Habakọkụ 3:3 - Ika

³ Osolobuẹ gha alị Tẹmanị pụha; Onyẹ hụ rị nsọ gha Ugu Paranị bịa! Ọghọ a jun igwere ile, ụwa ile a ja a mma. Sẹla

Habakọkụ 3:3 ပူးပေါင်းရင်းမြစ်များ

Jẹnẹsisi 21:21

Atụ o bi wụ atụ Paranị; nnẹ ẹ wụ onyẹ Ijiptu nọ lụye ẹ onyẹ Ijiptu.

Jẹnẹsisi 36:11

Ụmụ-ikẹnnyẹ Ẹlifazị wụ Tẹmanị, Oma, Zẹfo lẹ Gatam lẹ Kẹnazi.

Ndị-nze Nke Ibuzọ 11:18

A gha wẹ Midianị buli, shi Paranị, gha Paranị weri ikẹnnyẹ shi Ijiptu d'e kunrun Fẹro wụ eze Ijiptu, Fẹro nọ nabanhan Hadadị, ye ẹ ụlọ, e ye ẹ ihiẹn-oriri, yezikwọ a alị.

Ẹbụ-ọma 113:4

Osolobuẹ kachanrịn alị ile; ọghọ a ka nke elu-igwere.

Ẹbụ-ọma 148:13

Wẹ ile jama ẹfan Osolobuẹ mma, makẹni ẹfan a kachanrịn nke ndị ọzọ; ikpẹn ẹ ka nke elu-ụwa lẹ elu-igwee.

Ẹbụ-ọma 3:2

Ndị bu ọda hụ e ku oku m, a sị, “Osolobuẹ azụọpụhakọ a.” Sẹla

Ẹbụ-ọma 3:4

Osolobuẹ kẹ m'a kpọku, ọ gha Ugu nsọ a za m. Sẹla

Ẹbụ-ọma 4:4

Iwe nwọn ikẹn we i; ka emẹkwọlẹ njọ; ụnụ dinẹ, ụnụ e lele enwẹn ụnụ, gba nkịtịn. Sẹla

Ẹbụ-ọma 48:10

Kẹ i nwọnhan Ẹfan, Osolobuẹ — ẹrịra kẹ wẹ dọn a ja ị mma elu-ụwa ile! Ẹka ị a rụnka ihiẹn furuni!

Ẹbụ-ọma 68:17

Chuku gi ụgbọ-ẹshin ẹ nnụ-uku ole-lẹ-ole gha Ugu Saịnaị banhan Ụlọ-nsọ a.

Ẹbụ-ọma 9:16

Osolobuẹ a ghọsịgụọ onyẹ ọ wụ; ọ hangụọ ezigbo eṅẹn! Ndị-njọ e gigụọ isi wẹ buru ihiẹn wẹ mẹ! (Higayọnụ. Sẹla)

Ẹbụ-ọma 9:20

Osolobuẹ, dodo, bu egun che wẹ ẹnya! Mẹ alị ndị ghalẹni efee i marịn nị wẹ wụhụ ịhịan mmaka.

Ọpụpụ 20:18

Kẹ ndị Izrẹlụ rị a hụn akpara lẹ amụma ahụn, a nụ opi ahụn rị a hannị lẹ ugu hụ rị a lọpụha ẹnwụnrụn, ẹhụ hụ a ma wẹ nni yeni egun. Wẹ nọ be alị tọnị ugu ahụn,

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 6:3

Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”

Azaya 64:3

Ogẹn i gi rụn okẹn-ihiẹn ndị hụ ẹnyi tụlẹni ẹnya a, y'e hidanghọ hụn ugu gi mẹhunmẹ.

Jerimaya 49:7

Nke alị Ẹdọm, lee ihiẹn Osolobuẹ ihiẹn ile rị okpuru ẹ ku: “Ndị marịn ihiẹn arịzịdẹ nwan imẹ Tẹmanị rị alị Ẹdọm ra? Ndị marịn ihiẹn rịn'a amazị ye ezigbo ndụnmọdụn ra? Amamihiẹn wẹ ile e wiwigụọ?

Izikẹlụ 43:2

e lee ọghọ Chuku Izrẹlụ k'ọ gha ibe ọwụwa-ẹnyanwụn lala. Ụzụn a nọ kẹ okẹn mirin rị e huni, ebe ile hụ e gbuke yeni ọghọ a.

Emọsụ 1:12

M jẹnkọ nwan d'e zi ọkụn ye obodo wẹ wụ Tẹmanị. Ọkụn ahụn k'e ripụ ụlọ-agha ile zegbu enwẹn wẹ hụn rị isi alị wẹ wụ Bozra.”

Obadaya 1:9

Euu obodo Tẹmanị alị Ẹdọm, eje-egun jẹnkọ d'a tụ ndị odogun-agha ị ile; ndị-iṅẹnrẹn k'e gbuchanrịndẹ ndị ile rị alị-ugu Isọ hụ.

Habakọkụ 2:14

Kanị, wẹ sikọ d'a marịn ọghọ Osolobuẹ elu-ụwa ile, kẹ mirin dọn e jun ohimin ụzọ ile.

Ọgụngụn 10:12

Ya ndị Izrẹlụ nọ gha atụ Saịnaị buli, jẹnsọnmẹ, a gha ebeni e shi ebeni d'e ru ni orukpu ahụn e wuzo imẹ atụ Paranị.

Ditrọnọmi 33:2

Ọ sị: “Osolobuẹ gha Ugu Saịnaị bịa; Ugu Sẹẹ k'ọ gha tikpu ndị nke ẹ rịkẹ ebe eki nọ fọn; Ugu-Paranị kẹ ọghọ a gha nwunpụha. Ịya lẹ ndị-nsọ a nnụ ole-lẹ-ole wị gha azụụn ndịdan-mirin bịa; nkpọtu ugu Osolobuẹ kẹ wẹ gha bịa.

Ditrọnọmi 5:24

Ụnụ nọ gha ọnụ wẹ sị, “Osolobuẹ wụ Chuku ẹnyi a ghọsịgụọ ẹnyi ọghọ a lẹ ikpẹn ẹ; ẹnyi a nụgụọzị olu ẹ rị a gha imẹ ọkụn a hanpụha. Ẹnyi a hụngụọ a nwan tannị nị ịhịan k'a s'ẹka rị ndụn, ọsụọn'a nị ya lẹ Osolobuẹ wị kutarị.

Samuẹlụ Nke Ibuzọ 25:1

Samuẹlụ a nwụnhụn, Izrẹlụ ile nọ zu, kwan a. Wẹ nọ li ẹ ye iwe ẹ rị Rama. Ya Defidi nọ nwan shi Atụ alị ọkpọ-nkụn Paranị d'a nọdị.