Hibru 12:29 - Ika

²⁹ makẹni ezioku-ezioku, Chuku ẹnyi wụ ọkụn hụn e bu ihiẹn e ri.

Hibru 12:29 ပူးပေါင်းရင်းမြစ်များ

Samuẹlụ Nke Ẹbụọ 22:9

Ẹnwụnrụn hụ a gha a imi a lọpụha; ọkụn e ri ihiẹn hụ a gha a ọnụ a pụha, ikeke ọkụn hụ a gha ebe ọ rị a pụha.

Ẹbụ-ọma 50:3

Osolobuẹ ẹnyi lala, kanị o tukọ udọn: ọkụn e bu ihiẹn e ri rị a ihun, okẹn ẹbi rị a kpọnị fihunmẹ ẹ!

Ẹbụ-ọma 97:3

Ọkụn e burun'ẹ ụzọ o jẹnkọnị, a dụngbu ndị-iṅẹnrẹn ẹ.

Ọpụpụ 15:7

Okẹn ikpẹn i k'i gi mẹri ndị lụsọn i ọgụn. Ọnụma ị rị a dụn kẹ ọkụn k'i gi sọn wẹ, ọ nọ dụnpụ wẹ kẹ ẹfịfịa ọkpọ-nkụn.

Ọpụpụ 24:17

Ẹnya ndị Izrẹlụ, ọghọ hụn Osolobuẹ gi pụha nọhụ kẹ ọkụn hụn rị a dụnnị enu-ugu ahụn.

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 66:15

Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Jerimaya 25:37

Osolobuẹ k'e tikpọdẹ alị ile te mẹ jụụ — makẹ olulu Osolobuẹ hụn rị a dụn kẹ ọkụn.

Izikẹlụ 38:19

M rị e gi ẹnya rị a fụnị m lẹ okẹn olulu rị e buni m e ku ihiẹnni: nị alị k'e zinzin ọda-ọda imẹ alị Izrẹlụ ogẹn ahụn.

Daniẹlụ 7:9

“Ebe m nọzị e lee ẹnya, E butọsọnmẹ wẹ ukpo-eze, Onyẹ hụ Nwọnlẹni Mbidọn nọ weri oche. Ẹwuru ọchan o yi hụ e nwun zaị kẹ sno; ntutu rị a isi hụzị e nwun kẹ oruru ọchan. Ukpo ẹ hụ e nwụn ọkụn, ụkụ ukpo ẹ gi a gba hụzịkwọ e nwun ọkụn.

Ọgụngụn 11:1

Ogẹn ndị Izrẹlụ gi kpemẹ nị wẹ rị a ta afụnfụn, ku ẹ hụn Osolobuẹ nụ, Osolobuẹ a nụ a, ezigbo olulu nọ bu ẹ. Ya ọkụn gha ẹka Osolobuẹ bịa nọ nwunrun imẹ igunrun wẹ, dụnpụ ihiẹn ndị rị mkpẹnrẹn ebahụn wẹ ziẹntọ.

Ọgụngụn 16:35

Ọkụn nọ gha ebe Osolobuẹ rị bịa, dụnpụ wẹ madụ iri kwasị ọgụn-mmẹbụọ hụ rị a mụ nsẹnsi.

Ndị Kọrẹntị Nke Ẹbụọ 5:11

Egun Di-nwọnni-ẹnyi haịnkwọ ẹnyi gi a rịọ ịhịan ile sọnmẹ ẹ. Osolobuẹ a marịnghọ ẹnyi ọhụnma-ọhụnma; e gighọ m'a dọn nị ụnụ nwẹn a marịnzịghọ ẹnyi imẹ obi ụnụ.

Ditrọnọmi 4:24

Makẹni, Osolobuẹ wụ Chuku ụnụ wụkwọ ọkụn e bu ihiẹn e ri, Chuku ghalẹni e gi ẹnya a hụn kẹ ihiẹn ọzọ weri ọnọdị a k'ọ wụ.

Ditrọnọmi 9:3

Ka marịn nị nwan nị Osolobuẹ wụ Chuku ụnụ wụ onyẹ k'e buruni ụnụ ụzọ nọkẹ ọkụn rị a dụnnị. O k'e tikpọ wẹ; o k'e mẹrini ụnụ wẹ, ụnụ a chụpụ wẹ, gbupụ wẹ ozigbo, nọkẹ kẹ Osolobuẹ dọn kwe ụnụ nkwa.

Ndị Tẹsalonika Nke Ẹbụọ 1:7

mẹ ụnụ nwẹn rị a ta afụnfụn zu ikẹn, mẹzikwọ ẹnyi nwẹn zu ikẹn. O jẹnkọ d'e mẹ ẹ ogẹn Di-nwọnni-ẹnyi Jesu k'e gi gha elu-igwee bịa, ya lẹ ndị mmọn-ozi ẹ hụ kin akwanran.

Ndị Tẹsalonika Nke Ẹbụọ 1:8

Wẹ k'e gi ọkụn rị e nwunni bịa; wẹ k'e mẹgwarị wẹ ile marịnlẹni Osolobuẹ lẹ ndị hụn mẹlẹni ihiẹn oziọma Di-nwọnni-ẹnyi Jesu ku,

Hibru 10:27

ikpe-ọmụma hụn a tụ egun lẹ okẹn ọkụn hụn jẹnkọ d'a dụnchanrịn ndị-iṅẹnrẹn Osolobuẹ sụọ kẹ ẹnyi k'a gha e lee ẹnya a.

Hibru 10:31

N'ọ jọkakwọ njọ ebe ịhịan a nọ danye ẹka Osolobuẹ rị ndụn.

Pita Nke Ẹbụọ 3:7

Nke igwere lẹ ụwa rị ogẹnni, Osolobuẹ e gigụọzị oku-ọnụ a hụ bu wẹ dọnmẹ n'o k'a dụn wẹ ọkụn; ọ rị e che Ụhụọhịn ahụn o k'e kin ndị-njọ ikpe, tikpọ wẹ.