Hibru 12:18 - Ika

¹⁸ Makẹni, ebeni ụnụ bịa ẹlẹ Ugu Saịnaị wẹ e mẹtụ ẹka lẹ okẹn ọkụn rị e nwunni lẹ ishi lẹ ebe wẹ nọ a kwan ụya lẹ ebe okẹn ufere rị e fe.

Hibru 12:18 ပူးပေါင်းရင်းမြစ်များ

Ọpụpụ 20:18

Kẹ ndị Izrẹlụ rị a hụn akpara lẹ amụma ahụn, a nụ opi ahụn rị a hannị lẹ ugu hụ rị a lọpụha ẹnwụnrụn, ẹhụ hụ a ma wẹ nni yeni egun. Wẹ nọ be alị tọnị ugu ahụn,

Ọpụpụ 24:17

Ẹnya ndị Izrẹlụ, ọghọ hụn Osolobuẹ gi pụha nọhụ kẹ ọkụn hụn rị a dụnnị enu-ugu ahụn.

Ndị Rom 6:14

Ẹghẹẹ, njọ akịkọ ụnụ, makẹni ụnụ arịzị okpuru iwu, kanị okpuru ẹfọma.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Kọrẹntị Nke Ẹbụọ 3:7

Ofufe mbụ hụ e gbuni, ofufe wẹ deye ọmụma mmaka, e nwọnghọ ọghọ. Omẹni o nwọn ọghọ nke wụ nị ndị Izrẹlụ asanị ẹka ledẹ Mozizi ẹnya ihun makẹni ọghọ a, hụn fapụnị hụn rị Mozizi ẹhụ rị e gbukepụ,

Ndị Kọrẹntị Nke Ẹbụọ 3:9

Omẹni ofufe hụ wẹ gi a ma ịhịan ikpe e nwọnghọ ọghọ, ya wụ nị ofufe hụnnị wẹ gi a kpọ ịhịan onyẹ ezi-omumẹ k'a ka a ọghọ e nwọn, ka a ọhụnma-ọhụnma!

Ditrọnọmi 4:11

Ụnụ nọ nọzụnhan, wuzo ukun ugu ahụn — ugu ahụn hụ e nwun ọkụn hụn rudẹ igwere, orukpu ogi lẹ ẹkpa-ishi e jun ẹ.

Ditrọnọmi 5:5

(Mmẹ wuzo ẹgbata ụnụ lẹ Osolobuẹ ogẹn ahụn, a gwa ụnụ ihiẹn Osolobuẹ ku, makẹni egun ọkụn hụ rị a tụ ụnụ, ụnụ nọlẹni jẹn elu-ugu ahụn.) Ihiẹn Osolobuẹ ku wụ:

Timoti Nke Ẹbụọ 1:7

Makẹni, Osolobuẹ eyeni ẹnyi mmọn egun, kama, mmọn ikẹn lẹ ihiẹn-ọsụsụọ lẹ ikwọndọn-enwẹn ịhịan k'o ye ẹnyi.