Hibru 4:13 - Ika

¹³ Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Hibru 4:13 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 16:9

makẹni ẹnya Osolobuẹ rị a ghahunmẹ elu ụwa ile n'ọ hụn ụzọ gba ndị wechanrịn obi wẹ ile ye ẹ umẹ. Y'e zuzuọlẹ nzuzu. Agha sikọ d'a bịasọnmẹn'i nwan gha kikẹnni jẹnmẹ.”

Ihiẹn Mẹni Nke Ẹbụọ 6:30

dodo, gha elu-igwee, ebe obibi i, nụ ekpere ẹ. Gbagharị; y'e mẹ ihiẹn banyen'ẹ, gi ihiẹn ile onyẹ-onyẹ mẹ sọn ẹ, ebe o mẹ ni y'a marịngụọ obi ẹ (makẹni ịyụ sụọ marịn obi ịhịan ile).

Jobu 26:6

Alị-mmọn gba ọtọ ẹnya Chuku; Ntikpọ nkẹ rị oghe ẹnya a.

Jobu 34:21

Ẹnya Chuku e legha ịhịan ebe ọwụlẹ ọ ghakọ; ọ hụn nzọmụkụ wẹ ile.

Jobu 38:17

A ghọsịtughọ wẹ i ọnụ-mgbọn alị-mmọn? Y'a hụntughọ ọnụ-mgbọn ebẹhụ kachanrịn ishi a gba?

Ẹbụ-ọma 139:4

M gini d'e kudẹ oku, Osolobuẹ, y'a marịngụọlẹ ihiẹn m jẹnkọ d'e ku.

Ẹbụ-ọma 44:21

Chuku amarịnkọ? O k'a marịn nụ, makẹni ọ marịnghọ obi ẹnyi, ọsụọn'a nị obi ẹnyi zueri ezueri!

Ẹbụ-ọma 7:9

Euu Chuku hụn rị ọchan, ịyụ, hụn e lele obi lẹ iroro ịhịan; dodo kụsị eje-ihiẹn ndị-njọ rị e mẹ, y'e dọnmẹ ndị ezi-omumẹ ọhụnma.

Ẹbụ-ọma 90:8

Y'e bu njọ ẹnyi e che ihun i ogẹn ile; y'e wepụhadẹ njọ ẹnyi mẹ nzuzue ihun i.

Itẹn 15:11

Kẹ Ọnwụn kẹ Ntikpọ onwọnni hụn zuerini ẹnya Osolobuẹ — ọrịwụzị obi ịhịan!

Itẹn 15:3

Ẹnya Osolobuẹ rị ụzọ ile, e lee ndị eje-omumẹ lẹ ndị ezi-omumẹ.

Itẹn 5:21

Makẹni ụzọ hụn ịhịan a gha ezuerini ẹnya Osolobuẹ kaka, o lechan ụzọ ile hụnyẹ a gha.

Ẹkịliziastisi 12:14

Makẹni Chuku jẹnkọ d'a jụ ịhịan ukwere ihiẹn ile o mẹ, ya lẹ ihiẹn ile zuerini — kẹ mma kẹ njọ.

Jerimaya 16:17

M hụ a hụn ihiẹn ile wẹ rị e mẹ, onwọnni hụn zuerini ebe m rị, onwọnni njọ wẹ m ghalẹni e legha.

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 23:24

Nị ịhịan saẹka warị ebe zuerini amamgbe m'a hụn a? Ụnụ amarịn nị m rị ebe ile rị elu-igwee lẹ ụwa?

Jerimaya 29:23

M k'e mẹ wẹ ẹbụbụọ ẹrịra makẹni e mẹgụọ wẹ arụ imẹ Izrẹlụ; a nagụọ wẹ ibe wẹ inyẹnmẹ, gi ẹfan m tụ ntụ, ku ihiẹn m gwalẹni wẹ kụ. A marịnghọ m ihiẹn wẹ mẹ; m wụ ọshẹri.’ ” Ya kẹ Osolobuẹ ku.

Daniẹlụ 2:22

Ịya e wepụha ihiẹn mini lẹ ihiẹn zuerini ifọn, ịya marịn ihiẹn rị imẹ ishi, ịya lẹ ukpẹ wị bi.

Matiu 6:4

kẹni ihiẹn ụnụ mẹni ndị-igbẹnnyẹ wụrụ ihiẹn ụnụ mẹ nzuzue, Nẹdi ụnụ hụn a hụn ihiẹn zuerini a kụ ụnụ ụgwọ.

Jọnụ 2:24

Kanị Jizọsị ebuni enwẹn ẹ ye wẹ, makẹni ọ marịngụọ kẹ ịhịan ile nọ.

Jọnụ 21:17

Jesu nọ jụzị a ya hụn mẹ ẹ mgbe ẹtọ, “Saịmọnụ nwa Jọnụ, ihiẹn m a sụọghọ ị?” Ọ nọ fụ Pita nị Jesu jụ a mgbe ẹtọ, “Ihiẹn m a sụọghọ ị?” Pita nọ sị a, “Di-nwọnni-ẹnyi, y'a marịnghọ ihiẹn ile; y'a marịnghọ nị ihiẹn i a sụọghọ m.” Jesu nọ sị a, “Lepụ atụnrụn m ẹnya.

Jọnụ 4:16

Jizọsị nọ sị a, “Jẹn d'a kpọha di i, y'e kinhẹn ebeni.”

Ọrụn Ndị-ozi 17:31

Makẹni, ọ kayegụọ ụhụọhịn o gi kin ụwa ikpe zinrinni ghahanị okẹnnyẹ ohu o tumẹ. Ọ ghọsịgụọ onyẹ okẹnnyẹ hụ wụ ghahanị iweli ẹ ogẹn o gi nwụnhụngụ.”

Ndị Rom 2:16

Ẹrịra k'o jẹnkọ d'a rị Ụhụọhịn ahụn Osolobuẹ k'e gi gi ihiẹn zueri obi ịhịan kin ịhịan ikpe ghahanị Jesu Kristi kẹ m dọn rị e ku imẹ oziọma m rị e zi.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ndị Kọrẹntị Nke Ẹbụọ 5:10

Makẹni ẹnyi ile k'a pụha ihun Oche okinkin-ikpe Kraịstị n'o kin ẹnyi ikpe, kẹni onyẹ-onyẹ narịn ụgwọ ihiẹn ọ rụn k'ọ rị imẹ ẹhụnị — kẹ mma kẹ njọ.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.

Samuẹlụ Nke Ibuzọ 16:7

Kanị Osolobuẹ nọ sị Samuẹlụ, “Etulẹ kẹ ẹhụ a nọ mọbụ k'ọ pụhan-ẹka, nị ẹlẹ ịya kẹ m họrị. Osolobuẹ ara lee ihiẹn kẹ ịhịan dọn e lee! Hụn ẹnya e legha kẹ ịhịan e lee, kanị obi kẹ Osolobuẹ e lee.”