Hagaị 1:12 - Ika

¹² Ya kẹ Zerubabẹlụ nwa Shiẹtiẹlụ lẹ onyẹ-isi nchụn-ẹjan wụ Joshụa nwa Jehozadakị nọ gi oku Osolobuẹ wụ Chuku wẹ lẹ ihiẹn onyẹ-amụma wụ Hagaị ku dọn, nọkẹ kẹ Osolobuẹ wụ Chuku wẹ dọn zi Hagaị gwa we, uwẹ lẹ ndị ahụn ile họdụ imẹ ndị Juda; wẹ ile nọ gbaye Osolobuẹ.

Hagaị 1:12 ပူးပေါင်းရင်းမြစ်များ

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Ẹzra 10:18

Imẹ ẹbozo ndị nchụn-ẹjan, ndịnị wụ ndị hụn lụrụ ikpoho alị ọzọ: Ndị ikpụlọ Jeshụa nwa Jozadakị lẹ umunẹ ẹ rịn'a wụ Maaseya, Ẹliẹza, Jaribu lẹ Gẹdalia.

Ẹzra 5:2

Ya kẹ Zerubabẹlụ nwa Shiẹtiẹlụ lẹ Jeshụa nwa Jozadakị nọ kọnrin ọrụn, tụndọnzimẹ Ụlọ Chuku imẹ Jerusalẹm; ndị-amụma Chuku ndị ahụn hụ imẹ igunrun wẹ, a kwadọn wẹ.

Ẹbụ-ọma 112:1

Ja nị Osolobuẹ mma! Onyẹ ọwụlẹ hụn a gbaye Osolobuẹ e nwọngụọ ngọzi, onyẹ hụn ịgbaye oku Osolobuẹ a sụọ ọda-ọda.

Itẹn 1:7

Ịtụ egun Osolobuẹ kẹ ịhịan gi e nwọnmẹ amamihiẹn; ndị-nzuzu e legberi amamihiẹn lẹ ọzụnzụn.

Ẹkịliziastisi 12:13

Ẹnyi a nụgụọ nwan ihiẹnni ile; lee nwan nkịkwama ihiẹn ile: Tụ egun Chuku; e mẹ ihiẹn o ku — ịya wụ ogbo ịhịan ile.

Azaya 1:19

Omẹni ụnụ e wepụha obi, humẹ isi, ụnụ k'e ri ezigbo ihiẹn rị alịnị;

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Hagaị 1:1

Hụn mẹ ẹ ahụa ẹbụọ eze-kanị wụ Dariọsụ kịma alị-eze ndị Mẹdịa, hụn ndị Izrẹlụ rị okpuru ẹ ogẹn hụ, ụhụọhịn ibuzọ imẹ ifọn nke isin, Osolobuẹ nọ gi onyẹ-amụma wụ Hagaị gwa gọvanọ kị alị Juda wụ Zerubabẹlụ nwa Shiẹtiẹlụ lẹ Onyẹ-isi Nchụn-ẹjan wụ Joshụa nwa Jehozadakị oku, sị wẹ:

Hagaị 1:14

Ya kẹ Osolobuẹ nọ nwan kpọli mmọn gọvanọ alị Juda wụ Zerubabẹlụ nwa Shiẹtiẹlụ lẹ nke onyẹ-isi ndị nchụn-ẹjan wụ Joshụa nwa Jehozadakị lẹ ndị hụ ile họdụ imẹ ndị Juda, wẹ nọ pụha, tụndọnzimẹ ụlọ Osolobuẹ wụ Chuku wẹ.

Hagaị 2:2

“Gwa nwan gọvanọ ndị Juda wụ Zerubabẹlụ nwa Shiẹtiẹlụ lẹ onyẹ-isi ndị nchụn-ẹjan wụ Joshụa nwa Jehozadakị lẹ ndị hụ họdụ imẹ ndị Juda oku, sị wẹ:

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ditrọnọmi 31:12

Ịhịan ile kẹ ụnụ sikọ d'a kpọkikomẹ: kẹ ikẹnnyẹ kẹ ikpoho kẹ ụmụ-ndu kẹ abịamabịa ndị bi imẹ obodo rịsọnmẹ alị ụnụ, kẹni onyẹ ọwụlẹ hụn ụzọ nụ a, mụrụn ịtụ-egun Osolobuẹ wụ Chuku ụnụ, dọnrin ẹnya e sọn oku ile rị imẹ iwuni.

Ditrọnọmi 31:13

Ogẹn ahụn, ụmụ wẹ marịnlẹni iwuni a nụ a, a mụrụn wẹ ịtụ-egun Osolobuẹ wụ Chuku ụnụ ụnụ e we nwụn, imẹ alị ahụn ụnụ fetukọ Iyi Jọdanị d'e weri.”

Ndị Kolosị 1:6

Oziọma e rugụọ ụnụ ẹka. K'o dọn a mị mkpụrụ, e sue, a ghagbarị ụwa ile, ẹrịra k'o gizi nwan rị a mị mkpụrụ imẹ ụnụ kete ụhụọhịn ahụn ụnụ nụ a, ghọta ẹfọma Osolobuẹ mẹ nke-esi.

Hibru 12:28

Ebe o mẹ nwan nị ẹnyi rị e nwọnhẹn alị-eze wẹ ghalẹni a saẹka e zinzinpụ, nị ẹnyi kpanmịn nị Osolobuẹ, gi egun Osolobuẹ lẹ mgbaye fe Osolobuẹ ofufe ọ k'a nabanhan;