Hibru 3:12 - Ika

¹² Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Hibru 3:12 ပူးပေါင်းရင်းမြစ်များ

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Jobu 21:14

Bụ wẹ hụ a sị Chuku, ‘Ha ẹnyi ye!’ ‘Onwọnni ihiẹn ẹnyi gi ịmarịnn'ị e mẹ!’

Jobu 22:17

Wẹ te sị Chuku, ‘Ha ẹnyi ye! Kị Onyẹ Hụ Nwọn Ikẹn Ile k'a s'ẹka mẹ ẹnyi?’

Ẹbụ-ọma 18:21

Makẹni, m hụ e dọnmẹ Iwu Osolobuẹ; emẹni m njọ ghahanị ịlatọ Chuku m.

Itẹn 1:32

Makẹni isi ndị ẹwobi e fesọnmẹ k'e gbu wẹ, ẹfọ-ojunjun ndị-nzuzu k'e tikpọ ndị-nzuzu;

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Jerimaya 11:8

Kanị, egọndẹni wẹ ntịn mọbụ gi ẹ dọn; e mẹsọnmẹ wẹ ihiẹn eje-obi wẹ gwa wẹ. Ya m nọ gi ọnụ-ẹsọn ile rị imẹ nkwerigbama ahụn m butọnị wẹ hụn wẹ dọnmẹlẹni sọn wẹ.’ ”

Jerimaya 16:12

Kanị, ụnụ e mẹkarịgụọdẹ nwan ndị nẹdi ụnụ njọ! Onyẹ-onyẹ hụ e bu isi-ikẹn ebe ọ rị e mẹ ihiẹn eje-obi ẹ gwa a, jụ nị ụnụ egọnkọ m ntịn.

Jerimaya 17:5

Osolobuẹ sị, “Ịbụ-ọnụ ya rịnị onyẹ k'e gi ịhịan dọn ẹnya, onyẹ hụn ịhịan mmaka wụ ikẹn ẹ, onyẹ hụn obi ẹ rịzịlẹni ebe Osolobuẹ rị.

Jerimaya 17:9

“Onwọnni ihiẹn e dufie ịhịan nọkẹ obi ịhịan; ọ jọgbu enwẹn ẹ njọ! Onyẹ a saẹka a ghọta a?

Jerimaya 18:12

“Kanị, wẹ jẹnkọ d'a sị, ‘Ẹlẹkwọ ẹnyi k'ị rị a gwa! Ihiẹn rị ẹnyi obi kẹ ẹnyi jẹnkọ d'e mẹ! Ihiẹn obi ẹnyi ye ẹnyi kẹ ẹnyi sikọ d'e mẹ — ọsụọn'a eje-ihiẹn rọ, ọsụọn'a isi-ikẹn rọ!’

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Jerimaya 3:17

O ru ogẹn ahụn, wẹ k'a kpọ Jerusalẹm Ukpo-eze Osolobuẹ, alị ile k'a gha e zu imẹ Jerusalẹm ebẹhụ d'e ye ẹfan Osolobuẹ ọghọ. Esọnkọzị wẹ eje-obi wẹ hụn wẹ gi a gba isi-akwanran.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Izikẹlụ 14:5

M k'e mẹ ẹ kẹni m gi ẹ nwụndọn ndị Izrẹlụ, mẹ ihiẹn rị wẹ obi pụha ifọn, makẹni obi wẹ ile a pụgụọ ebe m rị yeni mmọn ile wẹ rị e fe.’

Hosia 1:2

Isi ibuzọ Osolobuẹ gi kumẹ oku ghahanị Hosia, ọ sị Hosia, “Jẹn d'a lụrụ ịgbaraja; o k'a gha ogbe mụhann'ị ụmụ. M k'e gi ẹ ghọsị nị ẹrịra kẹ ndị alịnị dọn wụrụ ịgbaraja ebe wẹ nọ latọ mmẹ wụ Osolobuẹ d'e femẹ mmọn.”

Matiu 16:16

Saịmọnụ wụ Pita nọ za, sị, “Yụ wụ Kraịstị hụn wụ nwa OSOLOBUẸ RỊ NDỤN.”

Matiu 24:4

Jizọsị nọ za wẹ, sị, “Kpachanpụ nị ẹnya makẹ wẹ gha e dufie ụnụ;

Makị 13:23

Kpachanpụ nị nwan ẹnya; a gwatọgụọkwọ m ụnụ ihiẹn ile!

Makị 13:33

Kpachanpụ nị nwan ẹnya; mụnrụn nị ẹnya, makẹni ụnụ amarịn ogẹn o k'a wụ.

Makị 13:9

“Ụnụ nwẹn, kpachanpụkwọ nị ẹnya; makẹni wẹ jẹnkọ d'e wejẹn ụnụ ọgwa ichẹn-ichẹn, gbu ụnụ ili imẹ ụlọ-ofufe ichẹn-ichẹn; ụnụ jẹnkọ d'e wuzo ihun ndị Gọvanọ lẹ ndị-nze makẹ ufiri m; ọ wụrụ oghere ụnụ e gi shịanị m ẹri.

Luku 21:8

Jesu nọ sị wẹ, “Dọnrin ni ẹnya makẹ wẹ gha e dufie ụnụ. Makẹni, ndị bu ọda sikọ d'e gi ẹfan m bịa, a sị, ‘Mmẹ wụ Kraịstị;’ a sịzị, ‘Ogẹn hụ e rugụọ!’ Ka esọnkwọlẹ ni wẹ.

Ndị Rom 11:21

Makẹni, omẹni Osolobuẹ ahatuni ndị Ju hụn wụ ezigbo agala osisi hụ, ọ hatukọkwọ ụnụ nwẹn!

Ndị Kọrẹntị Ibuzọ 10:12

Onyẹ hụn rị nwan e ro n'o wuzokẹ, ya kpachanpụkwọ ẹnya amamgbe ọ dan.

Ndị Kolosị 2:8

Kpachanpụ nị ẹnya amamgbe w'e gi okẹn ịmarịn-ihiẹn hụn rulẹni alị hụn e dufieni kwọndọn ụnụ: makẹni nkuzi ịhịan lẹ mmọn lẹ iwu ndị wẹ gi e dọn ẹnya elu-ụwanị kẹ wẹ sọnkọ, ẹlẹ Kraịstị.

Ndị Tẹsalonika Ibuzọ 1:9

Makẹni, wẹ hụ e ku oku ẹnyi — kẹ ụnụ dọn nabanhan ẹnyi ọhụnma-ọhụnma lẹzi kẹ ụnụ dọn febehi mmọn, femẹ ezigbo Osolobuẹ rị ndụn,

Hibru 10:31

N'ọ jọkakwọ njọ ebe ịhịan a nọ danye ẹka Osolobuẹ rị ndụn.

Hibru 10:38

Kanị, okukwe kẹ onyẹ ezi-omumẹ m k'e gi e bi. O seri isi ẹ, ihiẹn ẹ asụọkọ m.”

Hibru 12:15

Hụn n'a n'o nwọnni onyẹ ẹfọma Osolobuẹ fie; nị ize ewerini ọnọdị imẹ igunrun ụnụ, buhẹ nsọngbu, mẹrụ ndị bu ọda.

Hibru 12:22

Kanị, Ugu Zayọnụ kẹ ụnụ bịa, obodo uku Osolobuẹ rị ndụn, Jerusalẹm hụn rị elu-igwee; ụnụ bịa d'e kunrun ndị mmọn-ozi oripiti-oripiti rị e mẹ mmẹmmẹ.

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Hibru 3:10

Ya haịn iwe agbọ hụ gi we m, m nọ sị, ‘Ogẹn ile kẹ obi wẹ gi a kpahu, w'e ke marịnkwọ kẹ m'e mẹ.’

Hibru 3:19

Ẹnyi a hụngụọ a nwan nị abanyeni wẹ makẹni ekwerini wẹ.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.