Hibru 6:1 - Ika

¹ Nị ẹnyi jẹnshi ni nwan ihun, la nkuzi ibuzọ ndịnị rị ofufe Kraịstị tọ, wụrụ ndị ka ẹhụ imẹ Kraịstị. Ẹlẹ hụn ẹnyi e gi gbemẹzi iyetọ, kuzimẹzi irogharịnị latọ ihiẹn ndị ahụn ghalẹni e ye ndụn, lẹ ikwerini Osolobuẹ

Hibru 6:1 ပူးပေါင်းရင်းမြစ်များ

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Matiu 21:29

Ọ nọ sị, ‘Ejẹnkọ m.’ Kanị, omẹgụ, o rohutọ, jẹnmẹ.

Matiu 21:32

Makẹni, Jọnụ hụn e mẹ mirin-Chuku bịa d'a ghọsị ụnụ ezigbo ụzọ ahụn Osolobuẹ chọ, kanị, ụnụ egini oku ẹ dọn. Kanị ndị a na ụgwọ-isi wẹ gi njọ wẹ marịn lẹ ndị ịgbaraja gi ẹ dọn; ogẹn ụnụ gidẹ hụn ihiẹn rị e mẹni ụnụ egin'ẹ rogharị, kweri ihiẹn o ku.

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 4:17

Jizọsị nọ gha ogẹn hụ zimẹ ozi, a sị, “Rogharị nị, makẹni alị-eze Osolobuẹ a rịgụọ nsue!”

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Matiu 7:25

mirin e zue, huru, okẹn ufere a kpọ ụlọ hụ, kanị ọ dannị, makẹni wẹ rụnye ẹ elu ọmụma.

Makị 1:1

Ẹnịna kẹ oziọma Jizọsị wụ Kraịstị Nwa Osolobuẹ dọn bidọn:

Makị 6:12

Wẹ nọ jẹnmẹ d'e kumẹ oku-Chuku, a sị wẹ rogharị;

Luku 6:48

ọ nọ kẹ onyẹ rị a tụn ụlọ, hụn gumi mgbugbu, gbe iyetọ a ye elu ọmụma; ogẹn okẹn mirin gi huru, ide ẹ nọ hukunrun ụlọ hụ, ọ sanị ẹka mẹhunmẹ ẹ, makẹni wẹ tụn a ọhụnma.

Jọnụ 12:44

Jesu nọ yi, “Onyẹ kwerinini m ẹlẹ mmẹ k'o kwerini, kanị onyẹ hụn zihẹni m.

Jọnụ 14:1

Jizọsị nọ sị wẹ, “Anịlẹ ni obi nahịn ụnụ. Kweri ni ni Osolobuẹ; kwerizikwọ nị nị mmẹ nwẹn.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 17:30

Osolobuẹ e fepụghọ ẹnya ogẹn mbụ ịhịan marịnlẹn'a. Kanị, ọ sị nwan ịhịan ile rị ebe ile wẹ rogharị.

Ọrụn Ndị-ozi 2:38

Pita nọ za wẹ, sị, “Onyẹ-onyẹ imẹ ụnụ ya rogharị, ni wẹ gi ẹfan Jizọs Kraịstị mẹ ẹ mirin-Chuku, Osolobuẹ a gbagharị a njọ, ogẹn ahụn, o nwọnhẹn oyiye hụ wụ Mmọn-nsọ.

Ọrụn Ndị-ozi 20:21

a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.

Ọrụn Ndị-ozi 26:20

Kama, e zimẹ m ozi hụ imẹ Damaskọsụ ebẹhụ. E zigụ m ndị rị Damaskọsụ ozi hụ, m nọzị zi ẹ imẹ Jerusalẹm lẹ ẹgbẹrẹ Judia ile, zizikwọ ndị alị ndị ọzọ ya, a sị wẹ rogharị buru Osolobuẹ, bimẹ kẹ ndị rogharịnị.

Ọrụn Ndị-ozi 3:19

Rogharị nị nwan ụnụ e kinhẹn n'o finchanpụ ụnụ njọ,

Ndị Kọrẹntị Ibuzọ 13:10

Kanị hụn zu oke bịa, hụn zulẹni oke a la.

Ndị Kọrẹntị Ibuzọ 2:6

Kanị, o nwọnghọ amamihiẹn ẹnyi e ku oku ẹ ebe ndị ka-ẹhụ imẹ okukwe rị hụn wụlẹni amamihiẹn eluni — mọbụ nke ndị-ọkịkị ogẹnni lakọnị.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Kọrẹntị Nke Ẹbụọ 7:10

Makẹni, wẹ jụgbọ ịhịan nị hụnyẹ a nị a fụ a kẹ Osolobuẹ dọn chọ, o mẹ ẹ rohutọ — mmanị arịkọ a; kanị omẹni ize k'o ze hụnyẹ, ọnwụn k'o buhẹ.

Ndị Ẹfẹsọsụ 2:1

Ogẹn mbụ, ụnụ te nwụnhụn anwụnhụn makẹ njọ lẹ mmẹfie ụnụ.

Ndị Ẹfẹsọsụ 2:5

ọsụọn'a nị njọ ẹnyi e te gbugụọ ẹnyi, ọ nọ gha ọnwụn wepụha ẹnyi, mẹ ẹnyi sọn Kraịstị rịzị ndụn. Ẹfọma Osolobuẹ mẹ kẹ ụnụ gi nwọn nzụọpụha.

Ndị Ẹfẹsọsụ 4:12

O yesọnmẹ oyiye ndịnị n'o gi wẹ a zụn ndị nke Osolobuẹ ile ọzụnzụn ọrụn Kraịstị chọ lẹni o gi wẹ e mẹ ẹhụ Kraịstị wụ ụka e sue, a tụn a kẹ ụlọ.

Ndị Kolosị 1:28

Kraịstịnị kẹ ẹnyi rị nwan a ghahunmẹ e ku oku ẹ, e gi amamihiẹn ile Osolobuẹ ye ẹnyi a dọ onyẹ ọwụlẹ ẹka-ntịn, a kuzi onyẹ ọwụlẹ, kẹni ẹnyi saẹka wepụha wẹ ile ihun Osolobuẹ nọkẹ ndị ka-ẹhụ imẹ Kristi.

Ndị Kolosị 3:14

Hụn kadẹni, yiri ni ihiẹn-ọsụsụọ, makẹni ịya kẹ wẹ ile gi a layechanrịn k'o furu.

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Timoti Ibuzọ 6:19

e gi ụzọnị a kpatọnị enwẹn wẹ akụ-lẹ-ụba wụ akụ-lẹ-ụba nke-esi, gi kwademẹni ogẹn lalanị, kẹni wẹ kwọndọn ndụn ahụn wụ ndụn nke-esi.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Hibru 11:6

bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Hibru 12:13

Gha nị nwan ụzọ rị mma, kẹni ụkụ rịlẹni ikẹn hụn ụzọ dịnhịn, amamgbe ọ kwapụ.

Hibru 7:11

O mẹ nwan nị ụdị ịchụn-ẹjan ụmụ Livaị wẹ gi tumẹni Izrẹlụ Iwu Mozizi kẹ Osolobuẹ te gi e dọnzi ihiẹn, kị Osolobuẹ k'e tumẹmẹzini ụdị onyẹ nchụn-ẹjan ọzọ, ụdị nke Mẹkizẹdẹkị, ẹlẹzi nke Ẹrọnụ?

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Jemisi 1:4

Nị nị nwan ndidin rụnchanrịn ọrụn a, kẹni ụnụ hụn ụzọ wụrụ ndị ka ẹhụ, nwọnlẹni ebe wẹ nọ a la azụụn.

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Jọnụ Ibuzọ 4:12

Onwọntuni onyẹ gi ẹnya a hụn Osolobuẹ, kanị omẹni ẹnyi nwọn ihiẹn-ọsụsụọ ibe ẹnyi, ya wụ nị Osolobuẹ bi imẹ ẹnyi, ihiẹn-ọsụsụọ a zuzikwọ oke imẹ ẹnyi.