Hibru 11:23 - Ika

²³ Okukwe kẹ ndị mụ Mozizi gi bu ẹ zuemẹ ọrọgbọ ifọn ẹtọ kẹ wẹ mụgụ a, makẹni wẹ hụn a nị ọ wụ nwa pu okorọbịa ọda, egini wẹ egun iwu eze ha a ye.

Hibru 11:23 ပူးပေါင်းရင်းမြစ်များ

Ẹbụ-ọma 118:6

Osolobuẹ rị m azụụn, egun atụkọ m; kị ịhịan k'e mẹ m?

Ẹbụ-ọma 56:4

M k'a ja Chuku mma makẹ nkwa o kwe. Chuku kẹ m gi e dọn ẹnya; egun atụkọ m; kị ịhịan k'a s'ẹka mẹ m?!

Ọpụpụ 1:16

Ọ sị wẹ, “Ikpoho Hibru gha a mụ nwa ẹka ụnụ, gbu ni nwa ahụn omẹni okẹnnyẹ rọ, kanị omẹni okpoho rọ, dọnmẹn'ẹ ndụn.”

Ọpụpụ 1:22

Ya kẹ eze wụ Fẹro nọ nwan ye ndị nke ẹ ile iwu, sị, “Tụ nị nwa ọwụlẹ wụ okẹnnyẹ ndị Hibru k'a mụ ye imẹ Iyi Naịlị; ka dọnmẹ ni hụn ọwụlẹ wụ okpoho.”

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 51:7

“Gọn ni m ntịn, ụnụ ndị marịn ihiẹn furuni, ụnụ ndị iwu m rị obi: Atụlẹ ni egun nkọrịanị ịhịan mọbụ mama piripiri ni wẹ rị a kpari ụnụ.

Daniẹlụ 6:10

Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Matiu 10:28

Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.

Ọrụn Ndị-ozi 7:20

Ogẹnni kẹ wẹ gi mụ Mozizi. Mozizi pu okorọbịa ọda-ọda. Ndị mụn'a nọ gi nzuzue zụn a iwe wẹ ifọn ẹtọ.

Hibru 13:6

Ya wụ, ẹnyi k'a saẹka dụ ẹka obi, sị, “Di-nwọnni-ẹnyi wụ onyẹ e yeni m ẹka, egun atụkọ m; kị ịhịan k'a saẹka mẹ m?”