Hagaị 2:4 - Ika

⁴ Ka turu kwem, Zerubabẹlụ; ya kẹ Osolobuẹ ku. Onyẹ isi nchụn-ẹjan wụ Joshụa nwa Jehozadakị, turu kwem; ndị alị Juda ile, turu ni kwem. Ya kẹ Osolobuẹ ku. A rụn nị ọrụn hụ, nị m hụ ụnụ azụụn. Ya kẹ Osolobuẹ ihiẹn ile rị okpuru ẹ ku.

Hagaị 2:4 ပူးပေါင်းရင်းမြစ်များ

Samuẹlụ Nke Ẹbụọ 5:10

Defidi hụ e kẹnrẹn, e kẹnrẹnwaye, makẹni Osolobuẹ, Chuku ihiẹn ile rị okpuru ẹ nọyen'ẹ.

Ihiẹn Mẹni Nke Ibuzọ 22:13

Ya kẹ ihiẹn e gi ghan'ị — omẹkwọ nị y'e dọnringhọ ẹnya sọnchanrịn uhi lẹ iwu ile Osolobuẹ ye Mozizi ye Izrẹlụ. Kakẹnmẹ; rikin obi. Atụkwọlẹ egun mọbụ nị ndụn gụ ị.

Ihiẹn Mẹni Nke Ibuzọ 28:20

Defidi nọ nwan sị Solomọnụ nwa a, “Kakẹnmẹ. Kwọndọn obi i, n'ị rụn ọrụn ahụn. Atụkwọlẹ egun mọbụ nị ndụn gụ ị, makẹni Osolobuẹ hụn wụ Chuku — hụn wụ Chuku m — nọyen'i anọyeni. Ọ nịkọ ụya ri i mọbụ la i tọ y'e we rụngụ ọrụn ile rị ụlọ-nsọ Osolobuẹ.

Ẹzra 10:18

Imẹ ẹbozo ndị nchụn-ẹjan, ndịnị wụ ndị hụn lụrụ ikpoho alị ọzọ: Ndị ikpụlọ Jeshụa nwa Jozadakị lẹ umunẹ ẹ rịn'a wụ Maaseya, Ẹliẹza, Jaribu lẹ Gẹdalia.

Ẹzra 5:2

Ya kẹ Zerubabẹlụ nwa Shiẹtiẹlụ lẹ Jeshụa nwa Jozadakị nọ kọnrin ọrụn, tụndọnzimẹ Ụlọ Chuku imẹ Jerusalẹm; ndị-amụma Chuku ndị ahụn hụ imẹ igunrun wẹ, a kwadọn wẹ.

Ọpụpụ 3:12

Chuku nọ za sị, “M jẹnkọ d'a nọyen'i. Ihiẹn sikọ d'a ghọsị ị nị mmẹ zi i wụ ọnwan: ị ghagụ Ijiptu wepụha wẹ, ụnụ k'a nọ uguni fe m.”

Hagaị 1:13

Ya kẹ Hagaị wụ onyẹ-ozi Osolobuẹ nọ sị wẹ nị Osolobuẹ sị wẹ nwan, “M hụ ụnụ azụụn. Mmẹ wụ Osolobuẹ ku ẹ!”

Zẹkaraya 4:6

Ọ nọ sị m, “Lee ozi Osolobuẹ sị wẹ zi Zerubabẹlụ: Ẹlẹ akwanran mọbụ ikẹn kẹ w'e gi mẹ ẹ, kanị Mmọn m. Ya kẹ Osolobuẹ ihiẹn ile rị okpuru ẹ ku.

Zẹkaraya 8:9

Osolobuẹ ihiẹn ile rị okpuru ẹ sị: “Jikẹnmẹ ni nwan, ụnụ ndị rị a nụ oku ndịnị m rị a gwa ụnụ ghahanị ndị-amụma, ndị-amụma hụn rị ebẹhụ kẹ wẹ gbemẹzi iyetọ wẹ gi nwan a tụndọnzi Ụlọ-NSỌ Osolobuẹ ihiẹn ile rị okpuru ẹ.

Makị 16:20

Ya ndị nsọnmazụụn a nọ jẹnmẹ d'e kumẹ oku-Chuku ebe ile, Di-nwọnni-ẹnyi hụ e sọn wẹ a rụn, e gi ọrụn-atụmẹnya o gi rị e sọn wẹ a ghọsị nị oku wẹ wụ ezioku.]

Ọrụn Ndị-ozi 7:9

“Ndị nẹdi ẹnyi nọ gi ẹnya-ụfụ re nwẹnẹ wẹ wụ Josẹfụ ye ndị hụ w'ẹ shi Ijiptu. Kanị Osolobuẹ nọ nọyen'ẹ,

Ndị Kọrẹntị Ibuzọ 16:13

Dọnrin ni ẹnya; turukẹnmẹ ni imẹ okukwe Kraịstị; turu ni ọhụnma-ọhụnma; kakẹnmẹ ni.

Ndị Ẹfẹsọsụ 6:10

Nke ikpanzụụn, kakẹnmẹ ni ebe ihiẹn Di-nwọnni-ẹnyi rị, e nwọnkẹnmẹ ikẹn ẹ ahụn hi ogbe.

Ditrọnọmi 31:23

Osolobuẹ nọ tumẹ Joshụa nwa Nọnụ, sị a, “Kakẹnmẹ; rikin obi; makẹni ịyụ sikọ d'e weban ndị Izrẹlụ alị ahụn m kun enwẹn m kwe wẹ nkwa a; mmẹ lẹ enwẹn m k'a nọyeni i.”

Timoti Nke Ẹbụọ 2:1

O mẹ nke i nwa m, gi ẹfọma hụ Osolobuẹ mẹni ẹnyi imẹ Kraịstị wụ Jizọsị e zekẹnmẹ.

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Joshụa 1:6

“Kakẹnmẹ; atụkwọlẹ egun; makẹni ịyụ jẹnkọ d'e du ndịnị d'e weri alị hụ m kun enwẹn m kwe ndị nẹdi wẹ kanị nkwa nị m k'e ye wẹ —

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”

Ndị Han Eṅẹn 2:18

Ogẹn ọwụlẹ Osolobuẹ gi ye ndị Izrẹlụ onyẹ-ndu a hannị wẹ eṅẹn, o sikọ d'a nọyeni onyẹ-ndu hụ, zụọpụha wẹ ẹka ndị-iṅẹnrẹn wẹ onyẹ-ndu hụ e we nwụn, makẹni omikẹn wẹ e mẹ Osolobuẹ wẹ gha a sụn udẹn okpuru ndị rị e mẹshi wẹ ikẹn a bịangbuni wẹ.

Samuẹlụ Nke Ibuzọ 16:18

Onyẹ ohu imẹ ndị idibo ẹ nọ sị, “A hụngụọ m nwa Jese onyẹ Bẹt'lẹhẹm ohu; ọ maghọ kpọ ụbọ. Egun ara tụ a; odogun rọ. O ku oku ọhụnma-ọhụnma, ma mma okẹnnyẹ. Osolobuẹ nọyen'ẹ a nọyeni.”