Hibru 10:22 - Ika

²² Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 10:22 ပူးပေါင်းရင်းမြစ်များ

Ndị-nze Nke Ibuzọ 15:3

Abija mẹchanrịn njọ ile nẹdi ẹ mẹ; o wechanrịnnị obi ẹ ye Osolobuẹ wụ Chuku ẹ kẹ nẹdi ẹ kanị wụ Defidi dọn mẹ.

Ihiẹn Mẹni Nke Ibuzọ 12:33

Ndị ebọn Zẹbulọnụ rịn'a rị mmadụ nnụ-isẹn kwasị nnụ-ọgụn-isin (50,000), ndị marịn ẹnya agha, kwademẹgụ agha, busọnmẹ ihiẹn-ọgụn ile rị ichẹn-ichẹn — wẹ bịa d'e gichanrịn obi wẹ yeni Defidi ẹka.

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ibuzọ 29:17

“Chuku m, a marịnghọ m nị y'e lele obi, nị ihiẹn kụrụ ọtọ a sụọ ị ụsụọ. M wepụha obi m ye ihiẹn ndịnị ile m ye, ẹlẹni o nwọn ihiẹn ọzọ m chọkọ. M rịzịkwọ nwan a ghọghọ makẹni a hụnọlẹ m kẹ ndị nke ị rị ebeni dọn gi obi wẹ ye i ihiẹn.

Ẹbụ-ọma 111:1

Ja nị Osolobuẹ mma! M k'e gi obi m ile kpanmịn Osolobuẹ imẹ igunrun ndị kụrụ ọtọ lẹ imẹ ozuzu ndị nke ẹ.

Ẹbụ-ọma 119:10

Obi m ile kẹ m gi e fe i, dodo, anịkwọlẹ m latọ ihiẹn ndị ị sị ẹnyi e mẹ.

Ẹbụ-ọma 119:145

Obi m ile kẹ m gi a kpọku i; dodo, za m, Osolobuẹ! M k'e dọnmẹ iwu i.

Ẹbụ-ọma 119:2

Ngọzi wụ nke ndị e dọnmẹ iwu Osolobuẹ gi shịanị enwẹn ẹ ẹri, e gi akpakalị obi wẹ e fe Osolobuẹ;

Ẹbụ-ọma 119:34

Ye m nghọta, nị m hụn ụzọ e dọnmẹ iwu i, e gi obi m ile e dọnmẹ ẹ.

Ẹbụ-ọma 119:58

Obi m ile kẹ m gi a rịọ ị, dodo, lee m ẹnya ihun k'i dọn ku!

Ẹbụ-ọma 119:69

Ndị mpache hụ e buokin m ọnụ, kanị m hụkwọ e gi obi m ile e dọnmẹ iwu i.

Ẹbụ-ọma 119:7

M k'e gi obi kụrụ ọtọ ja ị mma, ogẹn m'e gi mụnrụn uhi rị mma i yisọnmẹni ẹnyi.

Ẹbụ-ọma 119:80

Obi m y'a kụrụ ọtọ ebe idọnmẹ iwu i rị, amamgbe ifẹnrẹn e mẹ m.

Ẹbụ-ọma 32:11

A ghọghọ nị imẹ Osolobuẹ, e nwọn anwịnrịn, ụnụ ndị e feshi Osolobuẹ ikẹn; e yi ni oro ịghọghọ, ụnụ ile obi wẹ rị ọchan.

Ẹbụ-ọma 51:10

Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.

Ẹbụ-ọma 73:28

O mẹ nke m, ọ rịka mma nị m nọkunmẹ Chuku; e gbọnni m'i, Osolobuẹ wụ Chuku; m k'e kusọnmẹ ihiẹn ile ị rụn!

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Ẹbụ-ọma 9:1

M ka ja ị mma, Osolobuẹ, ọjịja-mma hụn gha m akpakalị obi pụha; m k'e ku ihiẹn ile a tụ ẹnya ị rụn!

Ẹbụ-ọma 94:15

Ya wụ, ezioku k'e rizi nwan eṅẹn, ndị ile obi wẹ kụrụ ọtọ e sọnmẹ ezioku.

Ọpụpụ 29:4

Y'e wẹhẹ Ẹrọnụ lẹ ụmụ a ikẹnnyẹ ọnụmụzọ Ọdụ-ozuzu, gi mirin wụ wẹ.

Itẹn 23:26

Nwa m, ye m obi i; ẹnya ị ya rịsọnmẹ ụzọ m,

Azaya 29:13

Ya haịn Onyẹ-nwọnni-ẹnyi gi sị, “Ọnụ kẹ ndịnị gihụ a nọkunmẹ m, e gihụ ọnụnụ-ire a gbaye m, kanị obi wẹ e tekẹ ebe m rị. Iwu ịhịan kuzi wẹ kẹ wẹ gihụ e fe m ofufe.”

Azaya 52:15

ẹrịra kẹ ọghọ a k'a tụzị alị ichẹn-ichẹn ẹnya — ndị-nze k'a nụdẹ oku ẹ kpumẹ ọnụ. Makẹni, wẹ k'e gi ẹnya wẹ hụn ihiẹn wẹ gwatulẹni wẹ oku ẹ; wẹ k'a ghọta ihiẹn wẹ nụtulẹni ukwere ẹ.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Jerimaya 3:10

Ihiẹn ndịnị ile mẹni, Juda nwẹnẹ ẹ ẹnya rịlẹni ụzọ ohu egikwọnị obi ẹ ile kinhẹn d'e kunrun m — o kinhẹnhụ nke ọnụnụ-ire. Ya kẹ Osolobuẹ ku.”

Jerimaya 30:21

Onyẹ nke wẹ jẹnkọ d'a kị wẹ; imẹ igunrun wẹ kẹ onyẹ k'a kịnị wẹ k'a gha pụha. M k'e wezụnhan a, ọ nọkunmẹ m — makẹni onwọnni onyẹ k'a sa ẹka nọkunmẹ m sokpan mmẹ wezụnhan a. Ya kẹ Osolobuẹ ku.

Izikẹlụ 16:9

“ ‘Ya m nọ gi mirin wụ ị, chanchanpụ ị ẹdeke, te i udẹn.

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Lẹvitikọsụ 14:7

o fe ẹ mgbe ẹsa kpu onyẹ hụ wẹ rị e mẹ n'ọ rịzị ọchan yeni eje-emu akpụkpọ-ẹhụ hụn kụn'a, ku ẹ n'ọ rịgụọ ọchan. O mẹgụọ a, ọ hapụ nnụnụ ahụn rị ndụn ye, n'o fepụ.

Lẹvitikọsụ 16:4

O k'e yiri ẹwuru ọrụn nchụn-ẹjan hụ rị nsọ hụn tueru alị wẹ gi ẹkwa linẹni mẹmẹ lẹ apa-linẹni; o gi nfifie linẹni hụ fiedọn ukun, kpuru okpu linẹni hụ isi. Ẹkwa ndị hụ rị nsọ; ya wụ, o k'e girịrị mirin wụgụ ẹhụ o kebe yiri wẹ.

Lẹvitikọsụ 8:6

Ya Mozizi nọ kpọpụha Ẹrọnụ lẹ ụmụ a ihun, gi mirin chanchan wẹ.

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Ọgụngụn 8:7

Lee ihiẹn i jẹnkọ d'e mẹ gi dọn wẹ nsọ: fekpu wẹ mirin idọn-nsọ; mẹ wẹ kọchanrịn ẹṅẹnrẹn rị wẹ ẹhụ, sụ ẹkwa wẹ, gi wẹ ile dọn enwẹn wẹ nsọ;

Matiu 3:11

“Mmẹ nwẹn gi mirin-mmaka e mẹ ụnụ mirin-Chuku ụnụ gi a ghọsị nị ụnụ e rogharịgụọ. Kanị, onyẹ hụn sọnla m azụụn ka m ọhụnma-ọhụnma; erudẹni m onyẹ e bu akpụkụ a! Mmọn-nsọ lẹ ọkụn kẹ ya nwẹn k'e gi mẹ ọnụ mirin-Chuku.

Luku 1:1

Ebe o mẹni ndị bu ọda a lịlịmagụọ depụha ihiẹn ndị hụn mẹ imẹ igunrun ẹnyi,

Jọnụ 3:5

Jizọsị nọ sị a, “Ezioku kẹ m rị a gwa ị, mmanị wẹ gi mirin lẹ Mmọn-nsọ mụ ịhịan, ọ saẹka banye Alị-eze Osolobuẹ.

Jọnụ 8:9

A nụ wẹ ihiẹn ọ za, wẹ ile nọ pụma ohu-ohu — ndị kanị bu ụzọ pụma, d'e ru n'ọ họdụ Jizọsị sụọ; okpoho hụ turuhụkwọ ihun Jizọsị ebẹhụ.

Ọrụn Ndị-ozi 22:16

K'ị rị nwan e che?! Lihi nị wẹ mẹ i mirin-Chuku, kẹni wẹ chanchanpụ ị njọ ị ebe i nọ a kpọku ẹfan a.’

Ọrụn Ndị-ozi 8:21

Y'a rị imẹ ihiẹnni, onwọnzikwọnị ihiẹn runi i imẹ ẹ, makẹni obi i ezinrinni ẹnya Osolobuẹ.

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Ẹfẹsọsụ 3:12

Kraịstị, hụn obi gi okweri ẹnyi kwerinin'ẹ e ru ẹnyi alị ọda-ọda ịbanye ebe Osolobuẹ rị.

Ndị Ẹfẹsọsụ 5:26

kẹn'o gi mirin hụ wụ oku-Osolobuẹ chanchan a, dọn ẹ nsọ,

Ndị Ẹfẹsọsụ 6:5

Idibo lẹ igbọn, e gi ni egun lẹ ẹhụ ọmụma-nni e humẹni ndị ụnụ rị okpuru wẹ isi. E gichanrịn nị obi ụnụ ile e mẹ ẹ, nọkẹ sị Kraịstị kẹ ụnụ rị a gbaye.

Timoti Ibuzọ 4:2

ebe wẹ nọ e sọn nkuzi ndị-ntụ lẹ ndị ihunnaị obi ghalẹni e gbuzi mgbu makẹni a dagbugụọ w'a.

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Hibru 10:1

Ebe o mẹ ni Iwu Mozizi wụhụ onyinyọn ihiẹn rị mma lalanị, ẹlẹ ezigbo ẹ; ya wụ nị ẹjan hụ w'a chụn ahụa-ahụa asakọ ẹka chanchanpụ njọ ndị a bịa d'e fe Osolobuẹ, mẹ wẹ zu oke.

Hibru 10:19

Umunẹ m, nị ẹnyi saghọ nwan ẹka banye Ebẹhụ Kachanrịn nsọ, ebahụn Osolobuẹ rị, ghahanị ẹdeke Jizọsị,

Hibru 11:28

Okukwe k'o gi mẹ Mmẹmmẹ-nghafe, wẹ nọ fesọnmẹ ẹdeke ye ọnụmụzọ, hụn mmọn-ozi hụ rị e gbu ụmụ ikẹnnyẹ ibuzọ ndị Ijiptu gilẹni gbu ụmụ ikẹnnyẹ ibuzọ ndị Izrẹlụ.

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Hibru 6:11

Kanị, ẹnyi a chọkẹnmẹkẹ nị onyẹ-onyẹ imẹ ụnụ gi adụdụ ohu hụ kwọnkẹnmẹ olilẹnya ụnụ d'e ru njẹndemẹ;

Hibru 7:19

(makẹni Iwu mbụ enwọn ihiẹn o dọnzi ru alị); Osolobuẹ e webanhangụọ nwan olilẹnya ka mma ẹnyi e gi s'ẹka nọkunmẹ Osolobuẹ.

Hibru 9:10

Makẹni oyiye lẹ ẹjan ndịnị wụhụ oku ihiẹn-oriri lẹ ihiẹn-ọrịra lẹ nchanchan rị ichẹn-ichẹn wẹ gi e dọn nsọ, omẹnalị ẹnya e legha wẹ buche wẹ olu d'e ru ogẹn ihiẹn rịchanrịn mma e gi pụha.

Hibru 9:19

Makẹni, ogẹn Mozizi gi gwachanrịngụ ndị hụ ihiẹn ile Iwu hụ sị wẹ e mẹ, ọ nọ weri ẹdeke nwa-efin lẹ ewu wẹ gbu lẹ mirin, gi ẹṅẹnrẹn anụ e nwun ufie-ufie lẹ ukun ẹfịfịa w'a kpọ ẹrurushin-hisopu deri ẹdeke lẹ mirin hụ, fekpusọnmẹ kẹ Ẹkụkwọ-Iwu hụ lẹ enwẹn ẹ kẹ ndị Izrẹlụ ile —

Jemisi 1:6

Kanị, ya gikwọ okukwe rịọ; y'e nwọnkwọlẹ obi ẹbụọ kaka. Makẹni, onyẹ obi-ẹbụọ nọhụ kẹ mirin ohimin ufere rị a kpọhunmẹ.

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!

Pita Ibuzọ 1:2

ndị Chuku Nẹdi họtọ, gi Mmọn-nsọ dọn wẹ nsọ, kẹni wẹ hụn ụzọ humẹni Jizọsị Kraịstị isi, wụrụ ndị wẹ gi ẹdeke ẹ fepụ ẹhụ njọ. Ẹfọma lẹ udọn ya rịnị ụnụ mmagi-mmagi.

Pita Ibuzọ 3:21

Wẹ gi ọnwan gwatọ ẹnyi kẹ mirin-Chuku dọn nwan a zụọpụha ịhịan kikẹnni: ẹlẹ wẹ rị e gi mirin-Chuku a wụpụ unyin rị ịhịan ẹhụ, kama, ịhịan gi ẹ a ghọsị Osolobuẹ n'o gi obi ẹ ile bịa d'e kunrun ẹ, ghahanị olihi Jesu Kristi gha ọnwụn lihi.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;