Hibru 11:32 - Ika

³² Kị m'e kuzi nwan? Ọ kẹrẹkọnị m ku oku Gidiọnụ lẹ Barakị lẹ Samsịn lẹ Jẹfta, Defidi lẹ Samuẹlụ lẹ ndị-amụma mbụ-mbụ:

Hibru 11:32 ပူးပေါင်းရင်းမြစ်များ

Ẹbụ-ọma 99:6

Mozizi lẹ Ẹrọnụ rị ndị nchụn-ẹjan a ogẹn mbụ; Samuẹlụ rịzịkwọ ndị kpọku ẹfan a mbụ. A kpọkughọ w'a, ọ za wẹ.

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Matiu 5:12

Ghọghọ nị; ẹfọ ya sụọ ụnụ ụsụọ — makẹni ụgwọ-ọrụn ụnụ hi-ogbe imẹ elu-igwee! Ẹrịra kẹ wẹ kpokpozi ndị-amụma buni ụnụ ụzọ.

Luku 13:28

Ịkwan-ẹkwan lẹ ịta nkwẹnrẹn-eze jẹnkọ d'a rị ogẹn ụnụ e gi hụn Ebraham lẹ Aziki lẹ Jekọpụ lẹ ndị-amụma ile imẹ Alị-eze Osolobuẹ, kanị a tụ wẹ ụnụ lẹ enwẹn ụnụ ye ezi!”

Luku 16:31

Kanị, Ebraham nọ sị a, ‘Omẹni egọnni wẹ ntịn Iwu Mozizi lẹ ihiẹn ndị-amụma de, ekwerikọ wẹ — ọsụọkwọn'a nị ịhịan gha ọnwụn lihi d'a gwa wẹ.’ ”

Jọnụ 21:25

O nwọnzighọ ihiẹn bu ọda Jesu mẹ. Omẹni wẹ dechanrịn wẹ ile ohu-ohu, e roghọ m'a nị ụwa ile erugụkọ ẹkụkwọ wẹ sikọ d'e gi de wẹ.

Ọrụn Ndị-ozi 10:43

Ndị-amụma ile shịan'a ẹri nị onyẹ ọwụlẹ kwerinin'ẹ gi ẹfan a e nwọnrin mgbagharị njọ.”

Ọrụn Ndị-ozi 13:20

Ihiẹn nọkẹ ọrọgbọ ahụa iri-kwasị-ọgụnnaị kwasị nnụ (450) kẹ ihiẹn ndịnị gi mẹ. Omẹgụ, Osolobuẹ nọ yesọnmẹ wẹ ndị ahụn hannị wẹ eṅẹn d'e ru ogẹn Samuẹlụ onyẹ-amụma.

Ọrụn Ndị-ozi 3:24

“Ndị-amụma ndị ọzọ ile zi ozi e kuzighọ oku ihiẹn ndịnị rị e mẹ ogẹnni, ghakwọrị Samuẹlụ d'e ru ndị amụma ndị ọzọ ile.

Ndị Rom 3:5

O mẹ nwan nị eje-omumẹ ẹnyi e mẹ wẹ a hụnchanrịn ezi-omumẹ Osolobuẹ, kị ẹnyi e ku nwan? Nị ẹnyi sị nwan nị Osolobuẹ mẹ njọ ebe ọ nọ ye ẹnyi afụnfụn? (M rị e ku ẹ kẹ ịhịan).

Ndị Rom 4:1

Kị ẹnyi k'a sị nwan nị ya kẹ Ebraham nẹdi ẹnyi elu-ụwanị hụn?

Ndị Rom 6:1

Kị ẹnyi k'e ku nwan? Nị ẹnyi mẹsọnmẹ nwan njọ kẹni ẹfọma hụn ụzọ barapụ?

Ndị Rom 7:7

Kị ẹnyi e kuzi nwan? Nị ẹnyi sị nwan nị Iwu Mozizi e buhẹ njọ? Mba nụ! Makẹni, omẹni ẹlẹ Iwu, m'e ke marịn ihiẹn njọ wụ. Omẹni Iwu asịnị, “Anịlẹ ihiẹn la ị ẹnya,” m'e ke marịn ihiẹn ọ wụ nị ihiẹn a la ịhịan ẹnya.

Jemisi 5:10

Umunẹ m, leri ni okẹn-ndidin ndị-amụma mbụ gi ẹfan Di-nwọnni-ẹnyi ku oku gi sọn afụnfụn wẹ ta.

Pita Nke Ẹbụọ 1:21

makẹni, onwọnni ihiẹn rị imẹ Ẹkụkwọ-nsọ gha uche ịhịan pụha. Kama, Mmọn-nsọ nu ndị kuni, wẹ nọ ku ihiẹn gha ebe Osolobuẹ rị bịa.

Pita Nke Ẹbụọ 3:2

sị ụnụ nyanhankwọ oku ndị-amụma nsọ Osolobuẹ ku ogẹn mbụ lẹ iwu Di-nwọnni-ẹnyi wụ Onyẹ-nzụọpụha ẹnyi ye ghahanị ndị-ozi pụ-ichẹn o zihẹni ụnụ.

Ndị Han Eṅẹn 13:24

Nwunyẹ Manụa nọ mụ okẹnnyẹ, gụn a Samsịn. Nwata hụ e suepụha, Osolobuẹ nọ gọzi ẹ,

Ndị Han Eṅẹn 15:20

Samsịn du Izrẹlụ ọrọgbọ ahụa ọgụn ogẹn ahụn ndị Filistia gi rị a kị wẹ.

Ndị Han Eṅẹn 4:1

Ogẹn Ehudu gi nwụnhụngụ, ndị Izrẹlụ nọ mẹzi ihiẹn rịlẹni mma ẹnya Osolobuẹ.

Ndị Han Eṅẹn 6:1

O mẹgụ, ndị Izrẹlụ nọzị mẹ ihiẹn rịlẹni mma ẹnya Osolobuẹ, ọ nọ we wẹ ye ndị Midianị, wẹ nọ mẹshi Izrẹlụ ikẹn ọrọgbọ ahụa ẹsa.

Ndị Han Eṅẹn 6:11

Ya mmọn-ozi Osolobuẹ nọ bịa, nọdị alị ukun osisi okuu hụ rị Ọfra hụn wụ nke Jụashị onyẹ Abiẹza, ebe nwa Jụashị wụ Gidiọnụ warị ebe wẹ a nọ a pịnpụha manya vaịnị a kụkpọ ọka-witi, makẹ ndị Midianị gha a hụn ọka hụ.

Ndị Han Eṅẹn 6:14

Ya Osolobuẹ nọ bu ihun zinmẹ ẹ, sị a, “Gi ikẹn hụn i nwọn jẹn d'a zụọpụha ndị Izrẹlụ ẹka ndị Midianị; mmẹ rị nwan e zi i — ẹlẹ ya?”

Samuẹlụ Nke Ibuzọ 1:20

O mẹgụ, Hana nọ tụrụ imẹ, mụ okẹnnyẹ. Ọ nọ gụn a “Samuẹlụ”, sị, “M rịọnarịn Osolobuẹ ya.”

Samuẹlụ Nke Ibuzọ 12:11

Osolobuẹ nọ zihẹ Jeru-Baalụ wụ Gidiọnụ; o zihẹzi Barakị; o zihẹ Jẹfta, o zihẹzi nwan Samuẹlụ: o zihẹ wẹ ile d'a gbapụha ụnụ ẹka ndị-iṅẹnrẹn ụnụ azụụn ile, ẹhụ nọ fu ụnụ.

Samuẹlụ Nke Ibuzọ 16:1

Omẹgụ, Osolobuẹ nọ sị Samuẹlụ, “Elee ogẹn kẹ y'e gi kwanbehini Sọlụ ẹkwan, ebe omẹni a jụgụọ m'a nị ẹlẹzi eze Izrẹlụ, gba nwan udẹn-ntumẹ jun mpịn i gi a gbaye udẹn, n'ị ban ụzọ; m zikọ ị d'e kunrun Jese onyẹ obodo Bẹt'lẹhẹm. A họrịgụọ m onyẹ ohu imẹ ụmụ a ikẹnnyẹ n'ọ wụrụnị m eze.”

Samuẹlụ Nke Ibuzọ 16:13

Ya kẹ Samuẹlụ nọ weri mpịn hụ udẹn rị, nọ idẹnya umunẹ ẹ ebẹhụ hu ẹ kpu ẹ. Gha ụhụọhịn ahụn jẹnmẹ Mmọn Osolobuẹ nọ numẹ Defidi. Samuẹlụ e mẹmẹgụ, ọ nọ lakin Rama.

Samuẹlụ Nke Ibuzọ 17:45

Defidi nọ sị a, “Ọpịa-agha lẹ obo lẹ obo ọnụ-suẹn-suẹn-suẹn k'i bula d'a lụsọn m ọgụn, kanị ihiẹn mmẹ gi bịa d'a lụsọn i ọgụn wụ ẹfan Osolobuẹ ihiẹn ile rị okpuru ẹ, Chuku ndị-agha Izrẹlụ, hụn ị rị a kpọ mgba a kpari!!

Samuẹlụ Nke Ibuzọ 2:11

Ya kẹ Ẹl'kana lẹ Hana nọ lakin Rama. Nwata hụ nọ nọdị ebẹhụ rụnmanị Osolobuẹ ọrụn okpuru onyẹ nchụn-ẹjan wụ Ẹlaị.

Samuẹlụ Nke Ibuzọ 2:18

Kanị Samuẹlụ hụ a rụnnị Osolobuẹ ọrụn, nwa-ndu rị e yi ẹwuru ẹfọdụ wẹ gi ẹkwa linẹ kwa hụn ndị nchụn-ẹjan e yi!

Samuẹlụ Nke Ibuzọ 2:4

Ụta ndị wụ odogun-agha a kpagipụgụọ; kanị ndị te zelẹni e kẹnrẹngụọ!