Hibru 11:6 - Ika

⁶ bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Hibru 11:6 ပူးပေါင်းရင်းမြစ်များ

Jẹnẹsisi 15:1

Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Jobu 21:14

Bụ wẹ hụ a sị Chuku, ‘Ha ẹnyi ye!’ ‘Onwọnni ihiẹn ẹnyi gi ịmarịnn'ị e mẹ!’

Ẹbụ-ọma 106:24

Wẹ nọzị legberi alị ọma hụ Osolobuẹ wejẹnkọ wẹ, egini wẹ nkwa a dọn.

Ẹbụ-ọma 119:10

Obi m ile kẹ m gi e fe i, dodo, anịkwọlẹ m latọ ihiẹn ndị ị sị ẹnyi e mẹ.

Ẹbụ-ọma 58:11

Onyẹ ọwụlẹ k'a sị, “Ezioku, onyẹ ezi-omumẹ nwọn ụgwọ-ọrụn; Chuku hụn a han ezigbo eṅẹn elu-ụwa rị arị.”

Ẹbụ-ọma 73:28

O mẹ nke m, ọ rịka mma nị m nọkunmẹ Chuku; e gbọnni m'i, Osolobuẹ wụ Chuku; m k'e kusọnmẹ ihiẹn ile ị rụn!

Ẹbụ-ọma 78:22

Makẹni egini wẹ Chuku dọn ẹnya; ekwerini wẹ n'ọ saẹka zụọpụha.

Ẹbụ-ọma 78:32

Ọsụọn'a nị ihiẹn ndịnị ile mẹ, wẹ hụkwọ e mẹ njọ, egini wẹ ọrụn atụmẹnya a kweyen'ẹ.

Itẹn 11:18

Ụgwọ-ọrụn a la iwi kẹ eje-ịhịan e nwọnhẹn, kanị ezigbo ụgwọ-ọrụn kẹ onyẹ a kụnye ezi-omumẹ a ghọrị.

Itẹn 8:17

Ndị ihiẹn m a sụọ, ihiẹn wẹ a sụọ m asụọ; ndị hụn a chọshi m ikẹn a hụn m a hụn.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 7:9

Ikẹn ndị Ifrem wụhụ Sameria isi-alị wẹ, ikẹn Sameria nkẹ wụhụ nwa Rẹmalịa eze wẹ. Omẹni ụnụ egini okukwe turu, ụnụ asakọ ẹka turu.’ ”

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Ọgụngụn 14:11

Osolobuẹ nọ sị Mozizi, “Elee mgbe kẹ ndịnị e legberibehi m? Elee mgbe kẹ wẹ k'e gimẹ oku m dọn — onwọnni ihiẹn wẹ kpọ ọrụn atụmẹnya ile m rụnghọsị wẹ imẹ igunrun wẹ?

Ọgụngụn 20:12

Kanị Osolobuẹ nọ sị Mozizi lẹ Ẹrọnụ, “Makẹni ụnụ egini m dọn ẹnya gi ufiri ẹ ye m ọghọ idẹnya ndị Izrẹlụ nọkẹ onyẹ rị nsọ, ụnụ ewebankọ ndịnị alị hụ m ye wẹ.”

Matiu 11:26

Ẹghẹẹ Baba, ẹnịna k'ọ sụọ ị.

Matiu 5:12

Ghọghọ nị; ẹfọ ya sụọ ụnụ ụsụọ — makẹni ụgwọ-ọrụn ụnụ hi-ogbe imẹ elu-igwee! Ẹrịra kẹ wẹ kpokpozi ndị-amụma buni ụnụ ụzọ.

Matiu 6:16

“Ụnụ gha e bu ọnụ, erọnmẹlẹ ni ihun kẹ ndị ihunnaị. W'e rọnmẹ ihun, kẹni ịhịan ile hụn nị wẹ rị e bu ọnụ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 6:33

ka chụmagụ nị Alị-eze Osolobuẹ lẹ ihiẹn Osolobuẹ chọ, o sikọ d'e yezi ụnụ ihiẹn ndịnị ile.

Matiu 6:5

“Ụnụ ghazịkwọ e mẹ ekpere, emẹlẹ ni kẹ ndị-ihunnaị. Makẹni, ọ sụọ wẹ nị w'e turu imẹ ụlọ-ofufe lẹ ọkpụzọ e mẹ ekpere, kẹni ịhịan hụn wẹ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Makị 16:17

Ahịma ndịnị k'e sọn ndị kwerini: wẹ k'e gi ẹfan m chụpụ eje-mmọn; wẹ k'a sụ asụsụ ndị ọzọ;

Luku 12:31

Kama, chụmagụ ni Alị-eze ẹ, o sikọ d'e yezikwọ ụnụ ihiẹn ndịnị wẹ.

Luku 6:35

Mba! Enwọn ni ihiẹn-ọsụsụọ ndị iṅẹnrẹn ụnụ, e mẹni ni wẹ ọhụnma. E zinye ni ịhịan, atụlẹ ni ẹnya ihiẹn ọwụlẹ, ụgwọ-ọrụn ụnụ jẹnkọ d'e hi-ogbe, ụnụ a wụrụ ezigbo ụmụ Onyẹ Hụ Kachanrịnnị. Makẹni, o mẹ ni ndị ọhụnma-ogodan lẹ ndị-njọ ẹfọma.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 8:24

Ya haịn m gi gwa ụnụ nị ụnụ sikọ d'a nwụntọ imẹ njọ ụnụ. Ụnụ jẹnkọ d'a nwụntọ imẹ njọ ụnụ mmanị ụnụ kweri nị m wụ Onyẹ M Wụ.”

Ndị Rom 10:14

Kanị, nanị w'a dọn kpọku onyẹ wẹ kelẹni kwerini? Nanị w'e dọn kwerini onyẹ wẹ kelẹni nụ ukwere ẹ? Nanị w'a dọn nụ omẹni e kuni wẹ oku ẹ?

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Hibru 11:26

Ọ sị enwẹn ẹ nị mkpari lẹ nlegberi o k'a narịn makẹ Kraịstị wụ ezigbo akụ-lẹ-ụba hụn ka akụ-lẹ-ụba alị Ijiptu, makẹni o bu ẹnya zinmẹ ụgwọ-ọrụn lalanị.

Hibru 3:12

Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Hibru 4:2

Makẹni, oziọma wẹ nụ kẹ ẹnyi nwẹn nụ, kanị ozi wẹ nụ abannịnị wẹ erere, makẹni wẹ nwẹn egini okukwe nabanhan a.

Hibru 4:6

Ebe o mẹ ni oghere ịhịan e gi banye d'e zu ikẹn hụ hụzị a, bụ ndị hụ bu ụzọ nụ oziọma abanyeni makẹni wẹ nupụ isi,

Hibru 7:19

(makẹni Iwu mbụ enwọn ihiẹn o dọnzi ru alị); Osolobuẹ e webanhangụọ nwan olilẹnya ka mma ẹnyi e gi s'ẹka nọkunmẹ Osolobuẹ.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Pita Nke Ẹbụọ 1:10

Umunẹ m, lịlịma nị nwan kẹni ụnụ wụsọnmẹ ndị Osolobuẹ kpọ lẹ ndị ọ họrị d'e ru isi ẹ. Makẹni, ụnụ gha e mẹ ẹrịra onwọnni ogẹn ụnụ e gi dan!

Pita Nke Ẹbụọ 1:5

Ufiri ẹ, lịlịma nị nwan ụzọ ile nị ụnụ we ịrị-mma cheni okukwe ụnụ; ụnụ e we ịmarịn-ihiẹn cheni ịrị-mma ụnụ.

Pita Nke Ẹbụọ 3:14

Ezi umunẹ m, ebe o mẹni ụnụ rị a tụ ẹnya ihiẹn ndịnị, lịlịma nị nwan nị ụnụ wụrụ ndị nwọnlẹni nkọrịanị mọbụ ebe wẹ nọ rụ ẹnya a, ndị ẹgbata ya lẹ wẹ rị mma.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rutu 2:12

Osolobuẹ ya kụ ị ụgwọ ihiẹn-ọmanị ile i mẹ; ẹghẹẹ, Osolobuẹ wụ Chuku ndị Izrẹlụ, hụn i gbabanhan okpuru nku ẹ, ya kụ ị ụgwọ zu òke.”