Hibru 12:16 - Ika

¹⁶ Hụnzịkwọ n'a n'o nwọnni onyẹ rị a ghẹrẹni, mọbụ onyẹ nọkẹ Isọ nwọnlẹni ihiẹn ọ kpọ ihiẹn rị nsọ, nwa-ibuzọ gi afẹrẹ ihiẹn-oriri ohu ghatarị ukuu nwa-ibuzọ hụn te k'e ru ẹ ẹka.

Hibru 12:16 ပူးပေါင်းရင်းမြစ်များ

Jẹnẹsisi 27:36

Ya Isọ nọ sị, “Ẹlẹ ya haịn wẹ gi gụn a Jekọpụ? Hụnnị mẹpụ mgbe ẹbụọ o gi aghịghọ napụ m ihiẹn wụ nke m: ọ napụgụ m ọkwa nwa-ibuzọ, hụn wụ nke m, ọ napụzị m nwan ngọzi m!” Ya Isọ nọ sị nẹdi ẹ, “Onwọnni nwan ngọzi i latọnị m?”

Makị 7:21

Makẹni, imẹ ịhịan, imẹ obi ịhịan, kẹ eje-iroro lẹ ughẹrẹ gha a pụha, lẹ Izun-ohin, igbu-ọchụn,

Ọrụn Ndị-ozi 15:20

Kama, ẹnyi k'e dejẹnni wẹ ẹkụkwọ, sị wẹ hụ erilẹ ihiẹn ọwụlẹ wẹ gi rụa mmọn, makẹni ọ rụ arụ; w'a ghẹrẹlẹ; w'e rilẹ anụ ọwụlẹ wẹ rụkwọn olu; w'e rilẹ ẹdeke.

Ọrụn Ndị-ozi 15:29

erilẹ ni ihiẹn-oriri wẹ gi rụa mmọn lẹzi ẹdeke lẹzi anụ wẹ rụkwọn olu; aghẹrẹlẹ ni. Ụnụ la ihiẹn ndịnị wẹ tọ, o k'a rịnị ụnụ mma. Nọdị nị ọhụnma.”

Ndị Kọrẹntị Ibuzọ 10:8

Ẹnyi aghẹrẹkọkwọ nị kẹ ụfọdụ imẹ wẹ dọn mẹ, hụn madụ nnụ-uku ẹtọ-kwasị-ọgụn (23,000) gi nwụnhụn akpọhịn ohu;

Ndị Kọrẹntị Nke Ẹbụọ 12:21

Egun rị a tụ m, nị, ikẹnkwọ Osolobuẹ m e welụa m alị imẹ igunrun ụnụ, m bịazị; ikẹnkwọ a kwanma m ẹkwan makẹ ndị bu ọda mẹ njọ mbụ hụn kelẹni rogharị ihiẹn ru unyin lẹ ughẹrẹ lẹ ihiẹn-ifẹnrẹn ile wẹ mẹsọnmẹ.

Ndị Ẹfẹsọsụ 5:3

Nọkẹ ndị nke Osolobuẹ, anịkwọlẹ ni wẹ nụdẹ oku ughẹrẹ mọbụ ihiẹn ọwụlẹ ru unyin mọbụ ẹnya-uku imẹ igunrun ụnụ,

Ndị Ẹfẹsọsụ 5:5

Marịnkwọ nị nị onwọnni onyẹ ughẹrẹ mọbụ onyẹ e bi obibi ru unyin mọbụ ẹnya-uku (hụn wụzị ịrụa-mmọn) jẹnkọ d'a ban Alị-eze Kraịstị lẹ Osolobuẹ!

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Timoti Ibuzọ 1:9

marịn nị ẹlẹ ndị ezi-omumẹ kẹ wẹ tini iwu, kanị ndị-ejẹ lẹ ndị nnupụ-isi; ndị nwọnlẹni ihiẹn wẹ kpọ Osolobuẹ lẹ ndị e mẹ njọ; ndị e lelịa ihiẹn rị nsọ lẹ ndị ghalẹni e ro nke Osolobuẹ; ndị e gbu nẹdi wẹ mọbụ nnẹ wẹ ili lẹ ndị izighẹ;

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.