Hibru 13:15 - Ika

¹⁵ Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Hibru 13:15 ပူးပေါင်းရင်းမြစ်များ

Ihiẹn Mẹni Nke Ẹbụọ 29:31

Hezikaya nọ sị, “Ụnụ e wegụọ nwan enwẹn ụnụ kwanị Osolobuẹ. Wẹhẹ ni nwan ẹjan ichẹn-ichẹn lẹ ẹjan-ekele Ụlọ-nsọ Osolobuẹ.” Ya ndị Izrẹlụ hụ zuni nọ wẹhẹmẹ ẹjan lẹ ihiẹn wẹ gi a kpanmịn. Ụfọdụ e gi uche wẹ wẹhẹ ẹjan w'a dụn ọkụn.

Ihiẹn Mẹni Nke Ẹbụọ 33:16

Ya ọ nọ dọnzi ukpo nchụn-ẹjan Osolobuẹ, nọ elu ẹ chụn ẹjan-ekele lẹ ẹjan wẹ gi a kpanmịn Osolobuẹ, sị ndị Juda femẹ Osolobuẹ wụ Chuku Izrẹlụ.

Ihiẹn Mẹni Nke Ẹbụọ 7:6

Ndị nchụn-ẹjan nọ weri ọnọdị wẹ, ndị Livaị nọ mẹzikwọ ẹrịra. Ndị Livaị gisọnmẹ ihiẹn-egu ndị hụ Defidi mẹmẹ wẹ gi a ja Osolobuẹ mma lẹ hụn wẹ kpọ ebe ọ nọ ye ekele, a sị, “Ihiẹn-ọsụsụọ a rị jẹnrin ejẹn.” Ndị nchụn-ẹjan hụ bu ihun zinmẹ ndị Livaị, e gbu opi; ndị Izrẹlụ ile wuzo ewuzo.

Ẹzra 3:11

Wẹ hụ a bụ ẹbụ wẹ gi a ja Osolobuẹ mma lẹ hụn wẹ gi a kpanmịn a, a sị: Ọ rịka mma: O nwọn ihiẹn-ọsụsụọ Izrẹlụ jẹnrin ejẹn. Ịhịan ile nọ yini Osolobuẹ okẹn oro ịja-mma, makẹni e gbegụọ wẹ iyetọ ụlọ Osolobuẹ.

Nehemiah 12:40

Ya kẹ itu ẹbụọ hụ a bụ ẹbụ-ekele nọ nwan shi imẹ Ụlọ Osolobuẹ d'e werisọnmẹ ọnọdị wẹ; mmẹ nwẹn nọzị mẹ ẹrịra, mmẹ lẹ ndị-isi rị imẹ ndị mmẹ lẹ wẹ wị —

Nehemiah 12:43

Ẹjan wẹ chụnyeni Osolobuẹ ụhụọhịn hụ e bukẹ; ịhịan ile hụ a ghọghọ makẹni Osolobuẹ e mẹgụọnị wẹ ihiẹn okẹn ịghọghọ; ikpoho lẹ ụmụ-ẹka sọnzi rị a ghọghọ. Ndị rị ebe teni nụ olu wẹ gi rị a ghọghọ imẹ Jerusalẹm.

Ẹbụ-ọma 118:19

Gụnpụnị nị m nwan ọnụ-mgbọn ndịnị rị ọchan, nị m banye d'a kpanmịn Osolobuẹ!

Ẹbụ-ọma 119:108

Dodo Osolobuẹ, narịn oyiye ịja-mma gha m ọnụ pụha; y'a kuzi m uhi i.

Ẹbụ-ọma 18:49

M sikọ nwan d'a ja ị mma, Osolobuẹ — imẹ igunrun ndị alị ichẹn-ichẹn, m k'e gi ẹbụ ja ẹfan ị mma.

Ẹbụ-ọma 50:14

Chụnyeni Chuku ẹjan-ekele, y'e mẹzuni Onyẹ Kachanrịnnị nkwa hụn i kwe ẹ;

Ẹbụ-ọma 50:23

Mkpamịn, ya wụ ezigbo ẹjan hụn e ye m ọghọ, a kwa ụzọ, m gi a ghọsị a nị Chuku a zụọpụha ịhịan.”

Azaya 57:19

gi ẹ mẹ ndị rị a kwan ụya ghọghọma. Ya rịnị wẹ mma-o! Ya rịnị wẹ mma-o! Kẹ ndị rị nsue kẹ ndị rị ebe teni! M jẹnkọ d'a zụọ wẹ emu.” Ịya kẹ Osolobuẹ ku.

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Jerimaya 33:18

Ndị nchụn-ẹjan ebọn Livaị, arịbehikọ ihun m, a chụnyeni m ẹjan w'a kpọ ọkụn lẹ oyiye ọka lẹ ẹjan ndị ọzọ.’ ”

Hosia 14:2

Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.

Lẹvitikọsụ 7:12

“Omẹni hụn o gi a kpanmịn Osolobuẹ rọ, ọ kpụnlanị anụ oyiye-nkpanmịn hụ, ọ kịhazị donọtụ wẹ gi ofugbọn-olivu gwọ wẹ buchelẹni yisti, biskiti wẹ gi ofugbọn-olivu tekwama wẹ buchelẹni yisti lẹ brẹdi wẹ gi ọka wẹ gweriẹn gwọgbama ya lẹ ofugbọn-olivu mẹmẹ.

Ọgụngụn 7:62

ugbẹgbẹ goru ohu wẹ gi akpụrụ goru iri mẹmẹ hụn wẹ kpọn nsẹnsi jun;

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Luku 10:21

Ogẹn hụzịkwọ, Jesu nọ ghọghọ imẹ Mmọn-nsọ, sị, “Baba, Onyẹ nwọn elu-igwee lẹ ụwa! M rị a ja ị mma ni y'e zuemẹgụọnị ndị marịn ihiẹn lẹ ndị nwọn nghọta ihiẹn ndịnị, we wẹ ghọsị ụmụ-ndu. Ẹghẹẹ Baba, ẹnịna k'ị chọ n'ọ rị.

Jọnụ 10:9

Mmẹ wụ ọnụmụzọ. Onyẹ gha m banye sikọ d'e nwọn nzụọpụha; o k'a gha e jẹn, a lụa, a hụnsọnmẹ ẹfịfịa e ri.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Ẹfẹsọsụ 2:18

Ghahanị Kraịstị, ẹnyi ile a sa nwan ẹka a gha Mmọn-nsọ ohu a banhan ebe Nẹdi ẹnyi wụ Osolobuẹ rị, kẹ ndị Ju kẹ ndị alị ọzọ.

Ndị Kolosị 1:12

a kpanmịn Nẹdi ẹnyi hụn mẹ nwan ụnụ ru ogo ụnụ gi rị ndị nwọn ihiẹn o butọnị ndị-nsọ a makẹni wẹ rị imẹ ukpẹ.

Hibru 12:28

Ebe o mẹ nwan nị ẹnyi rị e nwọnhẹn alị-eze wẹ ghalẹni a saẹka e zinzinpụ, nị ẹnyi kpanmịn nị Osolobuẹ, gi egun Osolobuẹ lẹ mgbaye fe Osolobuẹ ofufe ọ k'a nabanhan;

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 4:11

Onyẹ e kuni, ya ku kẹ onyẹ Osolobuẹ gi ẹ e ku; onyẹ e jẹn ozi ya mẹ ẹ kẹ onyẹ Osolobuẹ rị e ye ikẹn: kẹni wẹ e gi ihiẹn ile e ye Osolobuẹ ọghọ ghahanị Jesu Kristi. Ọghọ lẹ ikẹn ile wụ nke ẹ jẹnrin ejẹn. Isẹẹ.