Hibru 10:36 - Ika

³⁶ Ndidin kẹ ụnụ chọ, kẹni, ụnụ mẹgụ uche Osolobuẹ, ụnụ e gi ẹ nwọnhẹn ihiẹn o kwe nkwa a.

Hibru 10:36 ပူးပေါင်းရင်းမြစ်များ

Ẹbụ-ọma 37:7

La ihiẹn ile tọnị Osolobuẹ, y'e nwọn ndidin cheri ẹ; agbakalẹ obi nị ọ hụ a ghanị onyẹ rị e mẹ ihiẹn ẹ, onyẹ rị e rotọ eje-ihiẹn e mẹ ẹ.

Ẹbụ-ọma 40:1

E din m ndidin cheri Osolobuẹ, ọ nọ gọn m ntịn, nụ ẹkwan m.

Matiu 10:22

Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.

Matiu 12:50

Makẹni, onyẹ hụn e mẹ uche Nẹdi m rị elu-igwee, ịya wụ nwẹnẹ m okẹnnyẹ, ịya wụ nwẹnẹ m okpoho, ịya wụ nnẹ m.”

Matiu 21:31

Onyẹ imẹ wẹ mẹ ihiẹn nẹdi ẹ chọ? Wẹ nọ sị, ‘Nke ibuzọ.’ “Jizọsị nọ sị wẹ: M rị a gwa ụnụ ezioku, ndị a na Ụgwọ-isi wẹ gi njọ wẹ marịn lẹ ndị ịgbaraja hụ e buni ụnụ ụzọ a banye Alị-eze Osolobuẹ.

Matiu 24:13

Kanị onyẹ hụn din ndidin ru isi ẹ kẹ nzụọpụha jẹnkọ d'e ru ẹka.

Matiu 7:21

“Ẹlẹ ndị ile a kpọ m ‘Di-nwọnni-ẹnyi’, ‘Di-nwọnni-ẹnyi’ jẹnkọ d'a banye Alị-eze elu-igwee, kanị ndị hụn e mẹ uche Nẹdi m rị elu-igwee sụọ.

Makị 3:35

Onyẹ ọwụlẹ hụn e mẹ uche Osolobuẹ wụ nwẹnẹ m okẹnnyẹ lẹ nwẹnẹ m okpoho lẹ nnẹ m.”

Luku 21:19

Ndidin kẹ ụnụ k'e gi nwọn nzụọpụha.

Luku 8:15

“Ezigbo alị hụ mkpụrụ ndị hụ danye wụ ndị ahụn nụ oku-Chuku, gi obi wẹ ile nabanhan a, kwọnkẹnmẹ ẹ, din ndidin, mị mkpụrụ.

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Ọrụn Ndị-ozi 13:22

Chuku nọ wepụ Sọlụ, webanhan Defidi n'ọ wụrụ eze wẹ. Chuku ku oku Defidi, sị, ‘A hụngụọ m'a nị Defidi nwa Jese wụ ụdị ịhịan a sụọnị m, onyẹ hụn k'e mẹchanrịn uche m.’

Ọrụn Ndị-ozi 13:36

“O mẹ nke Defidi, k'o mẹgụ uche Osolobuẹ ogẹn nke ẹ, ọ nọ nwụnhụn, e li w'ẹ kẹ wẹ dọn li ndị nẹdi ẹ, ya ọ nọ rehi;

Ndị Rom 12:12

A ghọghọ nị makẹ olilẹnya ụnụ nwọn; e nwọn ni ndidin imẹ nsọngbu ụnụ; e mẹ ni ekpere ogẹn ile.

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Rom 8:25

Kanị, omẹni ẹnyi e ke hụn ihiẹn ẹnyi rị e lee ẹnya a, ẹnyi e din ndidin cheri ẹ.

Ndị Kọrẹntị Ibuzọ 13:7

Onwọnni ihiẹn a gụ ihiẹn-ọsụsụọ ndụn, ara nwọnbehi okukwe, ara nwọnbehi olilẹnya, ndụn ndidin ara gụ a.

Ndị Galeshịa 6:9

Ya wụ, ndụn imẹ-mma y'a gụkwọlẹ ẹnyi. Makẹni, omẹni ẹnyi anịnị ndụn gụ ẹnyi, ogẹn ru, ẹnyi jẹnkọ d'e ri erere ẹ.

Ndị Ẹfẹsọsụ 6:6

Ẹlẹkwọ idẹnya wẹ sụọ — kẹni ịhịan sị ụnụ hụ a rụn — kama, e gi ni akpakalị obi ụnụ e mẹ ẹ rịkẹ igbọn Kraịstị makẹni uche Osolobuẹ rọ.

Ndị Kolosị 1:11

Ya gi ikẹn ẹ hụ hi-ogbe hụn e ye ẹ ọghọ mẹ ụnụ kẹnrẹn ụzọ ile, kẹni ụnụ saẹka e kwọnkẹnmẹ okukwe ụnụ, e gi ịghọghọ e dingbu ihiẹn ile,

Ndị Kolosị 3:24

ụnụ a marịnghọ nị Di-nwọnni-ẹnyi jẹnkọ d'e gi ihiẹn hụ o butọnị ndị nke ẹ kụ ụnụ ụgwọ. Kristi wụ Di-nwọnni-ẹnyi kẹ ụnụ gi ẹ e fe;

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Hibru 11:39

Osolobuẹ e kughọ oku ndịnị ile ọhụnma yeni okukwe wẹ, kanị enwọnhẹnni wẹ ihiẹn ahụn Osolobuẹ kwe nkwa a.

Hibru 12:1

Ya wụ, ebe o mẹ nwan ni igunrun ndị ọshẹri han ẹnịna fihunmẹ ẹnyi lekẹ ọgbọ, nị ẹnyi latọ nwan ihiẹn ọwụlẹ a dọkin ẹnyi azụụn, lẹ njọ ahụn a kụ ẹnyi kẹ ẹgbụn, ẹnyi e dikẹnmẹ, gba ọsọnị Osolobuẹ ketọnị ẹnyi,

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Hibru 6:12

amamgbe ụnụ a lama nzụnzụn; kama, nị ụnụ e sọn nzọmụkụ ndị gi okukwe lẹ ndidin nwọnhẹn ihiẹn Osolobuẹ kwe nkwa a.

Hibru 6:15

Ebraham nọ din ndidin cheri; o mẹgụ, ọ nọ nwọnhẹn ihiẹn hụ Osolobuẹ kwe ẹ nkwa a.

Hibru 6:17

Ẹrịra k'ọ rịzị, ogẹn Osolobuẹ gi chọ n'ọ ghọsị ndị o kwe nkwa n'o kuhutọkọ ọnụ, ọ nọ kun enwẹn ẹ:

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Pita Ibuzọ 1:9

e ri erere rị okukwe ụnụ: erere ahụn wụ nị wẹ hụ a zụọpụha umẹ-ndụn ụnụ.

Jọnụ Ibuzọ 2:17

kanị ụwa lẹ ihiẹn-ọlịlẹnya ile rịn'a ghafekọ aghafekọ, kanị onyẹ hụn e mẹ uche Osolobuẹ k'a rị jẹnrin ejẹn.

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.

Rẹvẹleshọnụ 14:12

Ọnwan chọ ndidin ẹka ndị nsọ, ndị e mẹ ihiẹn Osolobuẹ ku, kwerini Jizọsị jẹnrin ejẹn.