Hibru 13:5 - Ika

⁵ Anịkwọlẹ ni egho a sụọ ụnụ; a nị nị ihiẹn ụnụ nwọn e jun ụnụ ẹfọ. Makẹni, Osolobuẹ e kuọlẹ, sị, “Ahapụkọ m ụnụ; alakọ m ụnụ tọ.”

Hibru 13:5 ပူးပေါင်းရင်းမြစ်များ

Jẹnẹsisi 28:15

Lee ẹnya, mmẹ lẹ yụ wị! M k'e chemẹ i ebe ọwụlẹ i k'e jẹn; m k'e wekinhẹnzi i alịnị. Onwọnni ogẹn m'e gi la ị tọ d'e ru n'e mẹzuchanrịn m ihiẹn m kwe i nkwa a.”

Jẹnẹsisi 30:31

Ya Labanị nọ sị a, “K'ị sị m ye i?” Ya Jekọpụ nọ sị a, “Eyelẹ m ihiẹn ọwụlẹ; kanị, i mẹni m hụ ihiẹn ohuni m jẹnkọ d'e ku, e dusọnmẹ m ihiẹn-uriri i, lepụsọnmẹ wẹ ẹnya:

Jẹnẹsisi 31:5

Ọ nị sị wẹ, “A hụngụọ m'a nị nẹdi ụnụ arịzị e mẹ m k'o mẹ m mbụ, kanị Chuku hụn nẹdi m e fe nọyeni m anọyeni.

Ndị-nze Nke Ibuzọ 6:13

m jẹnkọ d'e biri imẹ igunrun ndị Izrẹlụ, a gbakitọkọ m ndị nke m wụ Izrẹlụ azụụn.”

Ndị-nze Nke Ibuzọ 8:57

Osolobuẹ wụ Chuku ẹnyi, ya dodo nọyeni ẹnyi k'o dọn nọyeni ndị nẹdi ẹnyi; y'a latọkwọlẹ ẹnyi mọbụ jụ ẹnyi tọ.

Ihiẹn Mẹni Nke Ibuzọ 28:20

Defidi nọ nwan sị Solomọnụ nwa a, “Kakẹnmẹ. Kwọndọn obi i, n'ị rụn ọrụn ahụn. Atụkwọlẹ egun mọbụ nị ndụn gụ ị, makẹni Osolobuẹ hụn wụ Chuku — hụn wụ Chuku m — nọyen'i anọyeni. Ọ nịkọ ụya ri i mọbụ la i tọ y'e we rụngụ ọrụn ile rị ụlọ-nsọ Osolobuẹ.

Ẹbụ-ọma 10:3

O gi ihiẹn rị a gụnn'a a nyan isi; o kuyeni onyẹ ẹnya-uku, a kpọlịa Osolobuẹ.

Ẹbụ-ọma 119:36

Mẹ m bu obi che hụn i ku, ẹlẹ eje-erere!

Ẹbụ-ọma 37:25

E mẹghọ m nwata, m wụ nwan ẹgẹdi, m'e ke hụn ebe Osolobuẹ nọ la ndị ezi-omumẹ tọ mọbụ nị ụmụ wẹ rịọma ihiẹn-oriri.

Ẹbụ-ọma 37:28

Makẹni ndị e mẹ ihiẹn furuni a sụọ Osolobuẹ a sụọ; ọ latọkọ ndị nsọ a. O che wẹ nche jẹnrin ejẹn, kanị wẹ k'e gbupụ ụmụ ndị-njọ;

Ọpụpụ 2:21

Omẹgụ, Mozizi nọ kweri sọn okẹnnyẹ ahụn biri ebẹhụ. Ọ nọ ye ẹ nwa a okpoho wụ Zipora lụma.

Ọpụpụ 20:17

“Anịlẹ ụlọ ibe i la ị ẹnya, mọbụ nwunyẹ ibe i mọbụ nwata-okẹnnyẹ rị iwe ẹ mọbụ nwata-okpoho rị iwe ẹ mọbụ efin ẹ mọbụ jaki ẹ — mọbụ ihiẹn ọwụlẹ wụ nke ibe i.”

Itẹn 23:4

Alụgbulẹ enwẹn i n'i hi ọdanfịn — nwọnrin uche kwọndọn enwẹn i.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:17

Ndị igbẹnnyẹ lẹ ndị elu rị a fụ hụ a chọ mirin wẹ k'a ra, kanị w'a ra hụn; ẹkpịrị hụ a kpọ wẹ nkụn yeni ẹgụn-mirin. Kanị mmẹ wụ Osolobuẹ jẹnkọ d'a za wẹ oku — mmẹ wụ Chuku ndị Izrẹlụ alatọkọ wẹ.

Azaya 42:16

M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Izikẹlụ 33:31

Ndị nke m hụ a bịa d'e kunrun i kẹ wẹ dọn a bịa, a nọdị ihun i, e gọn ntịn oku i, kanị a rị wẹ e mẹ ihiẹn wẹ rị a nụ. E nwọnkẹ wẹ ọnụ-ọma, kanị wẹ hụkwọ a chọ nke wẹ nke wẹ.

Matiu 6:19

“Akpatọlẹ ni akụ-lẹ-ụba elu ụwanị, ebe ẹkịka nọ e ripụ ihiẹn, ebe ihiẹn nọ a gba nchara, ebe ohin nọ e gbukpọ e zunrun.

Matiu 6:25

“Ufiri ẹ, m rị a gwa ụnụ, ehuelẹ ni uhue ndụn ụnụ, ihiẹn ụnụ k'e ri mọbụ ihiẹn ụnụ k'a ra mọbụ ihiẹn ụnụ k'e yiye ẹhụ. Ẹlẹ ndụn ka ihiẹn-oriri? Ẹlẹ ẹhụ ka ẹkwa?

Matiu 6:34

“Ehuelẹ ni nwan uhue banyeni ekile, nị eki nwọn oku ẹ; nsọngbu ụhụọhịn e zugụọn'a.

Makị 7:22

ịna-nwunyẹ-ịhịan lẹ ịzọ-ụkụ-ye-ọfịa, ẹnya-uku, eje-obibi, ndufie, imẹ ihiẹn gụnnị ị, iwe-ẹnya, ikuja-oku ịhịan, mpache lẹ nzuzu.

Luku 3:14

Ndị-agha nọzị jụ a, sị, “Ẹnyi nwẹn? Kị ẹnyi k'e mẹ?” Ọ nọ sị wẹ, “Egilẹ ni ikẹn narịn ịhịan ihiẹn ẹ; ebuokinlẹ ni ịhịan ọnụ; a nị nị ụgwọ-ọrụn ụnụ e jun ụnụ ẹfọ.”

Luku 8:14

Ogun hụ mkpụrụ ndị hụ danye wụ ndị ahụn nụ oku-Chuku — kanị oku elu lẹ akụ-lẹ-ụba lẹ ihiẹn a sụọ ụsụọ rị ụwanị a kpangbu wẹ, mkpụrụ wẹ akazịnị.

Ndị Rom 1:29

ihiẹn ile rịlẹni mma e jun imẹ wẹ: kẹ eje-ihiẹn kẹ ẹnya-uku kẹ iwe kẹ iwe-ẹnya kẹ igbu-ọchụn kẹ ikpe kẹ ẹro kẹ ịchọ-njọ; e họnrin wẹ ndị-ọghẹlẹ,

Ndị Kọrẹntị Ibuzọ 5:11

Kanị, m rị nwan e deni ụnụ ụnụ esọnlẹ onyẹ ọwụlẹ kpọ enwẹn ẹ onyẹ kwerini mẹkọ, omẹni ọ ghẹrẹ aghẹrẹ mọbụ n'o nwọn ẹnya-uku mọbụ n'ọ rụa mmọn mọbụ n'ọ kpọ iyi mọbụ n'ọ ra manya a tụ mọbụ n'ọ tụnarịn ịhịan ihiẹn ẹ. Ụnụ lẹ onyẹ nọ ẹrịra erigbamadẹlẹ.

Ndị Kọrẹntị Ibuzọ 6:10

ndị ohin lẹ ndị ẹnya-uku lẹ ndị manya lẹ ndị a kpọ iyi lẹ ndị a tụnarịn ịhịan ihiẹn ẹ abanyekọ Alị-eze Osolobuẹ.

Ndị Kọrẹntị Nke Ẹbụọ 4:9

wẹ hụ e kpokposọnmẹ ẹnyi, kanị Osolobuẹ ajụkwọnị ẹnyi tọ; w'a kụtu ẹnyi, kanị ẹnyi ara nwụnhụn.

Ndị Ẹfẹsọsụ 5:3

Nọkẹ ndị nke Osolobuẹ, anịkwọlẹ ni wẹ nụdẹ oku ughẹrẹ mọbụ ihiẹn ọwụlẹ ru unyin mọbụ ẹnya-uku imẹ igunrun ụnụ,

Ndị Ẹfẹsọsụ 5:5

Marịnkwọ nị nị onwọnni onyẹ ughẹrẹ mọbụ onyẹ e bi obibi ru unyin mọbụ ẹnya-uku (hụn wụzị ịrụa-mmọn) jẹnkọ d'a ban Alị-eze Kraịstị lẹ Osolobuẹ!

Ditrọnọmi 31:6

Kakẹnmẹ ni; rikin ni obi! Atụlẹ ni egun, amalẹ ni ni piripiri, makẹni ụnụ lẹ Osolobuẹ wụ Chuku ụnụ wị jẹnkọ, ọ hapụkọ ụnụ mọbụ la ụnụ tọ.”

Ditrọnọmi 31:8

Osolobuẹ lẹ enwẹn ẹ k'e buruni ụnụ ụzọ; o k'a nọyeni ụnụ; ọ hapụkọ ị mọbụ la ị tọ. Atụlẹ egun; anịlẹ ndụn gụ ị.”

Ditrọnọmi 4:31

makẹni Osolobuẹ wụ Chuku ụnụ wụ Chuku omikẹn, ọ jụtọkọ ụnụ mọbụ gbupụ ụnụ mọbụ zọ nkwerigbama rị ẹgbata ịya lẹ ndị nẹdi ụnụ, hụn o gi ufiri ẹ kunni wẹ enwẹn ẹ.

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Timoti Ibuzọ 3:3

O mẹkọ onyẹ-manya mọbụ onyẹ ẹka-ikẹn, kanị onyẹ e mẹ jụụ; ẹlẹ onyẹ ikpe-lẹ-ọgụn mọbụ onyẹ egho a sụọ.

Joshụa 1:5

Onwọnni onyẹ sikọ d'a s'ẹka che i ọgụn y'e we nwụn. Kẹ m dọn nọyeni Mozizi kẹ m k'a dọn nọyeni i; alatọkọ m'ị, ajụtọkọ m'ị.

Joshụa 7:21

ogẹn m gi hụn ẹkwa alị Babilọnụ ma mma imẹ ihiẹn ndị ahụn ẹnyi gbukwarị, ya lẹ akpụrụ siliva ọgụn-iri lẹ ogbe goru hanzị kẹ akpụrụ iri kwasị ọgụnnaị, wẹ nọ chanban m ẹnya, m nọ weri wẹ. Wẹ rị nwan imẹ alị imẹ ọdụ m ebe m zuemẹ wẹ, siliva ahụn rịchanrịn okpuru.”

Pita Nke Ẹbụọ 2:14

Ughẹrẹ jun wẹ ẹnya; ẹfọ njọ ara jun wẹ. W'a rẹrẹrị ndị kelẹni wuzo ọhụnma e ye imẹ njọ. E gigụọ wẹ ẹnya-uku zụn obi wẹ. Ndị wẹ bụ ọnụ kẹ wẹ wụ!

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!

Judu 1:11

O k'a jọnị wẹ njọ! E sọnmẹgụọ wẹ ụzọ Keni hụn gbu ọchụn; e gigụọ wẹ ufiri egho mẹmẹ kẹ Balaam; e nupụgụọ wẹ isi kẹ Kora a la ntikpọ kẹ ịya.

Samuẹlụ Nke Ibuzọ 10:7

Ihiẹn ahịma ndịnị ile mẹgụ, ihiẹn ọwụlẹ obi i gwa ị, y'e mẹ ẹ, makẹni Osolobuẹ nọyeni i anọyeni.

Samuẹlụ Nke Ibuzọ 12:22

Makẹ ufiri okẹn ẹfan Osolobuẹ, Osolobuẹ ajụtọkọ ụnụ wụ ndị nke ẹ, makẹni ọ sụọghọ a ebe ọ nọ gi ụnụ họnrin ndị nke ẹ.