Hibru 4:11 - Ika

¹¹ Nị ẹnyi lịlịma nị nwan, kẹni ẹnyi banye d'e zu ikẹn hụ, amamgbe ọ gha e nwọn onyẹ danpụnị yeni inupụ-isi kẹ ndị mbụ dọn nupụ isi.

Hibru 4:11 ပူးပေါင်းရင်းမြစ်များ

Matiu 11:12

Gha ogẹn Jọnụ hụn e mẹ mirin-Chuku gi bidọn ọrụn a d'e ru ogẹnni, Alị-eze elu-igwee hụ e gi ikẹn-ikẹn a gha ihun, ndị ghalẹni e gi ẹ e gu egu hụzị e gi ikẹn a banye ẹ.

Matiu 7:13

“Ghashi ni ọnụ-mgbọn hụ mẹ warara. Makẹni, ọnụ-mgbọn wẹ gha a banye ntikpọ shịa ashịa, ụzọ a e ruchanrịn ịhịan a gha; ndị ghakọ ụzọ hụ bu ọda.

Luku 13:24

“Shikwọ nị ọnwụn nị ụnụ banye ọnụmụzọ hụ mẹ warara! Makẹni ndị bu ọda jẹnkọ d'a lịlịma nị wẹ banye, kanị asakọ wẹ ẹka.

Luku 16:16

“Iwu Mozizi lẹ ihiẹn ndị-amụma de kẹ wẹ gi rụn ọrụn d'e ru ogẹn Jọnụ hụn e mẹ mirin-Chuku gi bidọn ọrụn a. Kete mgbe hụ, wẹ hụ e zi oziọma Alị-eze Osolobuẹ, ịhịan ile hụ a fụfa a banye.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Ọrụn Ndị-ozi 26:19

“Agụ, enupụnị m nwan isi ihiẹn m hụn imẹ ọhụn hụ gha elu-igwee bịa.

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ndị Ẹfẹsọsụ 5:6

Anịkwọlẹ ni onyẹ ọwụlẹ gi oku nwọnlẹni isi dufie ụnụ, makẹni ufiri ihiẹn ndịnị kẹ iwe-lẹ-ọnụma Osolobuẹ gi a bịanị ndị nnupụ-isi.

Ndị Filipi 2:12

Ufiri ẹ, ndị nke m, kẹ ụnụ dọn e humẹni m isi ogẹn mmẹ lẹ ụnụ gi rị ụzọ ohu, e mẹkẹnmẹzidẹ ẹ hụnnị m rịlẹn'a, mẹsọnmẹ ni nwan ẹrịra: e gi ni egun lẹ ẹhụ-ọmụma-nni e bi, e mẹ ihiẹn ile Osolobuẹ e gi zụọpụha ụnụ.

Ndị Kolosị 3:6

Ihiẹn ndịnị wẹ haịn iwe-lẹ-ọnụma Chuku gi lalanị ndị nnupụ-isi.

Taịtọsụ 1:16

Wẹ sị n'a marịnghọ wẹ Osolobuẹ, kanị wẹ e gi ihiẹn w'e mẹ a ghọsị n'a marịn w'a. Wẹ wụ ihiẹn-izize; wẹ a gba isi-akwanran; w'a ra saẹka mẹ ihiẹn ọwụlẹ rị mma.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Hibru 3:12

Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Hibru 3:18

Elee ndị k'o kunni enwẹn ẹ nị abanyekọ wẹ d'e zu ikẹn ahụn ọ kwademẹ? Ẹlẹ ndị hụ nupụ isi?

Hibru 4:6

Ebe o mẹ ni oghere ịhịan e gi banye d'e zu ikẹn hụ hụzị a, bụ ndị hụ bu ụzọ nụ oziọma abanyeni makẹni wẹ nupụ isi,

Hibru 6:11

Kanị, ẹnyi a chọkẹnmẹkẹ nị onyẹ-onyẹ imẹ ụnụ gi adụdụ ohu hụ kwọnkẹnmẹ olilẹnya ụnụ d'e ru njẹndemẹ;

Joshụa 7:3

A lụaha wẹ, wẹ nọ sị Joshụa, “Ẹlẹ hụn ndị-agha ile e gi jẹn d'a lụsọn Aị ọgụn; zihụ ihiẹn nọ kẹ mmadụ nnụ-uku ẹbụọ mọbụ ẹtọ. Anịlẹ ndị-agha ile ta afụnfụn jẹnmẹ, makẹni ndị Aị ebuni ọda.”

Pita Nke Ẹbụọ 2:6

omẹni ọ maghọ alị Sodọm lẹ alị Gomora ikpe, dụn wẹ ọkụn, e họnrin wẹ ntụn, o gi wẹ ghọsị ihiẹn jẹnkọ d'e mẹ ndị jụ oku Osolobuẹ;