẹka kụkin i y'ẹ, Osolobuẹ sikọ d'a kụkin i y'ẹ ụhụọhịn hụ ndị ezi-omumẹ k'a gha ọnwụn lihi.”

Luku 3:16

Jọnụ nọ sị wẹ, “Mirin mmaka kẹ m gi rị e mẹ ụnụ mirin-Chuku, kanị onyẹ kanị m lala: erudẹni m onyẹ a tọpụ a eriri akpụkụ! O sikọ d'e gi Mmọn-nsọ lẹ ọkụn mẹ ụnụ mirin-Chuku.

Jọnụ 1:33

E te marịn m'a, kanị onyẹ hụn zi m d'e gi mirin mẹ ịhịan mirin-Chuku sị m, ‘Onyẹ i jẹnkọ d'a hụn kẹ Mmọn-nsọ hidan nọkwasị, ịya wụ onyẹ hụ jẹnkọ d'e gi Mmọn-nsọ mẹ ịhịan mirin-Chuku.’

Jọnụ 5:29

a pụha wẹ — ndị mẹ mma e lihi banye ndụn itẹbitẹ; ndị mẹ njọ e lihi narịn ikpe-ọmụma.

Ọrụn Ndị-ozi 10:47

“Onyẹ k'a sị wẹ emẹlẹ ndịnị mirin-Chuku, ebe o mẹni e nwọnhẹngụọ wẹ Mmọn-nsọ kẹ ẹnyi nwẹn dọn nwọnhẹn?!”

Ọrụn Ndị-ozi 13:3

E bugụ wẹ ọnụ, mẹgụ ekpere, bugụ ẹka kwasị Banabasị lẹ Sọlụ, wẹ nọ zipụ wẹ.

Ọrụn Ndị-ozi 16:15

Ogẹn wẹ gi mẹgụ ya lẹ ikpụlọ a mirin-Chuku, ọ nọ gi arịrịọ sị ẹnyi, “Omẹni ụnụ weri ẹ nị m kwerini Di-nwọnni-ẹnyi, bịa nị nwan iwe m d'a nọdị.” Ọ rịọ ẹnyi ọda-ọda, ẹnyi nọ kweri.

Ọrụn Ndị-ozi 16:33

Ọ nọ weri wẹ imẹ abalị hụ d'a chanchan wẹ ebe wẹ rụsọnmẹ wẹ ẹhụ, wẹ nọ mẹ ya lẹ ikpụlọ a ile mirin-Chuku ozigbo hụ.

Ọrụn Ndị-ozi 17:18

Ụfọdụ ndị ọka-ẹkụkwọ rị itu Epikuria lẹ itu Stọiki nọ sọn ẹ dọma. Ụfọdụ sị, “Kị onyẹ ịta-lẹ-okuni rị e ku?” Ndị ọzọ sị, “Ọ nọ kẹ sị ọ rị e ghoro mmọn ọhụn.” (Wẹ ku ẹrịra makẹni ọ rị e zi oziọma banyeni Jesu, e ku oku ịgha ọnwụn lihi.)

Ọrụn Ndị-ozi 2:38

Pita nọ za wẹ, sị, “Onyẹ-onyẹ imẹ ụnụ ya rogharị, ni wẹ gi ẹfan Jizọs Kraịstị mẹ ẹ mirin-Chuku, Osolobuẹ a gbagharị a njọ, ogẹn ahụn, o nwọnhẹn oyiye hụ wụ Mmọn-nsọ.

Ọrụn Ndị-ozi 2:41

Wẹ nọ mẹ ndị ile nabanhan ozi ẹ mirin-Chuku. Ihiẹn nọ kẹ madụ nnụ-uku ẹtọ (3,000) banyeni wẹ ụhụọhịn hụ.

Ọrụn Ndị-ozi 23:6

Ogẹn Pọlụ gi hụn a nị ụfọdụ Ndị-isi Nkịkwama hụ wụ ndị itu Sadusi, ụfọdụ wụ ndị Itu-Farisi, o weshi olu elu, sị, “Umunẹ, m wụ onyẹ Farisi maị, nwa onyẹ Farisi! Wẹ rị e kpe m ikpeni makẹ olilẹnya m nwọn nị ndị nwụnhụnnị jẹnkọ d'e lihi!”

Ọrụn Ndị-ozi 24:15

Ihiẹn ohu hụ ndịnị rị e lee ẹnya a ẹka Osolobuẹ kẹ mmẹ nwẹn rịzị e lee ẹnya a: nị ndị nwụnhụnnị jẹnkọ d'e lihi, kẹ ndị ezi-omumẹ kẹ ndị njọ.

Ọrụn Ndị-ozi 24:21

mmanị oro ohuni m yi kẹ m wuzo ihun wẹ: ‘Ụnụ rị e kinkwọ m ikpe tannị makẹni m kweri nị ndị nwụnhụnnị jẹnkọ d'e lihi!’ ”

Ọrụn Ndị-ozi 24:25

K'o dọn rị e ku oku ezi-omumẹ lẹ ikwọndọn-enwẹn ịhịan lẹ Okinkin-ikpe lalanị, egun nọ tụma Fẹlisi. Ọ nọ sị, “I k'e jẹnmẹgụ, m k'a chọ efe kpọzị ị.”

Ọrụn Ndị-ozi 26:8

Kị haịn o gi a fụ ụnụ ọrụn ikweri nị Osolobuẹ e weli ndị nwụnnị?

Ọrụn Ndị-ozi 4:2

Ize hụ e ze wẹ ọda-ọda makẹni wẹ rị e gi oku Jesu a gwa wẹ nị ndị nwụnnị jẹnkọ d'e lihi.

Ọrụn Ndị-ozi 6:6

Ya wẹ nọ wepụha ndịnị ihun Ndị-ozi ahụn pụ-ichẹn, Ndị-ozi ahụn pụ-ichẹn nọ mẹ ni wẹ ekpere, bu ẹka kwasị wẹ.

Ndị Rom 2:16

Ẹrịra k'o jẹnkọ d'a rị Ụhụọhịn ahụn Osolobuẹ k'e gi gi ihiẹn zueri obi ịhịan kin ịhịan ikpe ghahanị Jesu Kristi kẹ m dọn rị e ku imẹ oziọma m rị e zi.

Ndị Kọrẹntị Ibuzọ 10:2

wẹ ile gizi isọn orukpu hụ lẹ ifetu Ohimin hụ wụrụ ndị e sọn Mozizi.

Ndị Kọrẹntị Ibuzọ 12:13

Makẹni, Osolobuẹ gha ẹka Mmọn ohu bu ẹnyi ile che ẹhụ ohu, kẹ ndị Ju kẹ ndị ọzọ, kẹ igbọn kẹ ndị nwọn enwẹn wẹ, mẹ ẹnyi ile rarị Mmọn ohu ahụn.

Ndị Kọrẹntị Nke Ẹbụọ 5:10

Makẹni ẹnyi ile k'a pụha ihun Oche okinkin-ikpe Kraịstị n'o kin ẹnyi ikpe, kẹni onyẹ-onyẹ narịn ụgwọ ihiẹn ọ rụn k'ọ rị imẹ ẹhụnị — kẹ mma kẹ njọ.

Ndị Filipi 3:21

O k'e nwọnhutọ ẹhụ ẹnyi ndịnị ụya e ri, a nọ wẹ kẹ ẹhụ a ọghọ jun; ikẹn ẹ ahụn o gi a saẹka e bu ihiẹn ile e che okpuru ẹ k'o sikọ d'e gi mẹ ẹ.

Ndị Kolosị 2:12

E mẹgụọ wẹ ụnụ mirin-Chuku gi ligbama ụnụ lẹ Kraịstị, wepụha ụnụ imẹ mirin gi weligbama ụnụ lẹ ya, makẹni ụnụ gi ikẹn Osolobuẹ dọn ẹnya, Osolobuẹ hụn gha ọnwụn weli Kraịstị.

Timoti Nke Ẹbụọ 2:18

Madụ ẹbụọnị a ghaọlẹ imẹ ezioku kpapụ: wẹ rị a sị nị Osolobuẹ e weligụọlẹ ndị nwụnnị. Wẹ rị e gi ihiẹnni e wiwi okukwe ụfọdụ ndị kwerini.

Hibru 11:35

ikpoho e gighọdẹ okukwe nwọnhẹnzi ndị nke wẹ nwụnhụngụnị. O nwọnzighọ ndị wẹ mẹshi ikẹn ọda-ọda, kanị okukwe kẹ wẹ gilẹni kweri mẹ ihiẹn wẹ sị wẹ mẹ nị wẹ hatu wẹ, makẹni wẹ gi ẹ dọn ni wẹ sikọ d'a gha ọnwụn lihi, nwọnrin ndụn ka mma.

Hibru 9:10

Makẹni oyiye lẹ ẹjan ndịnị wụhụ oku ihiẹn-oriri lẹ ihiẹn-ọrịra lẹ nchanchan rị ichẹn-ichẹn wẹ gi e dọn nsọ, omẹnalị ẹnya e legha wẹ buche wẹ olu d'e ru ogẹn ihiẹn rịchanrịn mma e gi pụha.

Pita Nke Ẹbụọ 3:7

Nke igwere lẹ ụwa rị ogẹnni, Osolobuẹ e gigụọzị oku-ọnụ a hụ bu wẹ dọnmẹ n'o k'a dụn wẹ ọkụn; ọ rị e che Ụhụọhịn ahụn o k'e kin ndị-njọ ikpe, tikpọ wẹ.