Hibru 5:9 - Ika

⁹ O gigụ a nwan ru ogo, ọ nọ wụrụ onyẹ hụn nzụọpụha itẹbitẹ gha ẹka a a bịanị onyẹ ọwụlẹ humẹn'ẹ isi —

Hibru 5:9 ပူးပေါင်းရင်းမြစ်များ

Ẹbụ-ọma 45:17

M k'e mẹ agbọ ile a nyanhan ị, alị ile a ja ị mma jẹnrin ejẹn.

Ẹbụ-ọma 51:6

Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.

Ẹbụ-ọma 51:8

Dodo, mẹ m ghọghọ, mẹ ẹfọ sụọ m ụsụọ; yezi m ịghọghọ ru m ọkpụkpụ k'i dọn gweriẹn m ru ọkpụkpụ.

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Zẹkaraya 6:15

“Ndị rịdẹ ebe teni sikọ d'a bịa d'e ye ẹka tụn Ụlọ-NSỌ Osolobuẹ. Ogẹn ahụn, ụnụ e gi ẹ marịn nị Osolobuẹ lẹ enwẹn ẹ hụn ihiẹn ile rị okpuru ẹ zi m d'a gwa ụnụ oku. “Ihiẹnni k'e mẹ omẹni ụnụ hụ e mẹ ihiẹn Osolobuẹ wụ Chuku ụnụ ku, e mẹshi ẹ ikẹn.”

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Luku 13:32

Jesu nọ sị wẹ, “D'a gwanị nị m ufu ahụn e mẹ ẹro nị m sị, ‘Gọn ntịn, m rị a chụpụ eje-mmọn tannị, a zụọ ndị emu rị a kụ; ekile e mẹzi m ẹrịra; nke akpọhịn ẹtọ, a rụnchanrịn m ọrụn m.’

Jọnụ 19:30

Manyanị a bangụ Jizọsị ọnụ, ọ nọ sị, “Ọ gụgụọ!” Ya ọ nọ bu isi kọma alị, nwụnhụn.

Ọrụn Ndị-ozi 3:15

Ụnụ nọ gbu onyẹ hụn e ye ndụn, kanị Osolobuẹ nọ gha ọnwụn weli ẹ. Ihiẹnni mẹye ẹnyi ile ẹnya.

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Ọrụn Ndị-ozi 5:32

Ẹnyi rị nwan a shịa ẹri ihiẹn ndịnị, ẹnyi lẹ Mmọn-nsọ hụn Osolobuẹ ye ndị e humẹn'ẹ isi.”

Ndị Rom 1:5

Osolobuẹ a ghalẹ nwan ẹka Jesu Kristini mẹni ẹnyi ẹfọma, gha ẹka a ye ẹnyi ọrụn ndị-ozi pụ-ichẹnni ẹnyi rị a rụn, kẹni ẹnyi hụn ụzọ wẹhẹ ndị alị ọzọ ile d'e kwerin'ẹ, humẹn'ẹ isi kẹ ndị kwerinin'ẹ, kẹni o gi ẹ ye ẹfan a ọghọ;

Ndị Rom 10:16

Kanị, ẹlẹ ịhịan ile kweri oziọma wẹ zi wẹ. Azaya lẹ enwẹn ẹ sị, “Di-nwọnni-ẹnyi, onyẹ kweri ozi ẹnyi zi?”

Ndị Rom 15:18

Ekukọdẹ m ihiẹn ọwụlẹ karị ihiẹn Kraịstị gi m rụn imẹ igunrun ndị alị ọzọ wụlẹni ndị Ju, hụn o gi mẹ wẹ wụrụ ndị e humẹni Osolobuẹ isi. Ihiẹn o gi oku-ọnụ m lẹ ihiẹn m rụn mẹ,

Ndị Rom 2:8

Kanị, Osolobuẹ k'e gi iwe-lẹ-ọnụma a sọn ndị hụn a chọ nke-wẹ nke-wẹ, a jụ ezioku, e sọn eje-ihiẹn;

Ndị Rom 6:17

Kanị, ekele ya rịnị Osolobuẹ, nị, ọsụọn'a nị ụnụ te wụ igbọn njọ, ụnụ e gigụọ obi ụnụ ile humẹ isi, mẹ ihiẹn wẹ kuzi ụnụ kẹ wẹ dọn kuzi ẹ;

Ndị Kọrẹntị Nke Ẹbụọ 10:5

lẹ ihiẹn ọwụlẹ e bushi enwẹn ẹ elu e mẹ ịhịan amarịnlẹ Osolobuẹ; ẹnyi a nwụndọn iroro ile, e mẹ wẹ e kweyeni Kraịstị.

Ndị Filipi 2:12

Ufiri ẹ, ndị nke m, kẹ ụnụ dọn e humẹni m isi ogẹn mmẹ lẹ ụnụ gi rị ụzọ ohu, e mẹkẹnmẹzidẹ ẹ hụnnị m rịlẹn'a, mẹsọnmẹ ni nwan ẹrịra: e gi ni egun lẹ ẹhụ-ọmụma-nni e bi, e mẹ ihiẹn ile Osolobuẹ e gi zụọpụha ụnụ.

Ndị Tẹsalonika Nke Ẹbụọ 1:8

Wẹ k'e gi ọkụn rị e nwunni bịa; wẹ k'e mẹgwarị wẹ ile marịnlẹni Osolobuẹ lẹ ndị hụn mẹlẹni ihiẹn oziọma Di-nwọnni-ẹnyi Jesu ku,

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Timoti Nke Ẹbụọ 2:10

Ya haịn m gi e dingbuchanrịn ihiẹn ile makẹ ufiri ndị Osolobuẹ họrị, kẹni wẹ nwẹn nwọnhẹnzi nzụọpụha rị imẹ Kraịstị wụ Jizọsị lẹ ọghọ itẹbitẹ rịn'a.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Hibru 11:40

Makẹni, Osolobuẹ kwademẹni ẹnyi ọghọ ka mma, nị ezukọ wẹ oke bụ ẹnyi arịa.

Hibru 11:8

Okukwe kẹ Ebraham gi kweri ogẹn Osolobuẹ gi kpọ a, sị a shi ebe o jẹnkọ d'e ye ẹ; ọ nọ jẹnmẹ bụ ọ marịn ebe o jẹnkọ.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 2:10

Osolobuẹ mẹ ihiẹn furuni, ebe o mẹ ni ẹka a kẹ ihiẹn ile gha bịa; ebe o mẹ ni ihiẹn ile wụzịkwọ nke ẹ. Makẹni ọ chọ n'ọ zụọpụha ndị bu ọda, webahan wẹ ebe ọ rị, kẹni wẹ wụrụ ụmụ a, sọn ẹ nwọn ọghọ a, ọ nọ gi afụnfụn kwademẹ onyẹ hụn o gi bidọn nzụọpụha hụ, mẹ ẹ ru ogo onyẹ-nzụọpụha.

Hibru 2:3

nanị ẹnyi a dọn nwan wanahịn omẹni ẹnyi a jụ okẹn nzụọpụhanị nọ ẹnịna, hụn Di-nwọnni-ẹnyi lẹ enwẹn ẹ bu ụzọ zimẹ ozi ẹ; hụn ndị gha ọnụ a nụ a shịa ẹri, ghọsị ẹnyi nị ezioku rọ,

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Judu 1:21

E dọnmẹ ni enwẹn ụnụ hụn ihiẹn ụnụ e gi a sụọ Osolobuẹ, kẹ ụnụ dọn rị e che omikẹn Di-nwọnni-ẹnyi wụ Jizọs Kraịstị, hụn k'e wẹhẹni ụnụ ndụn itẹbitẹ.