Hibru 2:10 - Ika

¹⁰ Osolobuẹ mẹ ihiẹn furuni, ebe o mẹ ni ẹka a kẹ ihiẹn ile gha bịa; ebe o mẹ ni ihiẹn ile wụzịkwọ nke ẹ. Makẹni ọ chọ n'ọ zụọpụha ndị bu ọda, webahan wẹ ebe ọ rị, kẹni wẹ wụrụ ụmụ a, sọn ẹ nwọn ọghọ a, ọ nọ gi afụnfụn kwademẹ onyẹ hụn o gi bidọn nzụọpụha hụ, mẹ ẹ ru ogo onyẹ-nzụọpụha.

Hibru 2:10 ပူးပေါင်းရင်းမြစ်များ

Jẹnẹsisi 18:25

Y'e mẹkọ ẹrịra! Onwọnni ogẹn y'e gi tikpọgbama ndị ezi-omumẹ lẹ ndị-njọ, nke wụnị ihiẹn mẹ ndị-njọ e mẹ ndị ezi-omumẹ. Onwọnni ogẹn yụ wụ Osolobuẹ e gi mẹ ẹ! Ọka-ikpe ụwa ile a hankọ eṅẹn rị mma?”

Itẹn 16:4

Osolobuẹ nwọn ihiẹn o bu obi e mẹ ihiẹn ile o mẹ — o dọnmẹzidẹ ndị eje-omumẹ ndụn kẹni nsọngbu kunrun wẹ.

Azaya 43:21

ndị nke m hụn m mẹmẹni enwẹn m — kẹni wẹ ku ọrụn ọma m rụn.

Azaya 55:4

Lee ẹ, e gigụọ m'a họnrin ọshẹri jẹnni ndị alị ichẹn-ichẹn, onyẹ-ndu lẹ ọkị-agha alị ichẹn-ichẹn.

Hosia 8:10

K'o rehanlẹ enwẹn ẹ ebe ọ rị a rịọ alị ndị ọzọ ọrụn, m sikọ nwan d'e kpọngbama wẹ ile, mẹ wẹ ihiẹn. O biekọ eze lẹ ndị-isi a sụnma udẹn yeni okẹn ụtụ wẹ k'a na wẹ.

Maịka 2:13

Onyẹ hụn e tikpọnị wẹ mgbọn sikọ d'e buruni wẹ ụzọ; wẹ k'a gha ọnụ-mgbọn alị gini wẹ zụnkpọpụha, la alị hụ tọ. Eze wẹ k'e buruni wẹ ụzọ, Osolobuẹ k'a rị wẹ ihun.

Ọgụngụn 7:15

okoro-efin ohu, ebulu ohu ka ẹhụ lẹ nwa-ebulu ohu rị nwa ahụa — anụ ndị wẹ sikọ d'e gi chụn ẹjan w'a dụn ọkụn;

Luku 13:32

Jesu nọ sị wẹ, “D'a gwanị nị m ufu ahụn e mẹ ẹro nị m sị, ‘Gọn ntịn, m rị a chụpụ eje-mmọn tannị, a zụọ ndị emu rị a kụ; ekile e mẹzi m ẹrịra; nke akpọhịn ẹtọ, a rụnchanrịn m ọrụn m.’

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Luku 24:26

Ẹkụkwọ-nsọ ekugụọn'a nị Onyẹ-nzụọpụha Ahụn Osolobuẹ Tumẹ wụ Kraịstị jẹnkọ d'a tagụ afụnfụn ndịnị o kebe nwọnrin ọghọ a?”

Luku 24:46

sị wẹ, “Ọnwan wụ ihiẹn wẹ de: nị Onyẹ-nzụọpụha sikọ d'a nwụnhụn, nke akpọhịn ẹtọ ọ gha ọnwụn lihi;

Jọnụ 11:52

Ẹlẹdẹ ndị Ju sụọ kẹ Jesu sikọ d'a nwụndọnni, n'o gizighọ ọnwụn a wegbama ndị nke Osolobuẹ ile rị ebe ọwụlẹ.

Jọnụ 19:30

Manyanị a bangụ Jizọsị ọnụ, ọ nọ sị, “Ọ gụgụọ!” Ya ọ nọ bu isi kọma alị, nwụnhụn.

Ọrụn Ndị-ozi 3:15

Ụnụ nọ gbu onyẹ hụn e ye ndụn, kanị Osolobuẹ nọ gha ọnwụn weli ẹ. Ihiẹnni mẹye ẹnyi ile ẹnya.

Ọrụn Ndị-ozi 5:31

Osolobuẹ e weshigụọ a nwan elu, bu ẹ che ẹka-nni ẹ, ebẹhụ ọghọ rị, mẹmẹ ẹ Onyẹ-ndu lẹ Onyẹ-nzụọpụha, kẹni ndị Izrẹlụ gha ẹka a rogharị nwọnhẹn mgbagharị njọ wẹ.

Ndị Rom 11:36

Ẹghẹẹ! Makẹni, ẹka a kẹ ihiẹn ile gha a bịa; ẹka a kẹ ihiẹn ile gha a rị; ihiẹn ile a rịzịkwọ n'a. Ịja-mma ya rịn'a jẹnrin ejẹn! Isẹẹ.

Ndị Rom 9:23

Kị rị a omẹni o gi ẹ ghọsị ndị ọ chọ n'o mẹni omikẹn ikẹn ẹ hi ogbe, ndị ọ sị o k'e ye ọghọ,

Ndị Kọrẹntị Ibuzọ 2:7

Mba, ẹnyi rị e ku oku amamihiẹn Osolobuẹ, ịmarịn-ihiẹn nzuzue hụ Osolobuẹ kwademẹtọ n'o d'e ke ụwa n'o k'e gi ẹ ye ẹnyi ọghọ.

Ndị Kọrẹntị Ibuzọ 8:6

Kanị, nke ẹnyi wụ nị Chuku ohu sụọ rị; ịya wụ Nẹdi ẹnyi; ihiẹn ile gha ẹka a a bịa; ịya kẹ ẹnyi rị a rịnị. Nna ohu rịzị, ya wụ Jesu Kristi; Osolobuẹ ke ihiẹn ile ghahan'a; ẹnyi rị a rị ghahan'a.

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ndị Kọrẹntị Nke Ẹbụọ 4:17

Makẹni, ẹnyi jẹnkọ d'e gi ẹkẹrẹ afụnfụnnị ghalẹni e bie ẹnyi rị a ta ogẹnni nwọnrin ọghọ itẹbitẹ ọnụ ghalẹni a saẹka e ku hụn Osolobuẹ jẹnkọ d'e ye ẹnyi.

Ndị Kọrẹntị Nke Ẹbụọ 5:18

Ihiẹnni ile gha ẹka Osolobuẹ bịa, onyẹ hụn gi Kraịstị dọnzi ẹgbata ẹnyi lẹ ịya, we ọrụn idọnzi-ẹgbata ye ẹnyi.

Ndị Kọrẹntị Nke Ẹbụọ 6:18

a wụrụ m nẹdi ụnụ, ụnụ a wụrụ ụmụ m ikẹnnyẹ lẹ ikpoho. Ịya kẹ Osolobuẹ nwọn ikẹn ile ku.”

Ndị Galeshịa 3:26

Ụnụ ile wụ ụmụ Osolobuẹ ghahanị okweri ụnụ kwerini Kraịstị wụ Jizọsị,

Ndị Ẹfẹsọsụ 2:7

Osolobuẹ mẹ ọnwan n'o gi ẹfọma o mẹni ẹnyi imẹ Kraịstị Jizọsị ghọsị agbọ ile lalanị ẹfọma a ka ẹfọma,

Ndị Ẹfẹsọsụ 3:10

kẹni o gi ụka ghọsị ndị-ọkịkị lẹ eje-mmọn ile ikẹn rị ẹka wẹ imẹ elu amamihiẹn Osolobuẹ hụn nwọn agala bu ọda.

Ndị Kolosị 3:4

Ogẹn Kraịstị hụn wụ ndụn ụnụ jẹnkọ d'e gi pụha, ụnụ nwẹn e sọn ẹ gi ọghọ pụha.

Timoti Nke Ẹbụọ 2:10

Ya haịn m gi e dingbuchanrịn ihiẹn ile makẹ ufiri ndị Osolobuẹ họrị, kẹni wẹ nwẹn nwọnhẹnzi nzụọpụha rị imẹ Kraịstị wụ Jizọsị lẹ ọghọ itẹbitẹ rịn'a.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 6:20

ebẹhụ Jesu burugụnị ẹnyi ụzọ banye makẹ ọrịrịmma ẹnyi, makẹni ọ wụrụgụọ onyẹ-isi nchụn-ẹjan jẹnrin ejẹn, ụdị nke Mẹkizẹdẹkị.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 7:28

Ịhịan-mmaka zulẹni oke kẹ iwu Mozizi e tumẹ ndị-isi nchụn-ẹjan; kanị Osolobuẹ e gigụọ oku-ọnụ a lẹ enwẹn ẹ o kun tumẹ Nwa Osolobuẹ zu oke onyẹ-isi nchụn-ẹjan jẹnrin ejẹn. O ku oku hụ ọsụọn'a nị Iwu Mozizi a rịgụọlẹ.

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!

Pita Ibuzọ 5:1

M rị nwan a rịọ ndị-isi rị imẹ ụnụ, nọkẹ onyẹ-isi ibe ụnụ lẹ onyẹ gi ẹnya a hụn afụnfụn Kraịstị ta lẹ onyẹ rị ndị k'e nwọnhẹn ọghọ ahụn lalanị: dodo ni,

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Rẹvẹleshọnụ 4:11

“Chuku-nwọnni ẹnyi, i furu onyẹ w'a ja mma makẹni ọghọ lẹ mgbaye lẹ ikẹn wụ nke i. Makẹni, ịyụ ke ihiẹn ile. Ịyụ chọ nị wẹ rị; ịyụ chọ n'ị ke wẹ.”

Rẹvẹleshọnụ 7:9

Ọhụn e mẹgụ, m nọ lee ẹnya, hụn igunrun hi-ogbe, hụn o mẹ ni onwọnni onyẹ saẹka gụn wẹ. Wẹ ghasọnmẹ alị ile, ebọn ile, ndị ile, lẹ asụsụ ile pụha. Igunrunni turu ihun ukpo-eze hụ lẹ ihun Nwa-ebulu hụ. Wẹ ile yi ẹwuru ọchan tueru alị. Onyẹ-onyẹ gi iguru ẹka.