Hibru 6:19 - Ika

¹⁹ Olilẹnyanị wụ agbụn zeni furu wẹ gi e dọn ẹnya hụn wẹ gi limẹ umẹ-ndụn ẹnyi. Olilẹnyanị e we ẹnyi a ghafe Ẹkwa-mgbọnbepụ hụ, e weban ẹnyi imẹ-imẹ ebẹhụ Osolobuẹ rị,

Hibru 6:19 ပူးပေါင်းရင်းမြစ်များ

Ẹbụ-ọma 39:7

Kị m'e gi nwan dọn ẹnya, Osolobuẹ? Ịyụ kẹ m gi dọn ẹnya.

Ẹbụ-ọma 42:11

Obi m, kẹ ndụn rị a gụn'ị? K'ị rị e sọngbu ni m? Lemẹkwọ Chuku, nị m k'a jazị a mma; ịya wụ onyẹ e yeni m ẹka lẹ Chuku m.

Ẹbụ-ọma 42:5

Obi m, kẹ ndụn rị a gụn'ị? K'ị rị e sọngbuni m? Lemẹkwọ Chuku, nị m sikọ d'a jazị a mma; ịya wụ onyẹ e yeni m ẹka; ịya wụ Chuku m.

Ẹbụ-ọma 43:5

Obi m, kẹ ndụn rị a gụn'ị? K'ị rị e sọngbuni m? Lemẹkwọ Chuku, nị m k'a jazị a mma; ịya wụ onyẹ nzụọpụha m lẹ Chuku m.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 28:16

Osolobuẹ hụn nwọn ikẹn ile sị nwan, “Lee ni ẹnya, m rị e butọ ọmụma imẹ Zayọnụ, ọmụma wẹ lelegụ ọhụnma; ọmụma rị mkpa hụn wụ iyetọ; uhue ehuekọ onyẹ gi ẹ dọn ẹnya.

Lẹvitikọsụ 16:15

“O k'e gbu nwan ewu hụ o gi a chụn ẹjan-njọ ndị Izrẹlụ; o weri ẹdeke ẹ ghafe Ẹkwa-mgbọnkin hụ, shi imẹ Ebe Kachanrịn nsọ, mẹ ẹ k'ọ mẹ ẹdeke okẹn-efin hụ: o fe e ye elu okun hụ wẹ nọ a gbarị isi, o feyezi ẹ ihun ẹ.

Lẹvitikọsụ 16:2

Osolobuẹ sị Mozizi, “Gwa Ẹrọnụ nwẹnẹ i ya atụkwọlẹ ẹhụ banhan Ebe Kachanrịn nsọ hụn rị azụụn Ẹkwa-mgbọnkin, ihun okun ẹkpẹti-nsọ, okun hụ wẹ nọ a gbarị isi: y'e mẹkwọl'a amamgbe ọ nwụnhụn, makẹni m rị imẹ orukpu hụ hụn a pụha elu okun hụ wẹ nọ a gbarị isi.

Zẹkaraya 9:12

Ndị wẹ kwọndọn hụn rị e lee ẹnya nzụọpụha, kinhẹn ni nwan ezigbo ụlọ ụnụ zeni! M rị a gwa ụnụ tannị nị m k'e yekin ụnụ ihiẹn ile ụnụ tuhu, gi hụn han kẹ ịya dụnnị ụnụ ya.

Matiu 27:51

Ya kẹ ẹkwa wẹ gi gbọnbepụ Ebẹhụ Kachanrịn Nsọ imẹ Ụlọ-nsọ nọ gbawa ẹbụọ ozigbo, gha elu d'e ru alị. Alị nọ zinzin, ọmụma hụ e tiwa;

Ọrụn Ndị-ozi 23:6

Ogẹn Pọlụ gi hụn a nị ụfọdụ Ndị-isi Nkịkwama hụ wụ ndị itu Sadusi, ụfọdụ wụ ndị Itu-Farisi, o weshi olu elu, sị, “Umunẹ, m wụ onyẹ Farisi maị, nwa onyẹ Farisi! Wẹ rị e kpe m ikpeni makẹ olilẹnya m nwọn nị ndị nwụnhụnnị jẹnkọ d'e lihi!”

Ọrụn Ndị-ozi 27:29

Ya egun nọ tụma wẹ nị ẹnyi jẹnkọ d'e ti ọmụma, wẹ nọ shi ibe azụụn, gbatọpụ eriri ihiẹn igwe ẹnọ ọnụ wẹ mẹ suẹn-suẹn-suẹn wẹ gi e limẹ ụgbọ, nị, ikẹnkwọ o zudọn alị, wẹ nọ rịọma nị eki fọn.

Ọrụn Ndị-ozi 27:40

Wẹ nọ tọpụ igwe ndị hụ e zudọn alị ye imẹ mirin, a tọlụlụa wẹ eriri ndị hụn kwọndọnsọnmẹ amaran wẹ gi a nyan ụgbọ ahụn, e seshi wẹ ẹkwa rị ibe ihun ufere gi e bu ụgbọ elu buzinmẹchanrịn ufere n'o bushikẹnmẹdẹ ụgbọ ihun, ụgbọ-mirin hụ nọ dọn ihun ngugu-mirin.

Ndị Rom 4:16

Ya wụ nị okukwe kẹ wẹ gha e nwọnhẹn ihiẹn ahụn Osolobuẹ kwe nkwa a, kẹni nkwa hụ wụrụ ihiẹn-ọfẹ Osolobuẹ gi ẹfọma ye hụn k'e ru ụmụ Ebraham ile ẹka — ẹlẹ ndị wẹ ye Iwu sụọ kanị ndị ile nwọn okukwe kẹ Ebraham, ebe o mẹ ni ịya wụ nẹdi ẹnyi ile.

Ndị Rom 4:18

Ebraham e kweri, ọsụọn'a n'o nwọnni ihiẹn o kwọndọn ẹka, ọ tọ a tụ ẹnya n'o jẹnkọ d'a wụrụ “Nẹdi alị bu ọda,” kẹ Osolobuẹ dọn gwa a mbụ ogẹn o gi sị a, “Ẹrịra kẹ ụmụ ị k'e buhan ọda.”

Ndị Rom 5:4

ndidin e wẹhẹ agụngụn rị mma; agụngụn rị mma e wẹhẹ olilẹnya —

Ndị Kọrẹntị Ibuzọ 13:13

Ihiẹn ẹtọ rịnị wụ okukwe, olilẹnya lẹ ihiẹn-ọsụsụọ, kanị, hụn kachanrịnnị wụ ihiẹn-ọsụsụọ.

Ndị Kọrẹntị Ibuzọ 15:58

Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.

Ndị Ẹfẹsọsụ 2:6

Osolobuẹ a ghagụ ọnwụn weli ẹnyi, ọ nọ weshi ẹnyi elu k'o dọn weshi Kraịstị, mẹ ẹnyi sọn Kraịstị Jizọsị nọdị alị imẹ elu-igwee makẹni ẹnyi rị imẹ Kraịstị.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 3:1

O mẹ nwan nị ụnụ e sọngụọ Kraịstị gha ọnwụn lihi, chọma nị nwan ihiẹn ndị hụn rị elu, ebẹhụ Kraịstị nọdị alị ẹka-nni Osolobuẹ.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Hibru 9:3

Wẹ ghafe ẹkwa mgbọnbepụ rị mmughẹni, a banye wẹ mmughẹ m'ẹ ẹbụọ, hụn w'a kpọ “Ebẹhụ Kachanrịn Nsọ.”

Hibru 9:7

kanị, onyẹ-isi nchụn-ẹjan sụọ a banye mmughẹ nke ẹbụọ, mgbe ohu ahụa. Ọ banyekọnị, o k'e girịrị ẹdeke o gi chụnye ẹjan njọ a lẹ njọ ndị Izrẹlụ kpachanpụlẹni ẹnya mẹ.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.