Hagaị 1:13 - Ika

¹³ Ya kẹ Hagaị wụ onyẹ-ozi Osolobuẹ nọ sị wẹ nị Osolobuẹ sị wẹ nwan, “M hụ ụnụ azụụn. Mmẹ wụ Osolobuẹ ku ẹ!”

Hagaị 1:13 ပူးပေါင်းရင်းမြစ်များ

Ihiẹn Mẹni Nke Ibuzọ 28:20

Defidi nọ nwan sị Solomọnụ nwa a, “Kakẹnmẹ. Kwọndọn obi i, n'ị rụn ọrụn ahụn. Atụkwọlẹ egun mọbụ nị ndụn gụ ị, makẹni Osolobuẹ hụn wụ Chuku — hụn wụ Chuku m — nọyen'i anọyeni. Ọ nịkọ ụya ri i mọbụ la i tọ y'e we rụngụ ọrụn ile rị ụlọ-nsọ Osolobuẹ.

Ihiẹn Mẹni Nke Ẹbụọ 15:2

Azaria nọ jẹn d'e kunrun Asa, sị a, “Asa lẹ ndị Juda lẹ ndị Bẹnjamini ile, gọn ni m ntịn. Osolobuẹ a nọyeghọnị ụnụ omẹni ụnụ a nọdịyen'ẹ. Ụnụ chọ a, ụnụ k'a hụn a, kanị ụnụ gbakitọ a azụụn, ọ gbakitọ ụnụ azụụn.

Ihiẹn Mẹni Nke Ẹbụọ 20:17

Ẹlẹ ụnụ jẹnkọ d'a lụ aghanị. Werisọnmẹ ni hụ ọnọdị agha, ụnụ e turu nị ụnụ hụn mgbapụha Osolobuẹ jẹnkọ d'a gbapụha ụnụ, ndị Juda lẹ Jerusalẹm. Atụlẹ ni egun; anịlẹ ni ndụn gụ ụnụ. Eki, ụnụ e jẹn d'a lụsọn wẹ agha, Osolobuẹ k'a nọyeni ụnụ.’ ”

Ihiẹn Mẹni Nke Ẹbụọ 32:8

Ikẹn ịhịan mmaka sụọ k'o gi lala, kanị ẹnyi lẹ Osolobuẹ wụ Chuku ẹnyi hụn jẹnkọ d'e yeni ẹnyi ẹka, lụnị ẹnyi ọgụn, wị.” Ndị hụ nọ gi oku Hezikaya gwa wẹ kasị enwẹn wẹ obi.

Ẹbụ-ọma 46:11

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche! Sẹla

Ẹbụ-ọma 46:7

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. Sẹla

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 42:19

Onyẹ wụ ẹnya-mpịn karị odibo m? Onyẹ wụ ntịn-okin nọkẹ onyẹ-ozi m? Onyẹ wụ ẹnya-mpịn nọkẹ onyẹni lachanrịn enwẹn ẹ tọnị m? Onyẹ wụ ẹnya-mpịn nọkẹ odibo Osolobuẹ?

Azaya 43:2

Ị ghakọnị imẹ mirin, m k'a nọyeni i; ị ghakọnị imẹ iyi, erukpumekọ wẹ i; ị ghakọnị imẹ ọkụn, ọkụn erẹnkọ ị — y'a dụnkọ ọkụn,

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Jerimaya 15:20

M k'e mẹdẹ i wụrụ ẹhụ-ẹjan ebe ndịnị rị, ẹhụ-ẹjan igwe-bronzu zegbu enwẹn ẹ. Wẹ k'a lụsọn i ọgụn, kanị onwọnni ihiẹn wẹ k'a saẹka mẹ i, makẹni m nọyeni i anọyeni — m k'a gbapụha ị; m k'a zụọpụha ị — Ya kẹ Osolobuẹ ku.

Jerimaya 20:11

“Kanị Osolobuẹ nọyeni m anọyeni nọkẹ okẹn odogun-agha. Ya wụnị ndị rị e kpokponi m jẹnkọ d'a dan, emẹrikọ wẹ; wẹ jẹnkọ d'a fa ọhụnma-ọhụnma ifẹnrẹn wẹ agụkọ.

Jerimaya 30:11

M k'a nọyen'i, zụọpụha ị. Ọsụọn'a m tikpọchanrịn alị ndị ahụn ile m fe i ye, e tikpọchanrịnkọ m'ị. M k'e ye i afụnfụn nkesi, kanị hụn furuni; anịkọ m'ị lachanrịn ọfẹ. Ya kẹ Osolobuẹ ku.”

Izikẹlụ 3:17

“Nwa-ịhịan, e tumẹgụọ m'ị onyẹ-nche ikpụlọ Izrẹlụ. I sikọ nwan d'a gha e gi ihiẹn ị nụ ọnụ m a gbanị m wẹ mkpịnsịn-ẹka ẹnya.

Hagaị 2:4

Ka turu kwem, Zerubabẹlụ; ya kẹ Osolobuẹ ku. Onyẹ isi nchụn-ẹjan wụ Joshụa nwa Jehozadakị, turu kwem; ndị alị Juda ile, turu ni kwem. Ya kẹ Osolobuẹ ku. A rụn nị ọrụn hụ, nị m hụ ụnụ azụụn. Ya kẹ Osolobuẹ ihiẹn ile rị okpuru ẹ ku.

Malakaị 2:7

Makẹni ọnụ onyẹ nchụn-ẹjan kẹ wẹ nọ a hụn amamihiẹn, ọnụ a kẹ wẹ nọ a mụnrụn Iwu Osolobuẹ — makẹni ụkọ Osolobuẹ k'ọ wụ.

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Matiu 18:20

Makẹni ebe ọwụlẹ mmadụ ẹbụọ mọbụ ẹtọ gi ẹfan m zu, mmẹ lẹ wẹ rị ebẹhụ.”

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Timoti Nke Ẹbụọ 4:22

Di-nwọnni-ẹnyi ya nọyeni mmọn ị. Ẹfọma Osolobuẹ ya rịnị ụnụ.

Ndị Han Eṅẹn 2:1

O ru, mmọn-ozi Osolobuẹ nọ gha Gil'galụ bịa Bokim, sị ndị Izrẹlụ, “Mmẹ gha alị Ijiptu wepụha ụnụ, du ụnụ ye alị hụ m kun enwẹn m kwe nkwa nị m k'e ye ndị nẹdi ụnụ kanị. M sị, ‘Onwọnni ogẹn m'e gi tikpọ nkwerigbama rị ẹgbata mmẹ lẹ ụnụ,