Hibru 10:10 - Ika

¹⁰ Uche Osolobuẹ ahụn kẹ wẹ gi nwan dọn ẹnyi nsọ ghahanị ẹjan Kraịstị wụ Jizọsị gi ẹhụ a chụn mgbe ohu, chụnchanrịn a.

Hibru 10:10 ပူးပေါင်းရင်းမြစ်များ

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Jọnụ 17:19

“M rị nwan e gi ufiri wẹ e wepụha enwẹn m, kẹni m mẹ wẹ wụrụ ndị wẹ wepụha dọn nsọ nke-esi.

Jọnụ 19:34

Kanị onyẹ ohu imẹ ndị-agha hụ nọ dụn Jesu obo ẹkụnkụn, ẹdeke lẹ mirin nọ gbapụha.

Jọnụ 6:51

Mmẹ wụ brẹdi hụ rị ndụn hụn gha elu-igwee bịa. Onyẹ hụn ri brẹdini jẹnkọ d'a rị ndụn jẹnrin ejẹn. Ẹhụ m wụ brẹdi hụ m jẹnkọ d'e ye kẹni ndị rị ụwa rị ndụn.”

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Ẹfẹsọsụ 5:26

kẹn'o gi mirin hụ wụ oku-Osolobuẹ chanchan a, dọn ẹ nsọ,

Hibru 10:12

Kanị nke Kraịstị, k'ọ chụngụ ẹjan njọ ohu hụ o gi chụnchanrịn ẹjan ile, o weri oche ẹka-nni Osolobuẹ.

Hibru 10:14

makẹni o gigụọ ẹjan ohu mẹ ndị hụ ọ rị e dọn nsọ wụrụ ndị zu oke jẹnrin ejẹn.

Hibru 10:20

ẹdeke ẹ o gi kwanị ẹnyi ụzọ ọhụn shikọ ndụn ghahanị ịdọwapụnị ẹnyi ẹkwa mgbọnbepụ ahụn — hụn wụ ẹhụ a.

Hibru 10:29

elee ụdị afụnfụn k'i ro nị wẹ k'e ye onyẹ hụn legberi Nwa Osolobuẹ, lelịa ẹdeke nkwerigbama hụ wẹ gi dọn ẹ nsọ, kpasu Mmọn-nsọ wẹ gha mẹn'ẹ ẹfọma iwe?

Hibru 10:5

Ya haịn, ogẹn Kraịstị gi bịa imẹ ụwa, ọ sị, “Kẹ ẹjan kẹ oyiye, onwọnni hụn ị chọ; kama, ẹhụ k'i kwademẹni m.

Hibru 13:12

Ya haịn Jizọsị gizi gha imẹ obodo pụ d'a nwụnhụn kẹni o gi ẹdeke ẹ dọn ịhịan nsọ.

Hibru 2:11

Kẹ onyẹ hụn e dọn wẹ nsọ wụ Jesu kẹ ndị ọ rị e dọn nsọ a wụrụgụọ nwan ụmụ onyẹ ohu. Ịya haịn ifẹnrẹn gilẹni e mẹ ẹ ịkpọ wẹ umunẹ ẹ.

Hibru 2:14

Ya wụ, ebe o mẹni ụmụ a hụ wụ ịhịan hụn nwọn ẹhụ-lẹ-ẹdeke, ya nwẹn nọ sọn wẹ wụrụ ihiẹn ohu hụ, kẹni ọ nwụnhụn, gi ọnwụn a tikpọ onyẹ hụn ọnwụn rị ẹka a, ya wụ Ekwensụ,

Hibru 5:7

Ogẹn Jizọsị gi rị elu ụwanị, o mẹ ekpere, a rịọ Osolobuẹ arịrịọ; e gi okẹn ẹkwan lẹ ẹnya-mirin a kpọku Osolobuẹ hụn k'a saẹka zụọpụha a imẹ ọnwụn, Osolobuẹ nọ nụ ekpere ẹ makẹni ọ lachanrịn enwẹn ẹ tọnị Osolobuẹ.

Hibru 7:27

Ẹlẹ hụn o gi chụnsọnmẹ ẹjan ụhụọhịn-ụhụọhịn nọkẹ ndị-isi nchụn-ẹjan Iwu-Mozizi, ọ chụngụ nke njọ a, ọ chụnnị ndị alị nke njọ wẹ. Makẹni, o gigụọ enwẹn ẹ chụn ẹjan mgbe ohu, chụnchanrịn.

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Hibru 9:26

Omẹni nke Jizọsị te rị ẹrịra, nkẹ ọ hụ a nwụn a nwụndọnzi kete wẹ kelẹ ụwa! Kama, ọ bịalẹ mgbe ohuni sụọ imẹ ọgụgụ-ogẹnni d'e wepụchanrịn njọ ghahanị igi enwẹn ẹ chụn ẹjan.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 5:6

Jizọs Kraịstịnị gi mirin lẹ ẹdeke ghọsị onyẹ ọ wụ. Ẹlẹ mirin sụọ, kanị mirin lẹ ẹdeke. Mmọn-nsọ lẹ enwẹn ẹ rị a shịa ẹrini, makẹni Mmọn-nsọ wụ Onyẹ ezioku.