Hibru 13:20 - Ika

²⁰ Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 13:20 ပူးပေါင်းရင်းမြစ်များ

Samuẹlụ Nke Ẹbụọ 23:5

Ẹgbata Chuku lẹ ikpụlọ m arịgụọnị mma? O kwegụọnị m nkwa itẹbitẹ, hụn o dọnkwamagụ; hụn ihiẹn ọwụlẹ jẹnkọlẹni d'e mẹ? Ọ zụọpụhachanrịnkọ m, mẹzuchanrịnnị m ihiẹn rị a gụnnị m?

Ihiẹn Mẹni Nke Ibuzọ 16:17

O gi ẹ tini Jekọpụ iwu, gi ẹ tumẹni Izrẹlụ nkwerigbama itẹbitẹ:

Ihiẹn Mẹni Nke Ẹbụọ 30:12

Ẹka Osolobuẹ rịzịkwọ imẹ ndị Juda, o ye wẹ obi ohu gi mẹ ihiẹn eze lẹ ịhaịmẹ ẹ sị wẹ mẹ nọkẹ kẹ Osolobuẹ dọn sị wẹ mẹ ẹ.

Ẹbụ-ọma 23:1

Osolobuẹ wụ onyẹ hụn e duni m rịkẹ atụnrụn, onwọnni ihiẹn a kọnị m.

Ẹbụ-ọma 80:1

Dodo, gọn ẹnyi ntịn, Onyẹ-ndu Izrẹlụ, ịyụ hụn e du ẹnyi ndị ebọn Josẹfụ nọkẹ atụnrụn! Ịyụ hụn nọdị alị elu chẹrobu ẹbụọ ahụn nwọn nku; dodo, ghọsị ẹka ị!

Ọpụpụ 24:8

Mozizi nọ nwan weri ẹdeke ahụn, fe ẹ kpu wẹ, sị, “Ọnwan wụ ẹdeke nkwerigbama ahụn hụn Osolobuẹ gi kwọngbama ụnụ lẹ ya, kẹ wẹ dọn detusọnmẹ ẹ ebeni.”

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 61:8

Makẹni ezioku a sụọ mmẹ wụ Osolobuẹ ụsụọ; ohin lẹ mmẹgbu e ze m ize. M sikọ d'e mẹ hụn runi m kụ wẹ ụgwọ-ọrụn, e tumẹ m nkwerigbama k'e kwọngbama mmẹ lẹ wẹ jẹnrin-ejẹn.

Azaya 63:11

Ya wẹ nọ nyanhan ogẹn mbụ, ogẹn Mozizi lẹ ndị ya lẹ wẹ wị, ya wẹ nọ jụma, “Elebe Onyẹ ahụn hụn we ndị nke ẹ ghafe ohimin rị nwan? Onyẹ ahụn gi onyẹ-ndu wẹ we wẹ ghafe ohimin. Elebe kẹ Onyẹ ahụn rị nwan? Onyẹ ahụn bu Mmọn-nsọ a che imẹ igunrun wẹ,

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Izikẹlụ 37:24

“ ‘Odibo m wụ Defidi k'a wụrụ eze wẹ, wẹ ile e nwọnrin onyẹ-ndu ohu, e gi wẹ usọnrọn m tumẹni wẹ e bi, e dọnmẹ Iwu m.

Izikẹlụ 37:26

M k'e kwe wẹ nkwa hụn m k'e gi mẹ n'ọ rịnị wẹ mma; o k'a wụ nkwa itẹbitẹ. M k'e mẹ wẹ gbọrị, mẹ wẹ ba ụba; m k'e bu Ụlọ-nsọ m che imẹ igunrun wẹ jẹnrin ejẹn.

Zẹkaraya 9:11

Nke ụnụ Izrẹlụ, m k'e gi ufiri ẹdeke mmẹ lẹ ụnụ gi kwerigbama, gbapụha ndị nke ụnụ imẹ mgbugbu ahụn mirin rịlẹni wẹ buche wẹ.

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Makị 14:24

Ọ nọ sị wẹ, “Ọnwan wụ ẹdeke m wẹ gi ufiri ndị bu ọda hupụ; ẹdeke m wẹ gi biye ẹka nkwerigbama Osolobuẹ tumẹ ẹgbata ya lẹ ndị nke ẹ.

Luku 22:20

Ẹrịra k'o dọnzikwọ weri mkpu hụ ogẹn wẹ gi rigụ, ye wẹ, sị, “Mkpuni wụ nkwerigbama ọhụn Osolobuẹ; ẹdeke m hụn m rị e gi ufiri ụnụ e ye kẹ wẹ gi biye ẹ ẹka.”

Jọnụ 10:11

“Mmẹ wụ ezigbo onyẹ-ndu atụnrụn: Ezigbo onyẹ-ndu atụnrụn e gi ufiri atụnrụn a e ye ndụn a.

Jọnụ 10:14

“Mmẹ wụ ezigbo onyẹ-ndu atụnrụn. A marịnghọ m atụnrụn m; atụnrụn m a marịnghọ m —

Ọrụn Ndị-ozi 13:30

Kanị Osolobuẹ nọ gha ọnwụn weli ẹ.

Ọrụn Ndị-ozi 17:31

Makẹni, ọ kayegụọ ụhụọhịn o gi kin ụwa ikpe zinrinni ghahanị okẹnnyẹ ohu o tumẹ. Ọ ghọsịgụọ onyẹ okẹnnyẹ hụ wụ ghahanị iweli ẹ ogẹn o gi nwụnhụngụ.”

Ọrụn Ndị-ozi 2:24

Kanị Osolobuẹ nọ gha ọnwụn weli ẹ, gha ẹka ọnwụn gbapụha a, makẹni ọnwụn as'ẹka kwọndọn ẹ.

Ọrụn Ndị-ozi 2:32

Osolobuẹ a ghagụọ nwan ọnwụn weli Jesuni, ẹnyi ile rị ihun ụnụ kikẹnni gi ẹnya ẹnyi hụn a.

Ọrụn Ndị-ozi 3:15

Ụnụ nọ gbu onyẹ hụn e ye ndụn, kanị Osolobuẹ nọ gha ọnwụn weli ẹ. Ihiẹnni mẹye ẹnyi ile ẹnya.

Ọrụn Ndị-ozi 4:10

ụnụ lẹ ndị Izrẹlụ ile, marịn nị nwan nị ẹfan Jesu Kristi onyẹ Nazarẹtị, onyẹ ụnụ kpọgbu elu-obe, onyẹ Osolobuẹ gha ọnwụn weli, mẹ ẹ ẹhụ gi rị okẹnnyẹni wuzo ihun ụnụ ikẹn.

Ọrụn Ndị-ozi 5:30

Chuku ndị nẹdi ẹnyi kanị weli Jesu hụn ụnụ gbu ghahanị ihogbu ẹ elu osisi.

Ndị Rom 1:4

Osolobuẹ nọ gi ikẹn Mmọn-nsọ a ghọsị n'ọ wụ Nwa Osolobuẹ ebe ọ nọ gha ọnwụn weli ẹ: Jesu Kristi Di-nwọnni-ẹnyi rọ.

Ndị Rom 10:7

mọbụ ‘Onyẹ k'e jẹn nwan alị-mmọn?’ (Ya wụ, kẹni o d'a gha ọnwụn weli Kraịstị.)”

Ndị Rom 15:33

Osolobuẹ hụn e ye udọn ya nọyeni ụnụ ile. Isẹẹ.

Ndị Rom 16:20

O biekọ Osolobuẹ hụn e ye udọn a zọkpụkpọ Ekwensụ ye okpuru ụkụ ụnụ. Ẹfọma Di-nwọnni-ẹnyi wụ Jizọsị ya ru ụnụ ile ẹka.

Ndị Rom 8:11

Omẹni Mmọn onyẹ hụn gha ọnwụn weli Kraịstị bi imẹ ndụn ụnụ, onyẹ hụn weli Kraịstị sikọ d'e mẹzikwọ ẹhụ ụnụ a nwụnhụnnị n'ọ rị ndụn — ghahanị Mmọn a hụn bi imẹ ndụn ụnụ.

Ndị Kọrẹntị Ibuzọ 14:33

Makẹni Osolobuẹ ẹlẹ Chuku isusu, kanị Chuku udọn lẹ usọnrọn k'ọ wụ. Nọkẹ kẹ ẹnyi dọn e mẹ ẹ imẹ ụka ndị-nsọ ile,

Ndị Kọrẹntị Ibuzọ 15:15

Ya wụzị nị ẹnyi rịdẹ nwan e buokin Osolobuẹ ọnụ. Makẹni ẹnyi e kugụọ nị Osolobuẹ a ghagụọ ọnwụn weli Kraịstị, bụ o welin'ẹ, omẹni ezioku rọ nị ara weli ndị nwụnhụnnị.

Ndị Kọrẹntị Ibuzọ 6:14

Osolobuẹ gi ikẹn ẹ gha ọnwụn weli Onyẹ-nwọnni-ẹnyi; o k'e welizi ẹnyi nwẹn.

Ndị Kọrẹntị Nke Ẹbụọ 13:11

Nke ikpanzụụn, umunẹ m, ghọghọma nị; bihutọ nị ẹka; a gba nị ibe ụnụ umẹ; e nwọn ni obi ohu; e gi ni udọn e bi. Ụnụ mẹ ẹnịna, Osolobuẹ udọn lẹ ihiẹn-ọsụsụọ gha ẹka a a bịa k'a nọyeni ụnụ.

Ndị Kọrẹntị Nke Ẹbụọ 4:14

Makẹni, ẹnyi a marịnghọ nị Osolobuẹ hụn gha ọnwụn weli Jesu Di-nwọnni-ẹnyi jẹnkọ d'e welizi ẹnyi k'o dọn weli Jesu, wẹhẹ ẹnyi lẹ ụnụ ihun ẹ.

Ndị Galeshịa 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn, ẹlẹ hụn ịhịan zi mọbụ hụn wẹ gha ẹka ịhịan tumẹ, kanị hụn Jesu Kristi lẹ Chuku-Nẹdi hụn gha ọnwụn weli Jesu Kristi tumẹ.

Ndị Ẹfẹsọsụ 1:20

ikẹn hụ o gi gha ọnwụn weli Kraịstị, m'ẹ nọdị alị ẹka-nni ẹ imẹ elu-igwee;

Ndị Filipi 4:9

E mẹsọnmẹ ni ihiẹn ụnụ mụnarịn m, ihiẹn ụnụ nwọnhẹn ẹka m, ihiẹn ụnụ nụ ọnụ m lẹ ihiẹn ụnụ hụn m ẹka. Ụnụ mẹ wẹ, Osolobuẹ hụn e mẹ obi e ru ịhịan alị k'a nọyeni ụnụ.

Ndị Kolosị 2:12

E mẹgụọ wẹ ụnụ mirin-Chuku gi ligbama ụnụ lẹ Kraịstị, wepụha ụnụ imẹ mirin gi weligbama ụnụ lẹ ya, makẹni ụnụ gi ikẹn Osolobuẹ dọn ẹnya, Osolobuẹ hụn gha ọnwụn weli Kraịstị.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Ndị Tẹsalonika Ibuzọ 5:23

Osolobuẹ lẹ enwẹn ẹ, onyẹ hụn udọn gha ẹka a bịa, ya dodo dọn ụnụ nsọ ụzọ ile: ya anịlẹ ụnụ nwọn nkọrịanị ọwụlẹ imẹ mmọn ụnụ mọbụ umẹ-ndụn ụnụ mọbụ ẹhụ ụnụ ogẹn Di-nwọnni-ẹnyi wụ Jesu Kristi k'e gi bịa.

Ndị Tẹsalonika Nke Ẹbụọ 3:16

Di-nwọnni-ẹnyi lẹ enwẹn ẹ, Onyẹ hụn udọn gha ẹka a a bịa, ya ye ụnụ udọn ogẹn ile lẹ ụzọ ile. Di-nwọnni-ẹnyi ya nọyeni ụnụ ile.

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 10:29

elee ụdị afụnfụn k'i ro nị wẹ k'e ye onyẹ hụn legberi Nwa Osolobuẹ, lelịa ẹdeke nkwerigbama hụ wẹ gi dọn ẹ nsọ, kpasu Mmọn-nsọ wẹ gha mẹn'ẹ ẹfọma iwe?

Hibru 9:20

a sị wẹ, “Hụnnị wụ ẹdeke wẹ rị e gi e tumẹ nkwerigbama Osolobuẹ tumẹni ụnụ.”

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.

Pita Ibuzọ 2:25

Ụnụ te rị a kpahu kẹ atụnrụn, kanị ụnụ e kinhẹngụọ nwan d'e kunrun onyẹ hụn e du ụnụ kẹ atụnrụn, onyẹ hụn e lepụ umẹ-ndụn ụnụ ẹnya.

Pita Ibuzọ 5:4

kẹni, Onyẹ-isi ndị-ndu atụnrụn bịa, o gi okpu-eze ọghọ ahụn ghalẹni a fapụ tu ụnụ ugọn.