Hagaị 2:19 - Ika

¹⁹ Ihiẹn-ugbo a gụgụọ ọban, ẹlẹ ya? Kẹ vaịnị kẹ figi kẹ pomegraneti kẹ olivu, onwọnzini hụn a mị mkpụrụ, ẹlẹ ya? Kanị m sị ụnụ nị gha tannị jẹnmẹ, m k'a gọzi ụnụ.”

Hagaị 2:19 ပူးပေါင်းရင်းမြစ်များ

Jẹnẹsisi 26:12

Ya Aziki gha nọdị alị ahụn rụn ugbo ahụa hụ, ihiẹn ugbo ẹ nọ mẹ ọhụnma-ọhụnma, bawaye ụzọ ọgụn-isẹn. Osolobuẹ a gọzi ẹ,

Jobu 39:12

N'ị la ọka ị tọn'a bulụan'ị, kpọnhẹn ẹ ebe ị nọ a kụkpọ ọka?

Ẹbụ-ọma 133:3

Ọ nọ kẹ ebe igirigi hụn ziẹntọ Ugu Hẹmọnụ rị e ziẹnye Ugu Zayọnụ, ebẹhụ Osolobuẹ sị ngọzi ẹ k'a rị, ngọzi hụn wụ ndụn itẹbitẹ.

Ẹbụ-ọma 84:12

Osolobuẹ ihiẹn ile rị okpuru ẹ, ndị ile gi i dọn ẹnya e nwọnkẹ ngọzi!

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 31:14

M k'e ye ndị nchụn-ẹjan ihiẹn ọda-ọda; ndị nke m k'e rijun ẹfọ ọhụnma-ọhụnma.” Ya kẹ Osolobuẹ ku.

Juwẹlụ 1:12

Vaịnị hụ e shinwụn, figi hụzịkwọ e shinwụn; pomegraneti lẹ nkụ lẹ apụlụ hụzị e shinwụn; osisi ile rị ugbo a kpọpụgụọ nkụn! Ya wụ nị ịghọghọ ịhịan a gụgụọ!

Juwẹlụ 2:14

Onyẹ ma? Ikẹnkwọ o rohutọ, mẹ omikẹn, gọzidẹ ụnụ — ụnụ a hụn ọka lẹ manya ụnụ e gi ye Osolobuẹ wụ Chuku ụnụ oyiye.

Hagaị 1:11

E bugụọ m ụkọ-ihiẹn cheni ụnụ alị-aradan lẹ elu ugu, ụkọ ọka lẹ manya-vaịnị lẹ ofugbọn-olivu lẹ ihiẹn ugbo ụnụ ile, ụkọ ịhịan lẹ anụmanụ lẹ ihiẹn ile wẹ rị a rụnpụha.”

Malakaị 3:10

Wẹhẹchanrịn nị nwan ụzọ-ohu-imẹ-ụzọ-iri ebe w'e butọ a — kẹni ihiẹn-oriri jun Ụlọ m. Gi n'ẹ leledẹle m, mmẹ wụ Osolobuẹ ku ẹ — omẹni agụnpụkọnị m ụnụ windo elu-igwee, hutuni ụnụ ngọzi ụnụ jẹnkọlẹni d'a sa ẹka bu;

Matiu 6:33

ka chụmagụ nị Alị-eze Osolobuẹ lẹ ihiẹn Osolobuẹ chọ, o sikọ d'e yezi ụnụ ihiẹn ndịnị ile.

Ditrọnọmi 15:10

Han'a ẹka; shịapụkwọ ẹfọ ye ẹ ya! Ogẹn ahụn, Osolobuẹ wụ Chuku i e gi ufiri ẹ gọzi ihiẹn ile ị rị a rụn lẹ ihiẹn ile i buche ẹka.

Ditrọnọmi 28:22

Osolobuẹ k'a tụ ụnụ eje-emu e rikpọnị, ẹhụ-ọkụn, emu ịhịan gi e nwun anwụn-anwụn; o k'a tụ ihiẹn-akụnkụn ụnụ okẹn uwowo lẹ ụkọ-mirin lẹ ndundu e gbu ihiẹn-ugbo lẹ ịkpọ-nkụn; o k'e gi ihiẹn ndịnị sọn ụnụ d'e ru nị ụnụ a lachanrịn iwi.