Hibru 11:13 - Ika

¹³ Ndịnị ile kwọndọn okukwe nwụnhụn bụ enwọnhẹnni wẹ ihiẹn Osolobuẹ kwe nkwa a, kanị, e lechegụọnị wẹ wẹ, nabanhan wẹ, ku ẹ nị wẹ wụ itumunyẹ imẹ ụwanị.

Hibru 11:13 ပူးပေါင်းရင်းမြစ်များ

Jẹnẹsisi 21:34

Ebraham nọ bibie alị ndị Filistia.

Jẹnẹsisi 23:4

“M wụ otumunyẹ imẹ igunrun ụnụ; m bihụ ebeni e bi; dodo ni, ye ni m ebe m'e liye ozun, nị m li onyẹ nwụnnahịnnị m.”

Jẹnẹsisi 25:8

O mẹgụ, Ebraham nọ nwụnhụn ebe ọ kakpụkpọgụ ọhụnma-ọhụnma; wẹ nọ li ẹ, o buru ibe ẹ alị-mmọn.

Jẹnẹsisi 47:9

Jekọpụ nọ sị Fẹro, “A wahunmẹlẹ m elu-ụwanị ahụa iri kwasị ọgụn isin. O ke te tekẹ m — bụ ẹnya a hụnọlẹ m ihiẹn; kanị m'e ke tọhandẹ kẹ ndị nẹdi m wẹ.”

Jẹnẹsisi 48:21

Ya Izrẹlụ nọ sị Josẹfụ, “M'e d'a nwụn. Kanị, Osolobuẹ k'a nọyeni ụnụ, wekin ụnụ alị ndị nẹdi ụnụ kanị.

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Jẹnẹsisi 49:18

Euu Osolobuẹ, ịyụ kẹ m rị e lekwọ n'ị zụọpụha m!

Jẹnẹsisi 49:28

Uwẹ ile wụ ebọn mmẹbụọ hụn rị imẹ Izrẹlụ. Oku ndịnị ile kẹ nẹdi wẹ gwa wẹ ogẹn o gi gọzi wẹ. O yesọnmẹ wẹ ngọzi — onyẹ-lẹ-nke-ẹ, onyẹ-lẹ-nke-ẹ.

Jẹnẹsisi 49:33

Ogẹn Jekọpụ gi gwachanrịngụ ụmụ a ihiẹn wẹ k'e mẹ, ọ nọ kị ụkụ che elu ukpo, nwụnhụn, laburu ndị nẹdi ẹ nwụnnị.

Jẹnẹsisi 50:24

Ya Josẹfụ nọ sị umunẹ ẹ “M'e d'a nwụn; kanị Chuku jẹnkọ d'a bịarịrị d'e yeni ụnụ ẹka, gha alịnị wepụ ụnụ, bu ụnụ che alị hụ o kun enwẹn ẹ kwe ndị nẹdi ụnụ wụ Ebraham, Aziki lẹ Jekọpụ nkwa a.”

Jobu 19:25

A marịnghọ m nị Onyẹ Agbapụhanị m rị ndụn, n'o k'e wuzo elu-ụwa ogẹn ikpanzụụn;

Ẹbụ-ọma 119:19

Abịamabịa kẹ m wụ elu-ụwa; dodo, ezuemẹlẹni m iwu i.

Ẹbụ-ọma 39:12

Osolobuẹ dodo nụ ekpere m, gọn ntịn ẹkwan m gi a rịọ ị eyemẹka; agbakwọlẹ m nkịtịn ẹkwan m rị a kwan. Makẹni abịamabịa rị nke i kẹ m wụhụ, otumunyẹ kẹ m wụ — nọkẹ ndị nẹdi m ile.

Ọpụpụ 2:22

Zipora nọ mụ okẹnnyẹ. Mozizi nọ gụn a “Gẹshọm”, sị enwẹn ẹ, “Makẹni a wụrụgụọ m abịamabịa imẹ alị m marịnlẹni.”

Lẹvitikọsụ 25:23

“Erelẹ ni alị rechanrịn, makẹni mmẹ nwọn alị hụ: abịamabịa lẹ ndị wẹ yehụ alị biri kẹ ụnụ wụhụ.

Ọgụngụn 10:30

Hobabụ nọ sị Mozizi, “Mba; ejẹnkọ m. M lakinkọ alị m; m burukọ ndị nke m.”

Ọgụngụn 24:17

M hụ a hụn a — kanị ẹlẹ ihiẹn kikẹnni; m hụ e legha a — kanị ẹlẹ ihiẹn ẹhụ nsue. Kokisẹ ohu k'a gha ebọn Jekọpụ pụha; Ọkpọ-eze k'a gha imẹ Izrẹlụ pụha. O k'a kụkpụkpọ alị Mụabụ ezimezi ihun, kụkpụkpọ wẹ ile wụ ndị Shẹti okpokomisi.

Matiu 13:17

Ezioku kẹ m rị a gwa ụnụ, ndị-amụma bu ọda lẹ ndị ezi-omumẹ e te chọghọ nị wẹ hụn ihiẹn ụnụ rị a hụn, ahụnnị wẹ; a chọ wẹ nị wẹ nụ ihiẹn ụnụ rị a nụ, anụnị wẹ.

Jọnụ 12:41

Azaya ku ihiẹnni makẹni ọ hụngụọ ọghọ Jizọsị jẹnkọ d'e nwọn, ọ nọ ku oku Jizọsị.

Jọnụ 8:56

Ọ rịkẹnmẹkẹ nẹdi ụnụ kanị wụ Ebraham n'ọ hụn ogẹn m; ogẹn o gi hụn a, ẹfọ nọ sụọ a ụsụọ.”

Ndị Rom 4:21

O kwerichanrịn nị Osolobuẹ k'a s'ẹka mẹ ihiẹn Osolobuẹ kwe nkwa a.

Ndị Rom 8:24

Ihiẹnni ẹnyi rị e lee ẹnya a kẹ Osolobuẹ gi ufiri ẹ zụọpụha ẹnyi. Ẹnyi e ke nwọnhẹn ẹ, nkẹ ẹnyi e lebehi ẹnya a — olilẹnya ihiẹn ị hụngụ ẹlẹzi olilẹnya. Kị ịhịan k'e lemẹzini ẹnya ihiẹn bụ ọ hụngụọ a?

Ndị Kọrẹntị Nke Ẹbụọ 4:18

Ẹghẹẹ, makẹni ẹnyi arị e lee ihiẹn ẹnya e legha, kanị ihiẹn ẹnya ghalẹni e legha; makẹni ihiẹn ẹnya e legha k'a gharị, kanị ihiẹn ẹnya ghalẹni e legha k'a rị jẹnrin ejẹn.

Ndị Kọrẹntị Nke Ẹbụọ 5:6

Obi e ru nwan ẹnyi alị ogẹn ile, ọsụọn'a nị ẹnyi a marịnghọ nị hụnnị ẹnyi rịkwọ ụlọnị wụ ẹhụ ẹnyi, ẹnyi arị ebe Di-nwọnni-ẹnyi rị,

Ndị Ẹfẹsọsụ 2:19

Ya wụ, ụnụ ndị alị ọzọ kwerini Jesu ẹlẹzi itumunyẹ; ụnụ ẹlẹzi ndị alị ọzọ. Ụnụ e sọngụọ ndị nke Osolobuẹ, ndị nsọ, wụrụ ụmụ di-alị Alị-eze, ndị ezi-lẹ-ụlọ Osolobuẹ,

Hibru 11:14

Ndị e ku ẹnịna rị a ghọsị n'o nwọn alị wụ nke wẹ ẹnya wẹ rị.

Hibru 11:17

Okukwe kẹ Ebraham gi wepụha Aziki n'o gi ẹ chụn ẹjan, ogẹn Osolobuẹ gi lele ẹ. Onyẹ nwẹn Osolobuẹ kwe nkwa ndị ahụn nọ wepụha akpụ nwa a ohu!

Hibru 11:27

Okukwe k'o gi gha Ijiptu pụ, o gini egun ihiẹn Fẹro k'e mẹ ẹ nọdị, kama, o dinsọnmẹ ndidin nọkẹ sị ọ rị e legha Onyẹ ahụn wẹ ghalẹni e legha.

Hibru 11:39

Osolobuẹ e kughọ oku ndịnị ile ọhụnma yeni okukwe wẹ, kanị enwọnhẹnni wẹ ihiẹn ahụn Osolobuẹ kwe nkwa a.

Pita Ibuzọ 1:1

Mmẹ wụ Pita hụn wụ onyẹ-ozi pụ-ichẹn Jesu Kristi de ẹkụkwọ-ozini. M rị e dejẹnni ndị Chuku họrị rị alị ichẹn-ichẹn rịsọnmẹ Ẹgbẹrẹ Pọntusu, Galeshịa, Kapadoshịa, Eshịa lẹ Bitinia,

Pita Ibuzọ 1:17

Ebe ụnụ rị a kpọ Onyẹ hụn ghalẹni e gbeyeni ịhịan Nẹdi ụnụ, Onyẹ hụn e gi ihiẹn onyẹ mẹ e kin ẹ ikpe, gikwọ nị nwan egun ẹ bichanrịn ogẹn họdụ ụnụ k'e bi elu-ụwanị ụnụ wụ itumunyẹ.

Pita Ibuzọ 2:11

Ezigbo umunẹ m, m rị a rịọ ụnụ nọkẹ ndị wụ abịamabịa lẹ ndị rịlẹni alị wẹ, gbanị nị eje-ẹgụn a lụsọn umẹ-ndụn ụnụ agha ọsọ.

Jọnụ Ibuzọ 3:19

Ọhụn kẹ ẹnyi e gi marịn nị ẹnyi rị azụụn nke ezioku, ịya kẹ ẹnyi gi e mẹ obi e ru ẹnyi alị ebe Osolobuẹ rị —