Hagaị 2:23 - Ika

²³ O ru ogẹn hụ, e gi m yụ wụ odibo m Zerubabẹlụ nwa Shiẹtiẹlụ họnrin ọla m gi e biye ẹka, makẹni a họrịgụọ m'ị. Mmẹ wụ Osolobuẹ ihiẹn ile rị okpuru ẹ e kugụọl'a!’ ”

Hagaị 2:23 ပူးပေါင်းရင်းမြစ်များ

Ẹbụ-ọma 65:5

Chuku hụn a zụọpụhanị ẹnyi! Y'a rụnsọnmẹ ihiẹn bu ọda a tụ ẹnya i gi a ghọsị ẹnyi n'ị hụ a; ịyụ kẹ elu-ụwa ile rị e lee ẹnya, kẹ ndị rị nfetu ohimin tegbu enwẹn ẹ.

Ẹbụ Solomọnụ 8:6

Bi m ye akpobi i nọkẹ ihiẹn ahịma; bi m kẹ ahịma ye ẹka ị; makẹni ihiẹn-ọsụsụọ zehan kẹ ọnwụn, ẹnya-ụfụ di mọbụ nwunyẹ nọ kẹ ọnwụn ghalẹni a nụ dodo, ọ dụn kẹ ọkụn rị e nwunni, nọkẹ okẹn ọkụn.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 43:10

Osolobuẹ sị, “Ụnụ wụ ọshẹri m, odibo m hụn m họrị n'ọ marịn m, kweri oku m, ghọtazịkwọ nị mmẹ rọ. Onwọnni mmọn buni m ụzọ, onwọnzikwọnị hụn k'a nọkin ẹnya m.

Azaya 49:16

Lee ẹ, e segụọ m'ị ye ọbẹka m ẹbụbụọ sechanrịn; mgbọn i aghanị m ẹnya pụ.

Jerimaya 22:24

Osolobuẹ sị, “Ma isi m! Ọsụọn'a nị eze Juda wụ Jehoyakini nwa Jehoyakim wụ ọla rị m mkpịnsịn-ẹka ẹka-nni m hụn m gi e biye ẹka, m jẹnkọ nwan d'a gbụ ị tuhu.

Matiu 12:18

“Lee odibo m, hụn m tumẹ; ezi odibo m rọ; ihiẹn ẹ a sụọka m. M jẹnkọ d'e bu Mmọn-nsọ m kwasị a; o k'e mẹ alị ndị ọzọ marịn ezioku.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Pita Ibuzọ 2:4

Ụnụ a bịagụọ nwan d'e kunrun ẹ: ọmụma ahụn rị ndụn, hụn ịhịan jụ; kanị ẹnya Osolobuẹ, ọmụma ọ họrị hụn rị okẹn mkpa k'ọ wụ.