Hibru 10:11 - Ika

¹¹ Onyẹ nchụn-ẹjan gi Iwu Mozizi a rụn ọrụn a ụhụọhịn-ụhụọhịn, a chụnsọnmẹ ẹjan ohu ahụn ghalẹni asaẹka e wepụ njọ.

Hibru 10:11 ပူးပေါင်းရင်းမြစ်များ

Ọpụpụ 29:36

Ọrọgbọ akpọhịn ẹsa hụ, gi efin ohu-ohu chụnsọnmẹ ẹjan-njọ wẹ gi e wepụ njọ ụhụọhịn-ụhụọhịn. Chụn ẹjan wẹ gi e wepụ njọ gi dọn ukpo nchụn-ẹjan hụ nsọ, y'e hukpu ukpo ahụn udẹn-nsọ, gi dọn ẹ nsọ.

Azaya 1:11

“Ẹjan hụ ile ụnụ a chụnyeni m, kịnị kẹ m gi wẹ e mẹ?” Ya kẹ Osolobuẹ ku. Ẹjan w'a kpọ ọkụn a gbụgụọ m, kẹ hụn wẹ gi mmụ ebulu chụn kẹ ụtọrọ anụ ndị wẹ zụntọsọnmẹ; ẹdeke okẹn-efin lẹ ebulu lẹ ewu ara sụọ m.

Izikẹlụ 45:4

Idumu ndị nchụn-ẹjan wụ azụụnnị rị nsọ hụn wẹ k'a nọ tụn Ụlọ-nsọ; idumu ndị nchụn-ẹjan hụn a rụn ọrụn imẹ Ụlọ-nsọ rọ, ndị nchụn-ẹjan hụn a nọkunmẹ Osolobuẹ a rụnn'a ọrụn. Ya wụ, o k'a wụ ebe ndị nchụn-ẹjan e bi lẹ ebe Ụlọ-nsọ sikọ d'a rị.

Daniẹlụ 11:31

“Ndị-agha a k'a pụha d'e mẹrụ Ụlọ-nsọ, ebẹhụ Izrẹlụ gi e dọn ẹnya, kagbu ẹjan w'a chụnyeni Osolobuẹ ụhụọhịn-ụhụọhịn, a bịa wẹ d'e tumẹ arụ ahụn hụn e buhẹ ntikpọ.

Daniẹlụ 12:11

“Gha ogẹn w'e gi kagbu ẹjan w'a chụnnị Osolobuẹ ụhụọhịn-ụhụọhịn d'e ru ogẹn w'e gi tumẹ ihiẹn ahụn e mẹrụnị e buhẹ ntikpọ k'a wụ akpọhịn iri kwasị ọgụn-ẹnọ kwasị nnụ-ẹtọ (1,290).

Daniẹlụ 8:11

O bushi enwẹn ẹ elu, bunụmadẹni Onyẹ kị ndị-agha elu-igwee; gbọndọn wẹ achụyelẹn'ẹ ẹjan w'a chụsọnmẹ ụhụọhịn-ụhụọhịn, welụa Ụlọ-nsọ a alị.

Daniẹlụ 9:21

hụn ahụn m rịkwọ e mẹ ekpere, Gebrẹlụ, okẹnnyẹ ahụn m hụn imẹ ọhụn m isi ibuzọ nọ pụha ọpụha a tụ egun; ibẹka ogẹn wẹ gi a chụn ẹjan ẹnyasị k'o gi pụha.

Daniẹlụ 9:27

Onyẹ-ọkịkịnị lẹ ndị bu ọda k'e kwerigbama ọrọgbọ ‘ẹsa.’ ‘Ẹsa’ hụ ruọlẹ ahanmahan o k'a kụsị ẹjan w'a chụnị Osolobuẹ lẹ oyiye ndị w'e ye Osolobuẹ. O k'e bu ihiẹn e mẹrụnị tumẹ azụụn ohu imẹ Ụlọ-nsọ, gi ẹ sehẹ ntikpọ — d'e runi Osolobuẹ e mẹ ẹ ihiẹn ọ sị o k'e mẹ, nke ẹ a gụ.”

Maịka 6:6

Kị m'e gi bịa ihun Osolobuẹ? Kị m'e gi bịa d'a rịọ Chuku rị elu-igwee? Nị m wẹhẹn'ẹ ẹjan w'a kpọ ọkụn? Nị m chụnyen'ẹ ẹjan nwa-efin ahụa ohu?

Ọgụngụn 28:24

Ẹrịra kẹ ụnụ sikọ d'e mẹmẹsọnmẹ ihiẹn-oriri hụ ụhụọhịn-ụhụọhịn ọrọgbọ akpọhịn ẹsa hụ, ẹjan ndị hụ wẹ gi ọkụn a chụnye hụn ishin ẹ a sụọ Osolobuẹ. A chụn nị wẹ e cheni ẹjan ndị hụ w'a dụn ọkụn ụhụọhịn-ụhụọhịn lẹ oyiye-manya sọnn'ẹ.

Ọgụngụn 28:3

“Sị wẹ: Ọnwan wụ oyiye ahụn wẹ gi ọkụn e ye hụn ụnụ sikọ d'a gha e wẹhẹni Osolobuẹ: ụhụọhịn-ụhụọhịn ụnụ sikọ d'e gi atụnrụn ẹbụọ rịsọnmẹ nwa ahụa ohu-ohu ẹhụ zu oke chụn ẹjan w'a dụn ọkụn —

Ọgụngụn 29:6

A chụn nị ndịnị e cheni ẹjan w'a dụn ọkụn ifọn-ifọn lẹ oyiye-ọka a lẹ hụn w'a chụn ụhụọhịn-ụhụọhịn lẹ oyiye-ọka a, uwẹ lẹ oyiye-manya sọnni wẹ, kẹ wẹ dọnsọnmẹ kaye wẹ — ẹjan wẹ gi ọkụn chụnyeni Osolobuẹ hụn ishin ẹ a sụọ a.

Hibru 10:1

Ebe o mẹ ni Iwu Mozizi wụhụ onyinyọn ihiẹn rị mma lalanị, ẹlẹ ezigbo ẹ; ya wụ nị ẹjan hụ w'a chụn ahụa-ahụa asakọ ẹka chanchanpụ njọ ndị a bịa d'e fe Osolobuẹ, mẹ wẹ zu oke.

Hibru 10:4

makẹni ẹdeke okẹn-efin lẹ ewu as'ẹka wepụ njọ.

Hibru 5:1

Wẹ a gha imẹ igunrun ịhịan a họrị onyẹ ọwụlẹ hụn jẹnkọ d'a wụ onyẹ-isi nchụn-ẹjan, e tumẹ, kẹni ọ nọkin ẹnya wẹ ebe ihiẹn Osolobuẹ rị, e ye Osolobuẹ oyiye, e gi ufiri njọ a chụn ẹjan.

Hibru 7:27

Ẹlẹ hụn o gi chụnsọnmẹ ẹjan ụhụọhịn-ụhụọhịn nọkẹ ndị-isi nchụn-ẹjan Iwu-Mozizi, ọ chụngụ nke njọ a, ọ chụnnị ndị alị nke njọ wẹ. Makẹni, o gigụọ enwẹn ẹ chụn ẹjan mgbe ohu, chụnchanrịn.

Hibru 8:2

onyẹ hụ rị ọrụn Ebẹhụ Kachanrịn Nsọ imẹ Ọdụ-ofufe ezigbo ẹ hụ, hụn rị elu-igwee, Ọdụ-ofufe ahụn Osolobuẹ lẹ enwẹn ẹ mẹmẹ, ẹlẹ hụn ịhịan mẹmẹ.

Hibru 8:4

Omẹni elu-ụwa k'o te rị, o ke wụ onyẹ nchụn-ẹjan kaka, ebe o mẹ ni ndị nchụn-ẹjan hụn a chụn ẹjan kẹ Iwu Mozizi dọn ku hụ a.