Habakọkụ 2:3 - Ika

³ Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Habakọkụ 2:3 ပူးပေါင်းရင်းမြစ်များ

Ndị-nze Nke Ẹbụọ 6:33

Ẹlaịsha rịhụ e ku ihiẹnni, onyẹ eze zi nọ chọha a. Eze sị, “Osolobuẹ buhẹni ẹnyi nsọngbuni. Kị m'e chemẹzini Osolobuẹ?”

Ẹbụ-ọma 102:13

I k'e lihi d'e mẹni Zayọnụ omikẹn, makẹni ogẹn y'e gi mẹn'ẹ ọhụnma e rugụọ; ogẹn hụn i kayen'ẹ e rugụọ nwan.

Ẹbụ-ọma 27:14

Gi Osolobuẹ dọn ẹnya. Turu, y'e kwọndọn obi i, y'e gi Osolobuẹ dọn ẹnya.

Ọpụpụ 12:41

Ụhụọhịn ahụn o zu ahụa iri kwasị ọgụn kwasị nnụ daị, ebọn ile rị imẹ ndị nke Osolobuẹ nọ gha alị Ijiptu pụ.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 7:4

Sị a, ‘Hụn a n'i kwọndọn enwẹn i; atụlẹ egun; obi anahịnlẹ i makẹ mkpikpi nkụn ẹbụọ ndịnị rị e tinyụnnị hụn bịa d'a maye ụnụ; obi anahịnlẹ i nị Rẹzini lẹ alị a wụ Aram lẹ nwa Rẹmalịa rị e buni ụnụ olulu.

Azaya 8:17

M jẹnkọ d'e cheri Osolobuẹ, hụn rị e zuemẹni ikpụnọ Jekọpụ ihun ẹ. M jẹnkọ d'e gi ẹ e dọn ẹnya.

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Izikẹlụ 12:25

Mmẹ wụ Osolobuẹ k'e ku, ọ bụn; o biekọzị. Ebọn nnupụ-isini, m k'e ku ẹ, mẹ ẹ ogẹn nke ụnụ. Ya kẹ Osolobuẹ nwọn ihiẹn ile ku.’ ”

Izikẹlụ 30:9

“O ru ụhụọhịn ahụn, ndị m k'e zi k'e gi ụgbọ-mirin jẹn d'a gwa ndị alị Ẹtiopịa ya, egun a tụgbu wẹ ebahụn ẹhụ fu wẹ; o k'a fụgbu wẹ ụhụọhịn hụ eje-ihiẹn k'e kunrun Ijiptu, makẹni o k'e mẹrịrị.

Daniẹlụ 10:14

M bịa nwan d'a gwa ị ihiẹn k'e mẹ ndị nke i ihun, makẹni ogẹn ihiẹn ị hụn imẹ ọhụnnị e gi mẹ eke ru.”

Daniẹlụ 11:27

Ndị-nze ẹbụbụọnị chọkọ isi ibe wẹ k'a nọdị ụzọ ohu e rigbama, a tụtarị ntụ, kanị onwọnkọ isi, makẹni nke wẹ k'a gụkwọ tan ogẹn ẹ ru.

Daniẹlụ 11:35

Imẹ ndị hụ marịn ihiẹn, o nwọn ndị k'a kpọgburu imẹ okukwe wẹ, e gi wẹ ẹ chanchan wẹ kẹ w'a chanchan goru, dọn wẹ nsọ, mẹ wẹ zu oke d'e ru ogẹn ọgụgụ, makẹni o k'a bịarịrị o ru ogẹn ẹ.

Daniẹlụ 8:17

Mgbe Gebrẹlụ gi nọzụnhan ebe m wuzo, egun nọ tụma m, m nọ dan alị, fiẹnrin mọmọmọ. Ọ nọ sị m, “Nwa ịhịan, ghọta nị ọhụnnị wụ ihiẹn jẹnkọ d'e mẹ ogẹn ikpanzụụn.”

Daniẹlụ 8:19

Ọ sị: “M jẹnkọ nwan d'a gwa ị ihiẹn k'e mẹ ihun, ogẹn Osolobuẹ e gi ghọsị ọnụma a — makẹni ọhụn ahụn rị e ku oku ogẹn njẹndemẹ wẹ kayegụ:

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Zẹfanaya 3:8

Gbacherikwọ nị m nwan! Ya kẹ Osolobuẹ ku; cheri ni ụhụọhịn m k'a kpa ikẹn kwarị ihiẹn m gbu. E kugụọ m'a nị m k'e wegbama alị ichẹn-ichẹn, nị m k'a kpọgbama alị-eze ichẹn-ichẹn, kẹni m mẹ wẹ ihiẹn kẹ olulu han m obi kẹni m gi okẹn iwe-lẹ-ọnụma m mẹ wẹ ihiẹn, makẹni m k'e gi ẹnya rị a fụnị m hu ọnụma m kpu wẹ ile ri nọkẹ ọkụn.

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Ọrụn Ndị-ozi 1:7

Ya Jizọsị nọ shịarị wẹ, sị, “Chuku-Nẹdi gi ẹka e ku ogẹn lẹ ụdị ogẹn ndị ahụn, ẹlẹ hụn ụnụ e gi marịn.

Ọrụn Ndị-ozi 17:26

Ọ gha onyẹ ohu wepụha ndị alị ile nị wẹ bigbarị elu ụwa ile, ọ nọ tumẹsọnmẹni wẹ ogẹn nke wẹ lẹ alị wẹ k'e bi.

Ndị Galeshịa 4:2

ọ rịsọnmẹ okpuru ndị e dun'ẹ lẹ ndị e lepụ a ẹnya d'e ru ogẹn nẹdi ẹ kaye.

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!

Pita Nke Ẹbụọ 3:9

Ẹlẹni Di-nwọnni-ẹnyi rị e bie mbie imẹzu nkwa a kẹ ndị hụ dọn a ghọha ibie-mbie; mba, o gi ndidin e sọn ụnụ. Onwọnni onyẹ ọ chọ n'ọ la iwi, kama, ọ chọkọ nị ịhịan ile rogharị.