Hibru 4:12 - Ika

¹² Makẹni, Oku Osolobuẹ rị ndụn; ọ rụn ọrụn; ọ tụ nkọ, tụkarị ọpịa-agha ọnụnaị ọwụlẹ: o zubanchanrịn imẹ, d'e ru umẹ-ndụn lẹ mmọn, d'e rudẹ okẹn-ẹhụ lẹ ụmị ọkpụkpụ, o rudẹ obi ịhịan d'e lele iroro ẹ lẹ ihiẹn o bu obi.

Hibru 4:12 ပူးပေါင်းရင်းမြစ်များ

Ẹbụ-ọma 110:2

Osolobuẹ k'e mẹ i gha obodo Zayọnụ kịgbarị: kịma nwan ndị-iṅẹnrẹn i.

Ẹbụ-ọma 119:130

Wẹ kọwa oku i, ukpẹ a bịa, o mẹ ogbori a marịn ihiẹn.

Ẹbụ-ọma 139:2

Kẹ m nọdị alị-o kẹ m wuzo ọtọ-o, y'a marịnghọ; y'a gha ebe teni a ghọta ihiẹn m rị e ro.

Ẹbụ-ọma 149:6

Wẹ bu ẹbụ wẹ gi a ja Osolobuẹ mma che ọnụ, bu ọpịa-agha ọnụ-ẹbụọ che ẹka;

Ẹbụ-ọma 45:3

Kẹnmẹ ọpịa-agha ị ye ukun, odogun-agha hụn ikpẹn lẹ ọghọ jun ẹhụ!

Itẹn 5:4

kanị o mẹgụ, okpoho nwẹn e lumẹ ilu kẹ olulu-anụ, o be kẹ ọpịa-ọnụnaị tụ nkọ.

Ẹkịliziastisi 12:11

Oku ndị marịn ihiẹn ku nọ kẹ ẹgbe wẹ pịn hụn wẹ gi e du efin, wẹ kịgbama wẹ, wẹ nọsọnmẹ kẹ ntu wẹ kpọye ọhụnma — hụn gha ẹka Onyẹ-ndu anụ ohu bịa.

Azaya 11:4

O k'e kinni ndị rị e ri ụya ọnụ; o k'a hannị ndị igbẹnnyẹ ụwanị ezigbo eṅẹn, ye wẹ ihiẹn runi wẹ. Mkpịnsịn rị a ọnụ k'o k'e gi gbu ụwanị; umẹrẹn rị a ụgb'ọnụ k'o k'e gi gbupụ ndị eje-omumẹ.

Azaya 49:2

O mẹ ọnụ m a tụ kẹ ọpịa wẹ sụọn, gi ẹka a kpumẹ m, zuemẹ; o mẹ m wụrụ ọbara-ụta wẹ kwọ udẹn, rụ m ye imẹ ẹkpa-ọbara a.

Azaya 55:11

ẹrịra kẹ oku gha m ọnụ pụha nọ: o kinhẹnkọ mmaka, kama, o k'e mẹrịrị ihiẹn m chọ, rụnpụha ihiẹn m gi ufiri ẹ ku ẹ.

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 23:29

Ẹlẹ oku m nọkẹ ọkụn?! Ẹlẹ oku m nọ kẹ igwe wẹ gi a kụgungwọn ọmụma?! Ya kẹ Osolobuẹ ku.

Luku 8:11

“Jesu nọ sị: Ọnwan wụ nkọwa ilu hụ. Mkpụrụ hụ wụ oku-Chuku.

Jọnụ 12:48

Onyẹ hụn jụ mmẹ lẹ oku m nwọn onyẹ k'a ma a ikpe: ihiẹn m ku, ịya jẹnkọ d'a ma a ikpe Ụhụọhịn ikpanzụụn.

Jọnụ 6:51

Mmẹ wụ brẹdi hụ rị ndụn hụn gha elu-igwee bịa. Onyẹ hụn ri brẹdini jẹnkọ d'a rị ndụn jẹnrin ejẹn. Ẹhụ m wụ brẹdi hụ m jẹnkọ d'e ye kẹni ndị rị ụwa rị ndụn.”

Ọrụn Ndị-ozi 2:37

Ogẹn wẹ gi nụ ihiẹnni, o gbu wẹ mgbu obi ọda-ọda. Wẹ nọ sị Pita lẹ ndị-ozi pụ-ichẹn ibe ẹ, “Umunẹ, kị ẹnyi e mẹ nwan?”

Ọrụn Ndị-ozi 4:31

E mẹgụ wẹ ekpereni, ebẹhụ wẹ nọ zu nọ mẹhunmẹ, Mmọn-nsọ nọ jun wẹ ile, wẹ hụ e kushi oku Osolobuẹ ikẹn.

Ọrụn Ndị-ozi 5:33

Kẹ wẹ nụ ihiẹnni, ize ze wẹ ọda-ọda, wẹ nọ chọ nị wẹ gbu wẹ.

Ọrụn Ndị-ozi 7:38

Mozizi wụ onyẹ hụn kị ndị nke Osolobuẹ imẹ atụ ogẹn ahụn, ya lẹ Mmọn-ozi ahụn gwa a oku elu Ugu Saịnaị; ịya du ndị nẹdi ẹnyi kanị; ịya nahan Osolobuẹ oku ndị ahụn e ye ndụn o ye ẹ ye ẹnyi.

Ndị Rom 1:16

Ifẹnrẹn oziọma arị e mẹ m, makẹni ya wụ ikẹn Osolobuẹ gi a zụọpụha onyẹ ọwụlẹ kwerini, ndị Ju wụ ibuzọ, o sọn ndị wụlẹni ndị Ju.

Ndị Kọrẹntị Ibuzọ 1:24

Kanị, nke ndị Osolobuẹ kpọ, kẹ ndị Ju kẹ ndị wụlẹni ndị Ju, Kraịstị wụ ikẹn Osolobuẹ lẹ amamihiẹn Osolobuẹ.

Ndị Kọrẹntị Nke Ẹbụọ 2:17

Ẹnyi anọnị kẹ ndị bu ọda rị e ghoro oku-Chuku nọkẹ sị ibu-afịa rọ; kama, rịkẹ ndị rị imẹ Kraịstị, ẹnyi gi obi rị ọchan e ku kẹ ndị Chuku zi, ndị nọ idẹnya Chuku e ku.

Ndị Kọrẹntị Nke Ẹbụọ 4:2

Ẹnyi a jụgụọ ihiẹn-ifẹnrẹn ndị hụ ịhịan e zuemẹ; ẹnyi ara mẹ ẹro mọbụ tụ ntụ ye oku Osolobuẹ. Kama, ẹnyi hụ e kuchanrịn ezioku k'ọ nọ, e gi ẹ e we enwẹn ẹnyi a ghọsị ịhịan ile idẹnya Osolobuẹ, kẹni wẹ e gi akpakalị obi wẹ e lele kẹ ẹnyi nọ.

Ndị Ẹfẹsọsụ 5:13

Kanị, wẹ wepụha ihiẹn ifọn, a hụn wẹ k'ọ nọ —

Ndị Ẹfẹsọsụ 5:26

kẹn'o gi mirin hụ wụ oku-Osolobuẹ chanchan a, dọn ẹ nsọ,

Ndị Ẹfẹsọsụ 6:17

weri ni nzụọpụha Osolobuẹ zụọpụha ụnụ kpumẹ isi rịkẹ okpu onyẹ-agha; ụnụ e weri oku-Chuku hụn wụ ọpịa-agha Mmọn-nsọ, kwọndọn.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Ndị Tẹsalonika Ibuzọ 5:23

Osolobuẹ lẹ enwẹn ẹ, onyẹ hụn udọn gha ẹka a bịa, ya dodo dọn ụnụ nsọ ụzọ ile: ya anịlẹ ụnụ nwọn nkọrịanị ọwụlẹ imẹ mmọn ụnụ mọbụ umẹ-ndụn ụnụ mọbụ ẹhụ ụnụ ogẹn Di-nwọnni-ẹnyi wụ Jesu Kristi k'e gi bịa.

Hibru 13:7

Nyanhan nị ndị-ndu ụnụ, hụn gwa ụnụ oku Osolobuẹ; lekpọ nị elu wẹ bi lẹ ihiẹn gha imẹ ẹ pụha; leri nị okukwe wẹ.

Hibru 6:5

omẹni ọ danmịngụọ oku Osolobuẹ, hụn a n'ọ rịka mma, omẹni ọ hụngụọ ikẹn elu hụ lalanị —

Jemisi 1:18

Ịya gi uche ẹ mụnrụn ẹnyi, ghahanị oku ẹ hụn wụ ezioku, kẹni ẹnyi wụrụ nke ẹ imẹ ihiẹn ile o ke, nọkẹ mkpụrụ ibuzọ.

Pita Ibuzọ 1:23

makẹni ụnụ a wụrụgụọ ndị wẹ mụdọnzi. Ẹlẹ mkpụrụ a nwụnnị kẹ wẹ gi mụdọnzi ụnụ, kanị oku-Osolobuẹ, oku ahụn rị ndụn, oku ahụn k'a rị jẹnrin ejẹn.

Rẹvẹleshọnụ 1:16

O gi kokisẹ ẹsa ẹka-nni. Ọpịa-agha ọnụnaị tụ nkọ gha a ọnụ suepụha. Ihun ẹ hụ e gbuke ọda-ọda kẹ ẹnyanwụn efinnaị.

Rẹvẹleshọnụ 19:15

Ọpịa-agha tụnị o k'e gi mẹ alị ile ihiẹn rị a ọnụ. O k'e gi ọkpọ-igwe kị wẹ. O k'a zọkpụkpọ wẹ imẹ ebẹhụ Osolobuẹ nwọn ikẹn ile nọ e gi iwe-lẹ-ọnụma a a zọkpụkpọ ndị-njọ kẹ akpụrụ vaịnị.

Rẹvẹleshọnụ 19:21

gi ọpịa-agha rị ọnụ onyẹ ahụn rị e nyin ẹshin ọchan gbupụ ndị họdụnị. Ya nnụnụ ile nọ gi anụ wẹ rikarị ẹfọ.

Rẹvẹleshọnụ 2:16

“Bihutọ nị nwan ẹka. Ụnụ jụ, m k'a bịa ozigbo, gi ọpịa-agha rị m ọnụ lụsọn ndị ahụn agha.

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Ndị Han Eṅẹn 3:16

Ya Ehudu nọ kpụrụ ọpịa-agha ọnụnaị usue wụ ọbụkụ ohu lẹ nkirishi, o kẹn ẹ ye ọgbọdọgbọ ẹka-nni, yikpumẹ ẹ ẹwuru.