Hibru 12:13 - Ika

¹³ Gha nị nwan ụzọ rị mma, kẹni ụkụ rịlẹni ikẹn hụn ụzọ dịnhịn, amamgbe ọ kwapụ.

Hibru 12:13 ပူးပေါင်းရင်းမြစ်များ

Azaya 35:3

Mẹ ni nwan ẹka kẹnrẹnlẹni kẹnrẹn, ụnụ e mẹ mkpụkụ zelẹni ze.

Azaya 35:6

Ndị ngụrọ k'a tụshimẹ elu kẹ ele; ndị odin k'e yimẹdẹ oro ịghọghọ! Isi-mirin k'e jun imẹ alị ọkpọ-nkụn mirin rịlẹni, iyi a rịsọnmẹ ẹ!

Azaya 42:16

M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.

Azaya 58:12

Ndị nke i k'a rụndọnzi ihiẹn ndị wiwi ẹdẹi, tụnsọnmẹ ụlọ ye iyetọ mbụ-mbụ. Wẹ k'a gha a kpọ ị “Onyẹ e dọnzi mgbọn; onyẹ a tụnkinsọnmẹ ụlọ idumu.”

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Luku 3:5

Wẹ jẹnkọ d'e hukin ọdanmgbugbu ile, gukpọchanrịn ugu lẹ òke ile; wẹ jẹnkọ d'e mẹ ụzọ ngịrịgọ ile zinrin, mẹ ụzọ mkpọke ile riẹn,

Ndị Galeshịa 2:14

Ogẹn m gi hụn a nị ihiẹn wẹ rị e mẹ lẹ ezioku rị oziọma a dangbamanị, m nọ nọ idẹnya wẹ ile sị Pita, “Onyẹ Ju k'ị wụ, kanị ị rị e bi kẹ ndị wụlẹni ndị Ju, y'a rị e bi kẹ ndị Ju. Kị ị rị nwan a gwanị ndị wụlẹni ndị Ju nị wẹ k'e birịrị kẹ ndị Ju?”

Ndị Galeshịa 6:1

Umunẹ m, omẹni o nwọn onyẹ mẹ njọ, ụnụ ndị Mmọn-nsọ rị a kị, gi ni nwayọ wekinhẹn ẹ. Ka kpachanpụ nị ẹnya amamgbe ọnwụnwan a bịanị ụnụ nwẹn.

Jemisi 5:16

A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.