Hibru 11:36 - Ika

³⁶ O nwọnzighọ ndị wẹ gi gu egu, gbu wẹ mkpịnsịn, kẹndẹ ụfọdụ ẹgbụn, tụ wẹ ngan;

Hibru 11:36 ပူးပေါင်းရင်းမြစ်များ

Jẹnẹsisi 39:20

Ọ nọ weri Josẹfụ, kpọkin ẹ ye imẹ ụlọ-ngan, ebe eze wụ Fẹro a kpọkin ịhịan e ye; Josẹfụ nọ nọdị imẹ ụlọ-ngan ebahụn.

Ndị-nze Nke Ibuzọ 22:24

Ya Zẹdikaya nwa Kenaana nọ jẹnburu Maịkaya, ma a ọra, sị a, “Elee ụzọ kẹ mmọn Osolobuẹ ahụn gha hụn o gi gharị m d'a gwa ị oku?”

Ndị-nze Nke Ibuzọ 22:27

Sị nị wẹ, ‘Lee ihiẹn eze ku: ọ sị, “Bu ni onyẹni che ụlọ-ngan; eyelẹ n'ẹ ihiẹn-oriri ọzọ karị brẹdi lẹ mirin d'e runi a lụaha m udọn-lẹ-ndọnkwa.” ’ ”

Ndị-nze Nke Ẹbụọ 2:23

Ẹlaịsha nọ gha Jẹriko shi Bẹtẹlụ. Ebe ọ ghakọ ụzọ, ikorọbịa nọ gha imẹ obodo pụha, mụma a ẹmụ, a sị, “Isi-akpan, e jẹn! Isi-akpan, e jẹn!”

Ihiẹn Mẹni Nke Ẹbụọ 16:10

Asa nọ gi olulu sọn onyẹ hụ a hụn ọhụn makẹ ihiẹnni o ku, bud'ẹ che ụlọ-ngan. O nwọnzighọ ndị Juda Asa gi ẹka-ikẹn mẹ ihiẹn ogẹn ahụn.

Ihiẹn Mẹni Nke Ẹbụọ 18:26

sị nị wẹ, ‘Eze sị, “Bu ni onyẹni che ụlọ-ngan; eyelẹ n'ẹ ihiẹn-oriri ọzọ karị brẹdi lẹ mirin d'e ru mgbe m lụaha udọn-lẹ-ndọnkwa.” ’ ”

Ihiẹn Mẹni Nke Ẹbụọ 30:10

Ndị ozi hụ ghasọnmẹ obodo ndị rị imẹ alị Ifrem lẹ Manasẹ rudẹ alị Zẹbulọnụ, kanị wẹ hụ a mụgbu wẹ ẹmụ, e gi wẹ e mẹ ihiẹn ẹmụ.

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Jerimaya 20:2

Ọ nọ nwụnrụn Jerimaya, sị wẹ fịan a mkpịnsịn, kpọ a ụkụ lẹ ẹka ye aba, Ọnụ-mgbọn ụlọ-nsọ Osolobuẹ, Ọnụ-mgbọn Bẹnjamini hụn rị mkpọnyin.

Jerimaya 20:7

Jerimaya nọ sị, “Euu Osolobuẹ, y'e dufie m, m nọ kweyeni i; y'a karị m ẹka, nke i nọ bụn. Ẹmụ-ẹmụ kẹ w'a mụ m nwan uhinhin lẹ efinaị! Ịhịan ile hụ a mụ m ẹmụ!

Jerimaya 29:26

‘Zẹfanaya, ịyụ wụ onyẹ nchụn-ẹjan hụn Osolobuẹ tumẹ onyẹ nlepụ-ẹnya ụlọ Osolobuẹ, gi i nọkin ẹnya onyẹ nchụn-ẹjan wụ Jehoyada; o furu nwan n'i gi aba lẹ igwe wẹ gi a kpọma ịhịan kpọma onyẹ-ẹra ọwụlẹ kpọ enwẹn ẹ onyẹ-amụma.

Jerimaya 32:8

Ya nwa nwẹnẹ nẹdi m wụ Hanamẹlụ nọ chọha m imẹ ezi-ọgwa ụlọ ndị-nche ebahụn kẹ Osolobuẹ dọnhụ gwa m. Hanamẹlụ nọ sị m, “Dodo, ṅọnnarịn m alị m hụn rị Anatọtụ rị ẹgbẹrẹ Bẹnjamini, nị ịyụ k'o ru kẹn'ọ rịsọnmẹ ebọn ẹnyi. Ṅọnrin ẹ nwan.” Ya m nọ marịn nị Osolobuẹ gwa m oku hụ.

Jerimaya 36:6

Ụhụọhịn wẹ sikọ d'e zu imẹ Ụlọ-nsọ d'e bu ọnụ, y'e jẹn ebẹhụ d'a gụnnị wẹ ihiẹn Osolobuẹ ku, hụn m gwa ị, hụn i de ye imẹ ẹkụkwọnị. Gụn a kẹni ndị Juda ile ghasọnmẹ obodo wẹ rị ichẹn-ichẹn bịa nụ a.

Jerimaya 38:28

Jerimaya nọ nọdị ezi-ọgwa ndị-nche ebẹhụ — d'e ru ụhụọhịn ndị Babilọnụ weri Jerusalẹm.

Jerimaya 39:15

Ogẹn hụ wẹ gi kpọkin Jerimaya ye imẹ ezi-ọgwa ndị-nche, Osolobuẹ sị a,

Daniẹlụ 11:33

“Ndị marịn ihiẹn jẹnkọ d'e dumẹ ndị bu ọda, a kuzi wẹ, kanị wẹ k'e gi ọpịa-agha lẹ ọkụn gbu ndị ahụn marịn ihiẹn ẹkẹrẹ ogẹn, a nwụnrụn wẹ, a kwarị ihiẹn wẹ.

Matiu 20:19

bu ẹ che ẹka itumunyẹ nị wẹ gi ẹ gu egu, fịan a mkpịnsịn, kpọma a elu obe o we nwụn; kanị hụn m'ẹ akpọhịn ẹtọ, Osolobuẹ jẹnkọ d'e weli ẹ.”

Matiu 21:35

Ndị hụ ugbo hụ rị ẹka nọ kwọndọn idibo ẹ, gbu onyẹ ohu ili, gbu onyẹ ohu ozun, ma onyẹ ohu ọmụma.

Matiu 23:34

“M jẹnkọ nwan d'e zihẹni ụnụ ndị amụma lẹ ndị marịn ihiẹn lẹ ndị marịn Iwu Mozizi ọhụnma. Ụnụ jẹnkọ d'e gbu ụfọdụ, kpọma ụfọdụ ye osisi gbu, fịan ụfọdụ mkpịnsịn imẹ ụlọ-ofufe ụnụ; ụnụ sikọ d'a gha a chụ wẹ gha obodo pụ obodo,

Matiu 27:26

Ya ọ nọ hapụnị wẹ Barabasị; ọ fịangụ Jizọsị mkpịnsịn, ọ nọ w'ẹ ye wẹ kpọgbu.

Makị 10:34

Wẹ jẹnkọ d'a mụ a ẹmụ, jụ a ẹsọn, fịan a mkpịnsịn, gbu ẹ; kanị hụn m'ẹ akpọhịn ẹtọ, o k'e lihi.”

Luku 18:32

“Wẹ sikọ d'e bu ẹ che ẹka ndị alị ọzọ; e gi w'ẹ gu egu, kpari ẹ, jụ a ẹsọn.

Luku 23:11

Hẹrọdụ lẹ ndị-agha a nọzị gi Jesu gu egu, mụ a ẹmụ. Ya Hẹrọdụ nọ yimẹ ẹ ẹkwa ma mma, zikinni Paịleti ya.

Luku 23:36

Ndị-agha a mụzịghọ a ẹmụ: A bịa wẹ d'e kunrun ẹ, ye ẹ manya rụ-ụka,

Ọrụn Ndị-ozi 21:33

Onyẹ-isi agha kanị nọ jẹnburu Pọlụ, nwụnrụn a. Ọ nọ sị wẹ kpọma a ẹgan ẹbụọ; ya ọ nọ sị wẹ, “Onyẹ wụ okẹnnyẹni? K'o mẹ?”

Ọrụn Ndị-ozi 24:27

Ahụa ẹbụọ a ghafegụ, Pọshiọsụ wụ Fẹstọsụ nọ họnrin Gọvanọ, nọkin ẹnya Fẹlisi. Fẹlisi rị a chọ n'ọ channị ndị Ju ẹnya, ọ nọ la Pọlụ tọ imẹ ngan.

Ọrụn Ndị-ozi 4:3

Wẹ nọ nwụnrụn Pita lẹ Jọnụ butọgụ ụlọ-ngan d'e ru mgbe eki fọn, makẹni eki e gigụọ.

Ọrụn Ndị-ozi 5:18

wẹ nọ nwụnrụn ndị-ozi ahụn pụ-ichẹn tụye imẹ ngan ịhịan ile.

Ọrụn Ndị-ozi 5:40

A kpọbanhan wẹ ndị-ozi ahụn pụ-ichẹn, fịan wẹ mkpịnsịn, gba wẹ mkpịnsịn-ẹka ẹnya, sị wẹ ekuzilẹ ihiẹn wẹ rị e gi ẹfan Jesu e ku; ya wẹ nọ hatu wẹ.

Ọrụn Ndị-ozi 8:3

Kanị Sọlụ nkẹ hụ a lụ nọ kụsị ụka Jesu, a gha ụlọ-ụlọ a dọkpụnpụha ikẹnnyẹ lẹ ikpoho kweri ni Jesu, e bu wẹ e che ụlọ-ngan.

Ndị Ẹfẹsọsụ 3:1

Oziọma Kraịstị wụ Jizọsịnị m rị e zi ụnụ ndị wụlẹni ndị Ju kẹ mmẹ wụ Pọlụ gi nwan rị imẹ ngan.

Ndị Ẹfẹsọsụ 4:1

Mmẹ hụn wụ onyẹ-ngan makẹni m rị e jẹnni Di-nwọnni-ẹnyi ozi rị nwan a rịọ ụnụ nị ụnụ bi obibi furu ọkpụkpọ Osolobuẹ kpọ ụnụ.

Timoti Nke Ẹbụọ 1:16

Osolobuẹ ya mẹni ezi-lẹ-ụlọ Onẹsiforọsụ omikẹn, makẹni Onẹsiforọsụ a gbaka m umẹ! Ifẹnrẹn ẹgan m e mẹdẹn'ẹ.

Timoti Nke Ẹbụọ 2:9

hụn m gi ufiri ẹ a ta afụnfụn d'e ru nwan ebe wẹ nọ kpọma m ẹgan nọkẹ eje-ịhịan, kanị oku Osolobuẹ arị ẹgan.

Hibru 10:34

Ẹghẹẹ, ụnụ a chọ ihiẹn ụnụ e mẹni ndị rị ngan ogẹn hụ; kẹ wẹ napụ ụnụ ihiẹn ụnụ, ụnụ gidẹ ịghọghọ din ẹ, makẹni ụnụ a marịnghọ nị ụnụ lẹ enwẹn ụnụ nwọn hụn ka mma lẹ hụn k'a rị jẹnrin ejẹn.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Ndị Han Eṅẹn 16:25

Ebe manya rị a tụ wẹ, wẹ nọ yi, “Wepụhanị nị ẹnyi Samsịn nị ẹnyi gi ẹ mụ ẹmụ.” Ya wẹ nọ kpọpụha Samsịn ụlọ-ngan, wẹ nọ gi ẹ mụ ẹmụ. E mẹ wẹ ẹ wuzo ẹgbata adansụn gi ụlọ-mmọn hụ.