Hibru 3:18 - Ika

¹⁸ Elee ndị k'o kunni enwẹn ẹ nị abanyekọ wẹ d'e zu ikẹn ahụn ọ kwademẹ? Ẹlẹ ndị hụ nupụ isi?

Hibru 3:18 ပူးပေါင်းရင်းမြစ်များ

Ẹbụ-ọma 78:22

Makẹni egini wẹ Chuku dọn ẹnya; ekwerini wẹ n'ọ saẹka zụọpụha.

Ọgụngụn 14:11

Osolobuẹ nọ sị Mozizi, “Elee mgbe kẹ ndịnị e legberibehi m? Elee mgbe kẹ wẹ k'e gimẹ oku m dọn — onwọnni ihiẹn wẹ kpọ ọrụn atụmẹnya ile m rụnghọsị wẹ imẹ igunrun wẹ?

Ọgụngụn 14:23

o nwọnni kaka onyẹ ohu imẹ wẹ sikọ d'e legha alị ahụn m kwe nkwa, kun enwẹn m, nị m k'e ye ndị nẹdi wẹ kanị. Onwọnni onyẹ legberini m k'a hụnn'a.

Ọgụngụn 14:30

Onwọnni akpụ onyẹ ohu imẹ ụnụ sikọ d'a hụn alị ahụn m kịshi ẹka elu kun enwẹn m n'o k'a wụ iwe ụnụ — wezụka Kalẹbụ nwa Jefunẹ lẹ Joshụa nwa Nọnụ.

Ọgụngụn 14:37

ndị ahụn ku eje-oku banyeni alị hụ ye imẹ igunrun ndị Izrẹlụ, nọ nwụnhụn ebẹhụ yeni eje-emu Osolobuẹ tụ wẹ.

Ọgụngụn 20:12

Kanị Osolobuẹ nọ sị Mozizi lẹ Ẹrọnụ, “Makẹni ụnụ egini m dọn ẹnya gi ufiri ẹ ye m ọghọ idẹnya ndị Izrẹlụ nọkẹ onyẹ rị nsọ, ụnụ ewebankọ ndịnị alị hụ m ye wẹ.”

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Ndị Rom 11:30

Kẹ ụnụ ndị te e nnupụ-isi okpuru Osolobuẹ dọn nwan nwọnhẹn omikẹn ẹka Osolobuẹ makẹni ndị Ju nupụ isi,

Ditrọnọmi 9:23

Ẹrịrazịkwọ, ogẹn Osolobuẹ gi nọ Kadẹshi-Bania zi ụnụ ozi, sị, “Shi ni alị ndịnị rị ugu d'e weri alị m ye ụnụ,” ụnụ nọ nupụnị Osolobuẹ wụ Chuku ụnụ isi. Ụnụ egin'ẹ dọn ẹnya, ụnụ emẹni ihiẹn ọ sị ụnụ mẹ.

Hibru 3:11

M nọ gi iwe kun enwẹn m, sị, ‘Abanyekọ wẹ d'e zu ikẹn ahụn m kwe nkwa a!’ ”

Hibru 4:11

Nị ẹnyi lịlịma nị nwan, kẹni ẹnyi banye d'e zu ikẹn hụ, amamgbe ọ gha e nwọn onyẹ danpụnị yeni inupụ-isi kẹ ndị mbụ dọn nupụ isi.

Hibru 4:2

Makẹni, oziọma wẹ nụ kẹ ẹnyi nwẹn nụ, kanị ozi wẹ nụ abannịnị wẹ erere, makẹni wẹ nwẹn egini okukwe nabanhan a.

Hibru 4:6

Ebe o mẹ ni oghere ịhịan e gi banye d'e zu ikẹn hụ hụzị a, bụ ndị hụ bu ụzọ nụ oziọma abanyeni makẹni wẹ nupụ isi,