Hibru 11:26 - Ika

²⁶ Ọ sị enwẹn ẹ nị mkpari lẹ nlegberi o k'a narịn makẹ Kraịstị wụ ezigbo akụ-lẹ-ụba hụn ka akụ-lẹ-ụba alị Ijiptu, makẹni o bu ẹnya zinmẹ ụgwọ-ọrụn lalanị.

Hibru 11:26 ပူးပေါင်းရင်းမြစ်များ

Ẹbụ-ọma 37:16

Ẹkẹrẹ hụn ezigbo ịhịan nwọn ka mma karị okẹn-ihiẹn ndị-njọ nwọn;

Ẹbụ-ọma 69:20

Ụya wẹ rị e ye m e tiwapụgụọ m obi — a kụ m emu. M hụ a tụ ẹnya nị wẹ mẹ omikẹn m, onwọnni onyẹ m hụn; a tụ m ẹnya onyẹ k'a kasị m obi, ahụnnị m.

Ẹbụ-ọma 69:7

Makẹni, oku i haịn wẹ gi a kpari m, ịya haịn m gi nwan rị imẹ okẹn ifẹnrẹn.

Itẹn 11:18

Ụgwọ-ọrụn a la iwi kẹ eje-ịhịan e nwọnhẹn, kanị ezigbo ụgwọ-ọrụn kẹ onyẹ a kụnye ezi-omumẹ a ghọrị.

Itẹn 23:18

makẹni elu k'a rịrịn'ị mma ihun, okpuyekọ ị.

Azaya 51:7

“Gọn ni m ntịn, ụnụ ndị marịn ihiẹn furuni, ụnụ ndị iwu m rị obi: Atụlẹ ni egun nkọrịanị ịhịan mọbụ mama piripiri ni wẹ rị a kpari ụnụ.

Matiu 10:41

Onyẹ nabanhan onyẹ-amụma makẹni ọ wụ onyẹ-amụma jẹnkọ d'e nwọnhẹn ụgwọ-ọrụn onyẹ-amụma; onyẹ nabanhan onyẹ ezi-omumẹ makẹni ọ wụ onyẹ ezi-omumẹ jẹnkọ d'e nwọnhẹn ụgwọ-ọrụn onyẹ ezi-omumẹ.

Matiu 5:12

Ghọghọ nị; ẹfọ ya sụọ ụnụ ụsụọ — makẹni ụgwọ-ọrụn ụnụ hi-ogbe imẹ elu-igwee! Ẹrịra kẹ wẹ kpokpozi ndị-amụma buni ụnụ ụzọ.

Matiu 6:1

“Kpachanpụkwọ nị ẹnya amamgbe ụnụ e mẹmẹ ihiẹn Osolobuẹ kẹni ịhịan hụn ụnụ. Makẹni, ụnụ mẹ ẹ, ụnụ anarịnkọzị ụgwọ-ọrụn ẹka Nẹdi ụnụ hụn rị elu-igwee:

Luku 14:14

“I jẹnkọ d'e nwọnhẹn ngọzi makẹni asa wẹ ẹka kụkin i y'ẹ, Osolobuẹ sikọ d'a kụkin i y'ẹ ụhụọhịn hụ ndị ezi-omumẹ k'a gha ọnwụn lihi.”

Luku 14:33

Ẹrịrazịkwọ, onwọnni onyẹ ọwụlẹ imẹ ụnụ hụn k'a s'ẹka wụ onyẹ nsọnmazụụn m mmanị ọ latọchanrịn ihiẹn ile ọ nwọn!

Ọrụn Ndị-ozi 5:41

Ya kẹ ndị-ozi ahụn pụ-ichẹn nọ gha Ọgwa Ndị-isi Nkịkwama hụ pụha, a ghọghọ nị Osolobuẹ weri wẹ kẹ ndị furuni ebe ọ nọ nị wẹ narịn ifẹnrẹn makẹ Ẹfan Jesu.

Ndị Kọrẹntị Nke Ẹbụọ 12:10

Ọ sụọ m nwan a sụọ nị ndụn arị m, nị w'a kpari m, nị m'a ta afụnfụn, nị w'e kpokpo m lẹ ni ọdakin rị ichẹn-ichẹn a bịanị m, ebe o mẹni ufiri Kraịstị rọ. Makẹni, ogẹn ọwụlẹ ndụn gilẹni rị m ya kẹ m gi e kẹnrẹn.

Ndị Kọrẹntị Nke Ẹbụọ 6:10

ghahanị nị ẹnyi a ghọghọ ogẹn ile ọsụọn'a nị ihiẹn ẹkwan e mẹ ẹnyi ogẹn ile; ghahanị ịrị kẹ ndị igbẹnnyẹ bụ ẹnyi e mẹ ndị bu ọda a wụrụ ịdanfịn; ghahanị ịrị kẹ ndị nwọnlẹni ihiẹn ọwụlẹ bụ ihiẹn ile wụ nke ẹnyi.

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Filipi 3:7

Kanị, e gigụọ m nwan ufiri Kraịstị gụn ihiẹn ile te bannị m erere ye ihiẹn la iwi.

Hibru 10:33

ụya wẹ ye ụnụ ri, ukpokpo wẹ kpokpo ụnụ lẹ kẹ ụnụ dọn kweri sọndẹ ndị ọzọ wẹ rị e mẹ ẹrịra ta afụnfụn.

Hibru 10:35

Ya wụ, etuhulẹ ni nwan okweri hụ ụnụ kwerikẹnmẹni Di-nwọnni-ẹnyi, makẹni ụgwọ-ọrụn rịn'a e hikẹkwọ ogbe.

Hibru 11:6

bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Hibru 13:13

Nị ẹnyi gha nị nwan imẹ obodo pụ d'e kunrun ẹ ebẹhụ d'e sọn ẹ narịn ifẹnrẹn wẹ gbeye ẹ ihun,

Hibru 2:2

Makẹni, omẹni iwu mbụ wẹ gha ẹka ndị mmọn-ozi ye ndị nẹdi ẹnyi wẹ rị mkpa nke wụnị ndị ile nupụ isi okpuru ẹ mọbụ dann'a gi isi wẹ buru ihiẹn wẹ mẹ,

Pita Ibuzọ 1:11

a jụ enwẹn wẹ ihiẹn Mmọn Kraịstị rị imẹ wẹ rị e ku ebe ọ nọ gwatọ wẹ afụnfụn Kraịstị k'a ta lẹ ọghọ k'e sọnn'ẹ, a jụ enwẹn wẹ onyẹ ọ rị e ku lẹ ogẹn o jẹnkọ d'e gi mẹ.

Pita Ibuzọ 4:14

Wẹ kpari ụnụ makẹni ụnụ rị a za ẹfan Kraịstị, ngọzi rọ: ya wụ nị ọghọ Mmọn nsọ Osolobuẹ rị ụnụ ẹhụ.

Rẹvẹleshọnụ 2:9

A marịngụọ m afụnfụn ụnụ rị a ta, marịnzịkwọ kẹ ụnụ mẹhan ogbẹnnyẹ (kanị m sị ụnụ nị ọdanfịn kẹ ụnụ wụ nke-esi). A marịnghọ m kẹ ndị ahụn kpọ enwẹn wẹ ndị Ju dọn rị e kuja oku ụnụ. Ẹlẹ ndị Ju kẹ wẹ wụ kanị ndị itu Ekwensụ!

Rẹvẹleshọnụ 3:18

M rị nwan a dụn ị ọdụn: ṅọnnarịn m ezigbo goru unyin rịlẹni, kẹni i hụn ụzọ wụrụ ọdanfịn nke-esi; ṅọnnarịn m ẹkwa ọchan yiri amamgbe w'a hụn ọtọ ị ahụn e mẹ ifẹnrẹn; ṅọnnarịnzị m ọgụn-ẹnya tụnye ẹnya, kẹni i leghama ụzọ.

Rutu 2:12

Osolobuẹ ya kụ ị ụgwọ ihiẹn-ọmanị ile i mẹ; ẹghẹẹ, Osolobuẹ wụ Chuku ndị Izrẹlụ, hụn i gbabanhan okpuru nku ẹ, ya kụ ị ụgwọ zu òke.”