Hibru 12:24 - Ika

²⁴ Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Hibru 12:24 ပူးပေါင်းရင်းမြစ်များ

Jẹnẹsisi 4:10

Ya kẹ Osolobuẹ nọ sị a, “Kị wụ ihiẹnni i mẹ? Lee ẹ, ẹdeke nwẹnẹ i rị a gha alị a kwanghọsị m!

Ọpụpụ 24:8

Mozizi nọ nwan weri ẹdeke ahụn, fe ẹ kpu wẹ, sị, “Ọnwan wụ ẹdeke nkwerigbama ahụn hụn Osolobuẹ gi kwọngbama ụnụ lẹ ya, kẹ wẹ dọn detusọnmẹ ẹ ebeni.”

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Lẹvitikọsụ 1:5

Ọ nọ ihun Osolobuẹ gbu agbanaị-efin ahụn; ụmụ Ẹrọnụ ndị ikẹnnyẹ, ndị nchụn-ẹjan, e wẹhẹ ẹdeke anụ hụ d'e feye ukpo nchụn-ẹjan hụ rị ọnụmụzọ Ọdụ-nsọ ụsụọ a ile.

Matiu 23:35

kẹni Osolobuẹ jụ ụnụ ukwere ẹdeke ndị ezi-omumẹ ile wẹ gbu elu-ụwa — gha ẹdeke Ebẹlụ onyẹ ezi-omumẹ d'e ru ẹdeke Zẹkaraya nwa Barakaya, hụn ụnụ gbutọ imẹ Ụlọ-nsọ, ẹgbata Ebe rị nsọ lẹ Ukpo nchụn-ẹjan.

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Makị 14:24

Ọ nọ sị wẹ, “Ọnwan wụ ẹdeke m wẹ gi ufiri ndị bu ọda hupụ; ẹdeke m wẹ gi biye ẹka nkwerigbama Osolobuẹ tumẹ ẹgbata ya lẹ ndị nke ẹ.

Luku 11:51

ghakwọrị ẹdeke Ebẹlụ d'e ru ẹdeke Zẹkaraya wẹ gbutọ Ụlọ-nsọ, ẹgbata Ukpo nchụn-ẹjan lẹ Ebẹhụ rị nsọ. Ẹghẹẹ, m rị a gwa ụnụ, wẹ sikọ d'a jụ agbọnị ukwere wẹ ile!

Luku 22:20

Ẹrịra k'o dọnzikwọ weri mkpu hụ ogẹn wẹ gi rigụ, ye wẹ, sị, “Mkpuni wụ nkwerigbama ọhụn Osolobuẹ; ẹdeke m hụn m rị e gi ufiri ụnụ e ye kẹ wẹ gi biye ẹ ẹka.”

Ndị Galeshịa 3:20

Kanị w'a ra chọ ụkọ ebe onyẹ ohu sụọ nọ e mẹ ihiẹn: Osolobuẹ aghanị ẹka ụkọ kwe Ebraham nkwa ahụn.

Timoti Ibuzọ 2:5

Makẹni, Osolobuẹ ohu sụọ rị; Onyẹ Ewegbamanị wụzị ohu sụọ hụn e wegbama Osolobuẹ lẹ ịhịan. Onyẹni wụ Kraịst Jizọsị hụn wụzịkwọ ịhịan;

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 11:28

Okukwe k'o gi mẹ Mmẹmmẹ-nghafe, wẹ nọ fesọnmẹ ẹdeke ye ọnụmụzọ, hụn mmọn-ozi hụ rị e gbu ụmụ ikẹnnyẹ ibuzọ ndị Ijiptu gilẹni gbu ụmụ ikẹnnyẹ ibuzọ ndị Izrẹlụ.

Hibru 11:4

Okukwe kẹ Ebẹlụ gi chụnyeni Osolobuẹ ẹjan ka nke Keni mma, hụn Osolobuẹ gi kun'ẹ ọhụnma, kpọ a onyẹ ezi-omumẹ, shịan'a ẹri n'o ye ihiẹn rị mma. Okukwe k'o gi mẹni ọ nwụnhụngụ, ọ hụkwọ e ku oku.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 7:22

Ịya kẹ Jizọsị gi nwan wụrụ onyẹ obi gi e ru ẹnyi alị nị nkwerigbama ọhụnnị ka mma.

Hibru 8:13

O gigụọ oku nkwerigbama ọhụnnị kpọ nke ibuzọ ihiẹn-akan — ihiẹn-akan rị a kawaye ẹgẹdi e d'a la.

Hibru 8:6

Kanị nke Jesu ka nke wẹ mma, ebe o mẹ ni ya nwẹn rị a rụn ọrụn idọnzi ẹgbata imẹ nkwerigbama ka nke wẹ mma, nkwerigbama Osolobuẹ kwesọnmẹ nkwa ka mma tumẹ.

Hibru 8:8

Kanị, ọ hụn nsọngbu imẹ ẹ haịn o gi sị, “Di-nwọnni-ẹnyi sị, ‘Lee ẹ, ogẹn lala, hụn m k'e gi tumẹ nkwerigbama ọhụn ẹgbata mmẹ lẹ ndị Izrẹlụ lẹ ndị Juda;

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Hibru 9:19

Makẹni, ogẹn Mozizi gi gwachanrịngụ ndị hụ ihiẹn ile Iwu hụ sị wẹ e mẹ, ọ nọ weri ẹdeke nwa-efin lẹ ewu wẹ gbu lẹ mirin, gi ẹṅẹnrẹn anụ e nwun ufie-ufie lẹ ukun ẹfịfịa w'a kpọ ẹrurushin-hisopu deri ẹdeke lẹ mirin hụ, fekpusọnmẹ kẹ Ẹkụkwọ-Iwu hụ lẹ enwẹn ẹ kẹ ndị Izrẹlụ ile —

Hibru 9:21

Ẹrịra kẹ Mozizi fekpusọnmẹzi Ọdụ-ofufe hụ lẹ ihiẹn ile wẹ gi e fe ofufe.

Pita Ibuzọ 1:2

ndị Chuku Nẹdi họtọ, gi Mmọn-nsọ dọn wẹ nsọ, kẹni wẹ hụn ụzọ humẹni Jizọsị Kraịstị isi, wụrụ ndị wẹ gi ẹdeke ẹ fepụ ẹhụ njọ. Ẹfọma lẹ udọn ya rịnị ụnụ mmagi-mmagi.