Hibru 12:25 - Ika

²⁵ Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.

Hibru 12:25 ပူးပေါင်းရင်းမြစ်များ

Ndị-nze Nke Ibuzọ 12:16

Mgbe ndị Izrẹlụ ile gi hụn a nị eze ekweni gọn wẹ ntịn, wẹ nọ sị eze: “Elee hụn wụdẹ nwan nke ẹnyi imẹ ẹbozo Defidi? Onwọnni hụn ru ẹnyi imẹ nwa Jese. A la nị iwe ụnụ, ndị Izrẹlụ! Ẹbozo Defidi, lepụma nị iwe ụnụ ẹnya!” Ya kẹ ndị Izrẹlụ nọ la iwe wẹ.

Ihiẹn Mẹni Nke Ẹbụọ 7:19

“Kanị, ụnụ gbehutọ, latọ uhi ndị m yi lẹ ihiẹn ndị m sị ụnụ mẹ, jẹn d'e femẹ mmọn-lẹ-iyi, kụmanị wẹ isi alị,

Ọpụpụ 16:29

Lee n'ẹ: makẹni Osolobuẹ e yeọlẹ ụnụ Ụhụọhịn ụnụ k'a gha e zu ikẹn haịn o gi mẹ ni nke akpọhịn isin o ye ụnụ mana akpọhịn ẹbụọ. Nke akpọhịn ẹsa, onyẹ ọwụlẹ ya nọdị ebe ọ rị. Onyẹ ọwụlẹ apụkwọlẹ ezi.”

Ọpụpụ 20:22

Ya kẹ Osolobuẹ nọ nwan sị Mozizi, “Lee ihiẹn i jẹnkọ d'a gwa ndị Izrẹlụ: ‘Ọnụ a hụngụọ a nwan nị elu-igwee kẹ m gha gwa ụnụ oku.

Itẹn 1:24

Kanị, makẹni ụnụ azanị kẹ m kpọ oku, makẹni onwọnni onyẹ gọn ntịn kẹ m tịnpụ ẹka ẹbụọ nị m nabanhan ụnụ,

Itẹn 1:32

Makẹni isi ndị ẹwobi e fesọnmẹ k'e gbu wẹ, ẹfọ-ojunjun ndị-nzuzu k'e tikpọ ndị-nzuzu;

Itẹn 13:18

Onyẹ jụ ọzụnzụn ogbẹnnyẹ lẹ ịfa e họnrin nke ẹ, kanị onyẹ gi oku wẹ gwa a bihutọ ẹka, e ye w'ẹ ọghọ.

Itẹn 15:32

Onyẹ hụn jụ ọzụnzụn e legberigụọ enwẹn ẹ; kanị onyẹ wẹ jụgbọ o gi ẹ dọn, rị e nwọnrin uche.

Itẹn 8:33

Weri ni ndụnmọdụn m kẹni ụnụ nwọnrin uche; alatọkwọlẹ n'a.

Azaya 48:6

Y'a nụgụọ ihiẹn ndịnị; lekpọ wẹ nwan; y'e kukọ nị ezioku rọ? Gha kikẹnni jẹnmẹ, m k'a gwama ị nwan ihiẹn ọhụn, gwama ị ihiẹn zuerini hụn ị marịnlẹni.

Azaya 64:9

Osolobuẹ, dodo, ebukẹlẹ olulu; atọlẹ a nyanhan njọ ẹnyi jẹnrin ejẹn. Dodo, lee ẹnyi ẹnya ihun, nị ndị nke i kẹ ẹnyi ile wụ.

Jerimaya 11:10

E mẹmẹzi wẹ njọ ndị nẹdi wẹ kanị hụn kwelẹni gi oku m dọn mẹ. E sọnringụọ wẹ mmọn ndị ọzọ, femẹ wẹ. Kẹ ndị Izrẹlụ kẹ ndị Juda a latọgụọ nkwerigbama mmẹ lẹ ndị nẹdi wẹ kanị kwerigbama.

Izikẹlụ 5:6

Kanị, Jerusalẹm e nupụgụọ isi okpuru iwu m, mẹkarị alị ndị ọzọ njọ, dan iwu m karị alị ndị ile nọkunmẹn'ẹ — makẹni ndị Jerusalẹm a jụgụọ iwu ile m ye wẹ, egini wẹ wẹ bi.

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Ọgụngụn 32:15

Ụnụ gbakịtọ a nwan azụụn, ọ lazị Izrẹlụ tọgbọ imẹ atụnị, ndịnị ile a nwụntọ ụnụ ẹka!”

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Matiu 8:4

Jizọsị nọ sị a, “Hụn a n'o nwọnni onyẹ ị gwa ihiẹnni; ka we enwẹn i d'a ghọsị onyẹ nchụn-ẹjan, y'e ye oyiye hụ Mozizi ku imẹ Iwu, n'i gi ẹ ghọsị wẹ nị y'a dịnhịngụọ wụbehi onyẹ rụnị.”

Ọrụn Ndị-ozi 7:35

“Mozizi nwẹn wẹ jụ; onyẹ nwẹn wẹ sị, ‘Onyẹ tumẹ i n'ị kịma ẹnyi? Onyẹ sị ị hannị ẹnyi eṅẹn?’ Ịya kẹ Osolobuẹ zi nwan d'a wụrụ onyẹ-ọkịkị lẹ onyẹ-nzụọpụha. O zi ẹ ghahanị mmọn-ozi hụ ọ hụn imẹ akụ-ọfịa hụ.

Ditrọnọmi 18:19

Onyẹ ọwụlẹ gọnlẹni ntịn oku-ọnụ m onyẹ-amụma ahụn k'e gi ẹfan m ku, mmẹ lẹ enwẹn m jẹnkọ d'a jụ onyẹ hụ ya.

Ditrọnọmi 30:17

Kanị obi i gha ebe Osolobuẹ rị pụ, y'a gbayezin'ẹ, nị a dọrị wẹ i d'a kpọmanị mmọn-lẹ-iyi isi alị, femẹ wẹ,

Ditrọnọmi 4:36

Ọ gha elu-igwee mẹ ụnụ nụ olu ẹ n'o gi ẹ kuzi ụnụ, ọ nọ nọ elu-ụwa ebeni ghọsị ụnụ okẹn ọkụn a, ụnụ a nụ k'ọ gha imẹ ọkụn hụ gwa ụnụ oku.

Ndị Tẹsalonika Ibuzọ 5:15

Hụn n'a n'o nwọnni onyẹ ọwụlẹ imẹ ụnụ e gi njọ a kụ njọ, kama, a chọ nị nị ụnụ e mẹni ibe ụnụ lẹ ndị ọzọ ile ihiẹn rị mma.

Timoti Nke Ẹbụọ 4:4

Wẹ k'a gbakitọ ezioku azụụn, sọnmẹ ilu.

Hibru 1:1

Ogẹn mbụ, Osolobuẹ gwasọnmẹ ndị nẹdi ẹnyi wẹ oku imẹrinmẹ ogẹn lẹ ụzọ rị ichẹn-ichẹn ghahanị ndị-amụma.

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.

Hibru 12:19

Ẹlẹ olu opi rị a hannị lẹ olu rị e ku ihiẹn ndị nụn'a gi rịọma nị asa wẹ ẹka nụzị,

Hibru 3:12

Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Hibru 3:17

Elee ndị kẹ ize wẹ ze Osolobuẹ ọrọgbọ ahụa ọgụnnaị? Ẹlẹ ndị ahụn mẹ njọ? Ẹlẹ wẹ nwụntọsọnmẹ imẹ atụ?

Hibru 8:5

Ọrụn ịchụn-ẹjan wẹ ẹlẹ nke ezigbo ẹ, o yihụ nke ezigbo ẹ rị elu-igwee eyi. Makẹni, ogẹn Mozizi gi jẹnkọ d'a rụn Ọdụ-ofufe hụ, Osolobuẹ gwa a oku, sị a, “Hụnkwọ a nị ị rụn ihiẹn ile n'o yi hụn wẹ ghọsị ị elu-ugu.”

Joshụa 22:15

E ru wẹ Gilẹdị, kunrun ndị Rubẹni, ndị Gadị lẹ mgbube Manasẹ, wẹ nọ sị wẹ,

Joshụa 22:16

“Ndị nke Osolobuẹ ile sị, ‘Kị wụ orireni ụnụ rị e re Osolobuẹ Izrẹlụ? Nanị ụnụ dọn nwan gbakitọ Osolobuẹ azụụn, rụnrụn ukpo nchụn-ẹjan gi nupụ isi okpuru Osolobuẹ?

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”

Rẹvẹleshọnụ 22:9

Kanị ọ nọ sị m, “Emẹkwọlẹ a! M wụ odibo nọkẹ ịyụ lẹ umunẹ i wụ ndị-amụma lẹ ndị e mẹ ihiẹn ozi rị imẹ ẹkụkwọnị ku. Fe Osolobuẹ!”