Hibru 2:17 - Ika

¹⁷ Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.

Hibru 2:17 ပူးပေါင်းရင်းမြစ်များ

Ihiẹn Mẹni Nke Ẹbụọ 29:24

Ndị nchụn-ẹjan nọ gbu ewu ndị hụ gi chụn ẹjan-njọ, fe ẹdeke wẹ ye ukpo nchụn-ẹjan, gi chụn ẹjan wẹ gi a gbarị isi Izrẹlụ ile, makẹni eze sị wẹ chụnnị Izrẹlụ ile ẹjan w'a dụn ọkụn lẹ ẹjan-njọ.

Azaya 11:5

Ezi-omumẹ k'a wụ akpụkpọ-ukun ẹ, ịwụ onyẹ wẹ gi e dọn ẹnya a wụrụ nfifie o kẹnmẹ ukun.

Izikẹlụ 45:15

“ ‘Nke atụnrụn, ye ni ohu imẹ ọgụn iri ọwụlẹ wẹ nọ irurue rị alị nwọn mirin ọhụnma-ọhụnma imẹ Izrẹlụ zụn. “ ‘Ihiẹn ndịnị ile kẹ ụnụ sikọ nwan d'e gi e ye oyiye-ọka, a chụn ẹjan w'a dụn ọkụn lẹ ẹjan-ekele, ẹjan ndị wẹ gi a gbarị isi wẹ. Ya kẹ Osolobuẹ Nwọn Ihiẹn Ile ku.

Izikẹlụ 45:17

“ ‘Onyẹ-ọkịkị nwọn wepụha ihiẹn wẹ gi chụn ẹjan w'a dụn ọkụn, oyiye-ọka lẹ oyiye-manya — oyiye ndịnị w'e ye ogẹn Mmẹmmẹ ndị ahụn m tumẹni ụnụ, Ifọn Pụ lẹ Ezumikẹn ichẹn-ichẹn lẹ mmẹmmẹ ile Izrẹlụ e mẹ. Onyẹ-ọkịkị sikọ d'e wẹhẹ ẹjan-njọ lẹ oyiye-ọka lẹ oyiye-manya lẹ ẹjan w'a dụn ọkụn lẹ ẹjan-ekele, nị wẹ gi gbarị isi ndị Izrẹlụ.

Izikẹlụ 45:20

Ihiẹn ohu ahụn k'i sikọ d'e mẹzi nke akpọhịn ẹsa imẹ ifọn ibuzọ ahụn — kẹni wẹ gbagharị onyẹ ọwụlẹ ọ rụnahịn mẹ njọ mọbụ onyẹ hụn mẹ njọ bụ ọ marịn, kẹni ụnụ gi ẹ dọnzi Ụlọ-nsọ.

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Lẹvitikọsụ 14:18

O bu ofugbọn-olivu họdụ a ẹka che onyẹ hụ ọ rị e mẹ n'ọ rịzị ọchan isi, gi gbarị isi onyẹ hụ ihun Osolobuẹ.

Lẹvitikọsụ 16:16

Ẹnịna k'o k'a dọn gbarị Ebẹhụ Kachanrịn-nsọ yeni ihiẹn ile ndị Izrẹlụ gi rụ lẹ nnupụ-isi wẹ, ihiẹn ọwụlẹ hụn wụ njọ wẹ. O k'e mẹzini Ọdụ-ozuzu ihiẹn ohu ahụn, makẹni ọ rị imẹ igunrun wẹ lẹ ihiẹn ndị ahụn wẹ gi a rụ.

Lẹvitikọsụ 6:30

Kanị ẹrikọkwọ wẹ anụ ẹjan-njọ ọwụlẹ wẹ webanhan ẹdeke ẹ imẹ Ọdụ-nsọ kẹti-kẹti d'e gi ẹ gbarị isi imẹ Ebe rị nsọ; wẹ k'a dụnrịrị a ọkụn.

Lẹvitikọsụ 8:15

Mozizi nọ gbu efin ahụn, weberi ẹdeke ẹ, gi mkpịnsịn-ẹka deri ẹ, teyesọnmẹ mpịn rịsọnmẹ nkonko ukpo nchụn-ẹjan ahụn, gi ẹ mẹ n'ọ rị ọchan. Ọ nọ hu ẹdeke họdụnị ye ukun ukpo wẹ n'a chụn ẹjan. Ya k'o gi dọn ẹ nsọ, makẹ ihiẹn ọwụlẹ e sehẹ iwe Osolobuẹ gha a rị a.

Ọgụngụn 15:25

Onyẹ nchụn-ẹjan sikọ d'e gi wẹ chụn ẹjan gi gbarị isi ndị Izrẹlụ ile, Osolobuẹ a gbagharị wẹ, makẹni ẹlẹ wẹ kpachanpụ ẹnya mẹ ẹ lẹni e gigụọ wẹ ufiri mmẹfie wẹ wẹhẹni Osolobuẹ oyiye w'a dụn ọkụn lẹ ẹjan-njọ.

Ndị Rom 15:17

M nwọn nwan ihiẹn m gi a nyan isi rịkẹ onyẹ nke Kraịstị wụ Jizọsị ihun Osolobuẹ.

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Ẹfẹsọsụ 2:16

gi ọnwụn ọ nwụn elu obe wekinhẹnni Chuku azụụn ẹbụbụọ hụ o gi họnrin ohu, azụụn ẹbụbụọ hụ o wepụ eṅẹnrẹn ẹgbata wẹ.

Ndị Kolosị 1:21

Mgbe mbụ, ẹgbata ụnụ lẹ Osolobuẹ arị mma: ụnụ wụ ndị iṅẹnrẹn ẹ yeni iroro ụnụ, ụnụ e bizikwọ eje-obibi.

Hibru 10:21

Ọzọzị, ẹnyi nwọn okẹn onyẹ nchụn-ẹjan hụn ụlọ Osolobuẹ rị ẹka a.

Hibru 2:11

Kẹ onyẹ hụn e dọn wẹ nsọ wụ Jesu kẹ ndị ọ rị e dọn nsọ a wụrụgụọ nwan ụmụ onyẹ ohu. Ịya haịn ifẹnrẹn gilẹni e mẹ ẹ ịkpọ wẹ umunẹ ẹ.

Hibru 2:14

Ya wụ, ebe o mẹni ụmụ a hụ wụ ịhịan hụn nwọn ẹhụ-lẹ-ẹdeke, ya nwẹn nọ sọn wẹ wụrụ ihiẹn ohu hụ, kẹni ọ nwụnhụn, gi ọnwụn a tikpọ onyẹ hụn ọnwụn rị ẹka a, ya wụ Ekwensụ,

Hibru 2:16

Makẹni, o we ẹnya nị ẹlẹ ndị mmọn-ozi k'ọ bịa d'e yeni ẹka, kanị ụmụ Ebraham.

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Hibru 3:2

Ọ ghọsịgụọ nị o furu onyẹ wẹ gi e dọn ẹnya ebe Osolobuẹ hụn tumẹn'ẹ rị, nọkẹ kẹ Mozizi dọn furu onyẹ wẹ gi e dọn ẹnya imẹ ọrụn ile rị ezi-lẹ-ụlọ Osolobuẹ.

Hibru 3:5

Mozizi a rụnghọ ọrụn a ọhụnma imẹ ụlọ Osolobuẹ ile; kanị ọ rụnhụ kẹ odibo wẹ zi d'a ghọsị ihiẹn Osolobuẹ jẹnkọ d'e ku ihun.

Hibru 4:14

Ebe o mẹ ni ẹnyi e nwọnghọ okẹn onyẹ-isi nchụn-ẹjan wụ Jizọsị Nwa Osolobuẹ, hụn ghafegụ elu-igwere, banye ebe Osolobuẹ rị, nị ẹnyi kwọnkẹnmẹ nwan ihiẹn ẹnyi kweri.

Hibru 4:15

Makẹni onyẹ-isi nchụn-ẹjan ẹnyi ẹlẹ hụn marịnlẹni nị ndụn arị ẹnyi, kanị hụn wẹ nwangụ ụzọ ile nọkẹ ẹnyi kanị o gin'ẹ mẹ njọ.

Hibru 5:1

Wẹ a gha imẹ igunrun ịhịan a họrị onyẹ ọwụlẹ hụn jẹnkọ d'a wụ onyẹ-isi nchụn-ẹjan, e tumẹ, kẹni ọ nọkin ẹnya wẹ ebe ihiẹn Osolobuẹ rị, e ye Osolobuẹ oyiye, e gi ufiri njọ a chụn ẹjan.

Hibru 5:10

makẹni Osolobuẹ e tumẹgụọ a onyẹ-isi nchụn-ẹjan, ụdị nke Mẹkizẹdẹkị.

Hibru 5:2

Ọ marịngụọ gi ẹka alụlụa e sọn ndị ogbori lẹ ndị-mmẹfie makẹni ọ rụnahịnzịkwọ ya nwẹn ẹ arụnahịn.

Hibru 5:5

Ẹrịrazịkwọ, Kraịstị eyeni enwẹn ẹ ọkwa onyẹ-isi nchụn-ẹjan, Osolobuẹ tumẹ ẹ, Osolobuẹ hụn sị a, “Nwa m k'ị wụ; a ghọsịgụọ m tannị n'ị wụ nwa m.”

Hibru 6:20

ebẹhụ Jesu burugụnị ẹnyi ụzọ banye makẹ ọrịrịmma ẹnyi, makẹni ọ wụrụgụọ onyẹ-isi nchụn-ẹjan jẹnrin ejẹn, ụdị nke Mẹkizẹdẹkị.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 7:28

Ịhịan-mmaka zulẹni oke kẹ iwu Mozizi e tumẹ ndị-isi nchụn-ẹjan; kanị Osolobuẹ e gigụọ oku-ọnụ a lẹ enwẹn ẹ o kun tumẹ Nwa Osolobuẹ zu oke onyẹ-isi nchụn-ẹjan jẹnrin ejẹn. O ku oku hụ ọsụọn'a nị Iwu Mozizi a rịgụọlẹ.

Hibru 8:1

Ihiẹn ẹnyi rị e ku wụ nị ẹnyi nwọn nwan onyẹ-isi nchụn-ẹjan hụn nọdị alị ẹka-nni Ukpo-eze ahụn kachanrịn ọghọ e nwọn hụn ri imẹ elu-igwee —

Hibru 8:3

Iye-oyiye lẹ ịchụn-ẹjan haịn wẹ gi e tumẹ onyẹ-isi nchụn-ẹjan. Ya wụ nị o k'e nwọnrịrị ihiẹn onyẹ nchụn-ẹjannị ẹnyi rị e ku oku ẹ e ye lẹ ẹjan ọ chụn.

Hibru 9:11

Kanị, Kraịstị a bịagụọ nwan d'a wụ onyẹ-isi nchụn-ẹjan ihiẹn ndị ahụn rị mma — makẹni o wẹhẹgụọ wẹ nwan. Ọ banyegụọ Ọdụ-ofufe kanị, zu oke, wẹ gilẹni ẹka mẹmẹ, Ọdụ-ofufe wẹ gilẹni ihiẹn wẹ ke eke rụn.