Hibru 12:28 - Ika

²⁸ Ebe o mẹ nwan nị ẹnyi rị e nwọnhẹn alị-eze wẹ ghalẹni a saẹka e zinzinpụ, nị ẹnyi kpanmịn nị Osolobuẹ, gi egun Osolobuẹ lẹ mgbaye fe Osolobuẹ ofufe ọ k'a nabanhan;

Hibru 12:28 ပူးပေါင်းရင်းမြစ်များ

Ẹbụ-ọma 19:14

Oku-ọnụ m lẹ iroro m wẹ wụrụ hụn y'a nabanhan, Osolobuẹ, Ọmụma m lẹ Onyẹ a gbapụhanị m!

Ẹbụ-ọma 2:11

Gi ni egun fe Osolobuẹ; e gi ni egun Osolobuẹ a ghọghọ.

Ẹbụ-ọma 89:7

Chuku w'a tụ egun ẹ imẹ ozuzu ndị mmọn-ozi k'ọ wụ, ịya ka ndị ile nọhunmẹn'ẹ mgbaye e nwọn.

Itẹn 28:24

Onyẹ hụn e zun nẹdi ẹ mọbụ nnẹ ẹ ohin, sị, “Ẹlẹ njọ” — lẹ onyẹ e tikpọ ịhịan wụ ohu.

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 7:14

Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Lẹvitikọsụ 10:3

Mozizi nọ sị Ẹrọnụ, “Ọnwan wụ ihiẹn ahụn Osolobuẹ ku ogẹn o gi sị; ‘M k'e gi ndị a nọkunmẹni m ghọsị nị m rị nsọ; m k'a hụn a nị ịhịan ile e ye m ọghọ m.’ ” Ẹrọnụ ekuni oku.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Luku 1:33

o k'a kị ikpụlọ Jekọpụ jẹnrin ejẹn; alị-eze ẹ agụkọ!”

Ndị Rom 11:20

Ezioku rọ. Kanị, wẹ kwapụ wẹ makẹni ekwerini wẹ, bụ ụnụ nwẹn rị ebẹhụ yeni ụnụ kweri ekweri. Egilẹ n'ẹ pachemẹ, ka gi nị egun e bi!

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Ndị Ẹfẹsọsụ 5:10

A marịn nị ihiẹn a sụọ Di-nwọnni-ẹnyi.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Hibru 10:19

Umunẹ m, nị ẹnyi saghọ nwan ẹka banye Ebẹhụ Kachanrịn nsọ, ebahụn Osolobuẹ rị, ghahanị ẹdeke Jizọsị,

Hibru 13:15

Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Hibru 5:7

Ogẹn Jizọsị gi rị elu ụwanị, o mẹ ekpere, a rịọ Osolobuẹ arịrịọ; e gi okẹn ẹkwan lẹ ẹnya-mirin a kpọku Osolobuẹ hụn k'a saẹka zụọpụha a imẹ ọnwụn, Osolobuẹ nọ nụ ekpere ẹ makẹni ọ lachanrịn enwẹn ẹ tọnị Osolobuẹ.

Pita Ibuzọ 1:17

Ebe ụnụ rị a kpọ Onyẹ hụn ghalẹni e gbeyeni ịhịan Nẹdi ụnụ, Onyẹ hụn e gi ihiẹn onyẹ mẹ e kin ẹ ikpe, gikwọ nị nwan egun ẹ bichanrịn ogẹn họdụ ụnụ k'e bi elu-ụwanị ụnụ wụ itumunyẹ.

Pita Ibuzọ 2:20

Kị wụ erere i omẹni afụnfụn eje-ihiẹn i mẹ k'i dingbu? Kanị, omẹni mma i mẹ kẹ wẹ gbuni i ili, nị y'e digbu ẹ, ọghọ rọ ẹnya Osolobuẹ.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Rẹvẹleshọnụ 1:6

ọ nọ nwan mẹ ẹnyi wụrụ alị-eze, mẹ ẹnyi wụrụ ndị nchụn-ẹjan Osolobuẹ ẹ hụn wụ Nẹdi ẹ. Ọghọ lẹ ọkịkị ya wụrụ nke ẹ jẹnrin ejẹn! Isẹẹ.

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”

Rẹvẹleshọnụ 5:10

Y'e mẹgụọ wẹ wụrụnị Osolobuẹ ẹnyi alị-eze lẹ ndị nchụn-ẹjan; wẹ k'a kị elu-ụwa.”