8 Jizọsị Kraịstị wụkwọ ihiẹn ọ wụ ụnyanhụn, tannị lẹ jẹnrin ejẹn.
Ebraham nọ gbọ osisi Tamarisi ye Biẹshẹba, nọ ukun osisi ahụn ọ gbọma fe Osolobuẹ, Chuku Itẹbitẹ.
Kanị ihiẹn-ọsụsụọ Osolobuẹ e sọn ndị a gbayen'ẹ gha alị lala, o sọn wẹ jẹnrin ejẹn; o mẹsọnmẹni wẹ ihiẹn furuni d'e rudẹ ẹka ụmụ lẹ ụmụ-ụmụ wẹ,
N'i d'e ke ugu ọwụlẹ, n'i d'e ke ụwa lẹ ndị rịn'a, ịyụ wụ Chuku; ị wụ Chuku ẹdẹi; ịyụ wụzịkwọ Chuku jẹnrin-ejẹn.
Ahụa nnụ-uku nọhụ kẹ akpọhịn ohu ẹnya ị, nọkẹ ụnyanhụn ghafegụnị, nọkẹ ebe ịhịan nọhụ ranhịn tẹnhin!
Chuku nọ sị Mozizi, “Onyẹ M Wụ Kẹ M Wụ. Ihiẹnni k'i jẹnkọ d'a gwa wẹ: ‘Onyẹ M Wụ zihẹ m d'e kunrun ụnụ.’ ”
Onyẹ wụ onyẹ hụn mẹ ihiẹnni, mẹ ẹ ru alị? A gha isi mbidọn a kpọtọ agbọ ndị rị ihun? Mmẹ wụ Osolobuẹ rọ — mmẹ lẹ ndị ibuzọ rị, mmẹ lẹ ndị ikpanzụụn rịzịkwọ.”
Lee ihiẹn Osolobuẹ ku — Eze Izrẹlụ, Onyẹ-mgbapụha Izrẹlụ, Onyẹ ihiẹn ile rị okpuru ẹ, ọ sị: “Mmẹ wụ Ibuzọ, mmẹ wụ Ikpanzụụn. Chuku arịa — wezụka m.
“Makẹni mmẹ wụ Osolobuẹ ara gbehutọ haịn ụnụ wụ ebọn Jekọpụ gilẹni gụ k'o te furu,
Makẹni Nwa Osolobuẹ wụ Jesu Kristi hụn mmẹ lẹ Sivanọsụ wụ Saịlasị lẹ Timoti zi ụnụ ozi ẹ ẹlẹ onyẹ a sị “ẹghẹẹ,” a sị “Mba;” ihiẹn rị imẹ ẹ ogẹn ile wụ “ẹghẹẹ.”
Makẹni, imẹ ẹ kẹ nkwa Osolobuẹ ile nọ e mẹzuchanrịn, a wụ “ẹghẹẹ.” Ya haịn ẹnyi gi a sị, “Isẹẹ” ghahanị Jesu Kristi, e gi ẹ e ye Osolobuẹ ọghọ.
I k'a fụma wẹ nọkẹ ẹkwa, wepụ wẹ; gi ọzọ nọkin ẹnya wẹ, kẹ wẹ e mẹ ẹwuru. Kanị, yụ nwẹn nọkwọ kẹ ị nọ; i k'a rị jẹnrin ejẹn.”
Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.
Onyẹ ahụn ịya sụọ wụ Chuku, Onyẹ nzụọpụha ẹnyi, ọjịja-mma ya rịn'a ghahanị Jizọs Kraịstị Di-nwọnni-ẹnyi — ọjịja-mma lẹ ikpẹn lẹ ikẹn lẹ ọkịkị ya rịn'a: k'ọ rịn'a nị ogẹn d'e bidọn, ya rịn'a kikẹnni, rịn'a jẹnrin ejẹn! Isẹẹ.
Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”
Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ
“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.
