Hibru 11:27 - Ika

²⁷ Okukwe k'o gi gha Ijiptu pụ, o gini egun ihiẹn Fẹro k'e mẹ ẹ nọdị, kama, o dinsọnmẹ ndidin nọkẹ sị ọ rị e legha Onyẹ ahụn wẹ ghalẹni e legha.

Hibru 11:27 ပူးပေါင်းရင်းမြစ်များ

Ẹbụ-ọma 16:8

Ogẹn ile kẹ m gi a nyanhan nị Osolobuẹ nọyeni m anọyeni. Ebe o mẹni ọ hụ m ẹka-nni, onwọnni ogẹn m'e gi mẹhunmẹ!

Ọpụpụ 11:8

Ịhaịmẹ i ndịnị ile jẹnkọ d'a bịa d'e kunrun mmẹ wụ Mozizi, gbu osekpu, sị ‘Jẹnmẹ nwan, ịyụ lẹ ndị sọnkọn'ị.’ O mẹgụ ẹrịra, a pụ m nwan alịnị.” Ya kẹ Mozizi nọ gi okẹn olulu pụ ebẹhụ eze wụ Fẹro rị.

Ọpụpụ 12:11

Ẹnịna kẹ ụnụ k'a dọn ri ẹ: ụnụ sikọ d'e kẹnmẹgụ ukun, yirigụ akpụkụ, werigụ ọkpọ — ụnụ kebe rimẹ; ụnụ k'e ri ẹ ẹjije-ẹjije. Nghafe Osolobuẹ rọ.

Ọpụpụ 12:50

Ndị Izrẹlụ ile nọ mẹchanrịnhụ kẹ Osolobuẹ dọn gwa Mozizi lẹ Ẹrọnụ.

Ọpụpụ 4:19

Ogẹn ahụn Mozizi gi rị alị Midianị, Osolobuẹ sị a, “Lakin Ijiptu, nị ndị ile te chọ nị wẹ gbu i a nwụnchanrịngụọ.”

Matiu 10:22

Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.

Matiu 24:13

Kanị onyẹ hụn din ndidin ru isi ẹ kẹ nzụọpụha jẹnkọ d'e ru ẹka.

Makị 13:13

Ize ụnụ jẹnkọ d'a ban ịhịan ile makẹ ufiri m. Kanị onyẹ din ndidin d'e ru njẹndemẹ kẹ Osolobuẹ sikọ d'a zụọpụha.

Makị 4:17

kanị, enwọn wẹ nkpọgụn; w'a tọhụ ẹkẹrẹ sụọ. Hụn oku-Chuku gihụ wẹhẹ nsọngbu mọbụ ukpokpo, a danpụ wẹ.

Ọrụn Ndị-ozi 2:25

Defidi e kughọ oku ẹ, sị, ‘M'a hụn Di-nwọnni-ẹnyi ogẹn ile k'ọ nọyeni m; ebe o mẹ ni ọ rị m ẹka-nni, emẹhunmẹkọ m.

Ndị Kọrẹntị Ibuzọ 13:7

Onwọnni ihiẹn a gụ ihiẹn-ọsụsụọ ndụn, ara nwọnbehi okukwe, ara nwọnbehi olilẹnya, ndụn ndidin ara gụ a.

Ndị Kọrẹntị Nke Ẹbụọ 4:18

Ẹghẹẹ, makẹni ẹnyi arị e lee ihiẹn ẹnya e legha, kanị ihiẹn ẹnya ghalẹni e legha; makẹni ihiẹn ẹnya e legha k'a gharị, kanị ihiẹn ẹnya ghalẹni e legha k'a rị jẹnrin ejẹn.

Ndị Kolosị 1:15

Ẹnya hụn Nwa a nị wụ Kraịstị a hụngụọ Osolobuẹ wẹ ghalẹni e legha; Kraịstị wụzịkwọ Nwa-ibuzọ, Onyẹ-isi hụn ihiẹn ile wẹ ke rị okpuru ẹ.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Hibru 10:32

Ka nyanhan nị ọrụrụ-alị hụ ụnụ kweri, ogẹn ụnụ gi leghama ukpẹ; nyanhan nị ọnwụn ụnụ shi lẹ afụnfụn ụnụ dingbu,

Hibru 11:1

Okukwe wụ igi ẹ dọn n'i k'e nwọnhẹn ihiẹn ị rị a tụ ẹnya a; igi ihiẹn dọn, bụ y'a rịnị e legha a.

Hibru 11:13

Ndịnị ile kwọndọn okukwe nwụnhụn bụ enwọnhẹnni wẹ ihiẹn Osolobuẹ kwe nkwa a, kanị, e lechegụọnị wẹ wẹ, nabanhan wẹ, ku ẹ nị wẹ wụ itumunyẹ imẹ ụwanị.

Hibru 6:15

Ebraham nọ din ndidin cheri; o mẹgụ, ọ nọ nwọnhẹn ihiẹn hụ Osolobuẹ kwe ẹ nkwa a.

Jemisi 5:11

Eziẹ, ẹnyi a ja ndị din ndidin mma. Ụnụ a nụghọ kẹ Jobu dọn din ndidin; ụnụ a hụnzịghọ ihiẹn Di-nwọnni-ẹnyi mẹ ikpanzụụn, nị Di-nwọnni-ẹnyi e mẹkẹ ẹfọma lẹ omikẹn.

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,