Hibru 13:17 - Ika

¹⁷ E kweyeni ni ndị-ndu ụnụ, e bu ni enwẹn ụnụ e che okpuru wẹ. Makẹni, wẹ rị e lepụ umẹ-ndụn ụnụ ẹnya. Osolobuẹ jẹnkọ d'a jụ wẹ ukwere ụnụ. Hụn n'a nị wẹ gi ịghọghọ ye mgbakọ hụ, ẹlẹ ẹnya-mirin, makẹ ọ gha a jọ ụnụ njọ.

Hibru 13:17 ပူးပေါင်းရင်းမြစ်များ

Jẹnẹsisi 16:9

Mmọn-ozi Osolobuẹ nọ sị a, “Lakin iwe di-nwọnni i, y'e welụan'a isi alị.”

Ọpụpụ 32:31

Ya Mozizi nọ kin azụụn d'e kunrun Osolobuẹ, sị a, “Euu, ndịnị e mẹọlẹ okẹn njọ! A kpụrụgụọ wẹ mmọn goru.

Itẹn 5:13

Egini m oku ndị-nkuzi m dọn mọbụ gọn ndị zụnnị m ntịn.

Azaya 62:6

Jerusalẹm! E bugụọ m ndị-nche che elu mgbọn i; akpọkubehikọ wẹ m, kẹ uhinhin kẹ efinaị. Ụnụ ndị a kpọku Osolobuẹ, ezukwọlẹ ni ikẹn;

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Izikẹlụ 33:2

“Nwa-ịhịan, gwa ndị alị ị oku, sị wẹ: ‘Omẹni m wẹhẹ ọpịa-agha d'e bu nụmanị alị, nị ndị alị ahụn a họrị ịhịan tumẹ ẹ onyẹ-nche,

Luku 16:2

Ya ọ nọ kpọ a, sị a, ‘Kị wụ ihiẹnni m rị a nụ? Kọwachanrịnnị m k'i dọn rụn, makẹni y'e lepụkọzịnị m ihiẹn m ẹnya.’

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ndị Rom 14:12

Ya wụ nwan nị onyẹ-onyẹ imẹ ẹnyi sikọ d'a kọnị Osolobuẹ k'o jẹn.

Ndị Kọrẹntị Ibuzọ 16:16

m rị a sị ụnụ humẹni ndị nọ ẹrịra isi, wẹ lẹ ndị ile rịzị a rụn ọrụn Osolobuẹ, a rụnshi ẹ ikẹn.

Ndị Ẹfẹsọsụ 5:21

e gi ni egun Kraịstị e humẹni ibe ụnụ isi.

Ndị Filipi 1:4

ogẹn ile m gi e mẹ ni ụnụ ile ekpere, m'e gi ịghọghọ e mẹ ẹ,

Ndị Filipi 2:12

Ufiri ẹ, ndị nke m, kẹ ụnụ dọn e humẹni m isi ogẹn mmẹ lẹ ụnụ gi rị ụzọ ohu, e mẹkẹnmẹzidẹ ẹ hụnnị m rịlẹn'a, mẹsọnmẹ ni nwan ẹrịra: e gi ni egun lẹ ẹhụ-ọmụma-nni e bi, e mẹ ihiẹn ile Osolobuẹ e gi zụọpụha ụnụ.

Ndị Filipi 2:16

E kwọnkẹnmẹ ni oku hụn e ye ndụn, kẹni m hụn ihiẹn m'e gi nyan isi Ụhụọhịn Kraịstị k'a bịa, nị ọsọ m gba lẹ ọrụn m rụn alanị iwi.

Ndị Filipi 2:29

Gi ni nwan ịghọghọ nabanhan a makẹ Di-nwọnni-ẹnyi. A gbaye ni ndị nọ kẹ ịya —

Ndị Filipi 3:18

Makẹni, ndị bu ọda e bi nọkẹ sị wẹ wụ ndị-iṅẹnrẹn obe Kraịstị. A gwaọlẹ m ụnụ ya mgbe ole-lẹ-ole mbụ; m gi nwan ẹnya-mirin a gwazị ụnụ ya.

Ndị Filipi 4:1

Ezi umunẹ m, hụn rị a danị m, ịghọghọ m lẹ ugọn m! Ndị nke m, turukẹnmẹni nwan ẹrịra imẹ Di-nwọnni-ẹnyi!

Ndị Tẹsalonika Nke Ẹbụọ 3:14

Onyẹ gbayelẹni ihiẹnni ẹnyi rị nwan e deni ụnụ, ụnụ a kọma a ẹnya, gban'a ọsọ kẹni ifẹnrẹn mẹ ẹ.

Timoti Ibuzọ 5:17

Ndị-isi ụka rị a kị ọhụnma furu w'e ye ọghọ lẹ ụgwọ-ọrụn furu w'e ye ndị-isi, ye wẹ ya ụzọ ẹbụọ, tụmadụ ndị rị a gbakẹnmẹ ebe iku oku-Chuku lẹ ikuzin'ẹ rị.

Hibru 13:24

Kele ni ndị-ndu ụnụ ile lẹ ndị-nsọ ile. Ndị hụn gha Itali bịa e zighọ ekele ụnụ.

Hibru 13:7

Nyanhan nị ndị-ndu ụnụ, hụn gwa ụnụ oku Osolobuẹ; lekpọ nị elu wẹ bi lẹ ihiẹn gha imẹ ẹ pụha; leri nị okukwe wẹ.

Jemisi 4:7

Bu ni nwan enwẹn ụnụ che okpuru Osolobuẹ. Che ni Ekwensụ ọgụn, ọ k'a gbanị ụnụ ọsọ.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Samuẹlụ Nke Ibuzọ 8:19

Kanị ndị Izrẹlụ egọnni Samuẹlụ ntịn. Wẹ sị, “Mba! Ẹnyi chọ eze k'a kịnị ẹnyi,