Habakọkụ 2:2 - Ika

² Ya kẹ Osolobuẹ nọ za m, sị m, “Detu ihiẹnni m k'a gwa ị, bụtọ; depụha a ọhụnma ye elu ihiẹn, hụn w'a saẹka a gụn a gba ọsọ.

Habakọkụ 2:2 ပူးပေါင်းရင်းမြစ်များ

Azaya 30:8

Jẹn nwan d'e de ẹ ye ihiẹn ụrụa idẹnya wẹ, y'e dezi ẹ ye imẹ ẹkụkwọ — kẹni, o ru ihun, ọ wụsọnmẹ ọshẹri.

Azaya 8:1

Ya kẹ Osolobuẹ nọ sị m, “Weri ibe ụrụa shịanị, n'i gi mkpịnsịn deye ẹ: ‘Gbukpọkẹnrin; Gbukwarị-ozigbo’.

Jerimaya 30:2

“Osolobuẹ, Chuku Izrẹlụ, sị, ‘Detu ihiẹn ile m gwa ị ye imẹ ẹkụkwọ.

Daniẹlụ 12:4

“Kanị, ịyụ nwẹn wụ Daniẹlụ, kpumẹgụ oku ndị rị imẹ ẹkụkwọ hụ d'e ru ogẹn njẹndemẹ. Ndị bu ọda k'a gha e jẹnhunmẹ kẹni wẹ marịnwaye ihiẹn.”

Daniẹlụ 7:1

Ahụa ibuzọ Bẹlụshaza wụ eze Babilọnụ kịma, Daniẹlụ rọ nrọ, hụnsọnmẹ ihiẹn ndị ọ hụn imẹ nrọ hụ ebe o dinẹ elu bẹdi ẹ. Ọ nọ be ihiẹn ndị hụ ọ rọhụn nkeke detu.

Ndị Rom 15:4

Wẹ de ihiẹn ile wẹ de imẹ Ẹkụkwọ-nsọ ẹdẹi kẹni wẹ gi ẹ kuzi ẹnyi, kẹni ẹnyi hụn ụzọ e din ndidin, e gi ya lẹ nkasị-obi Ẹkụkwọ-nsọ e ye nwọnsọnmẹ olilẹnya ẹnyi.

Ndị Kọrẹntị Ibuzọ 14:19

kanị, imẹ ụka, ọ ka m mma nị m ku mkpụrụ-oku isẹn m ghọta, gi kuzi ndị ọzọ, karị igi asụsụ ọzọ ku mkpụrụ-oku nnụ-uku iri.

Ndị Kọrẹntị Nke Ẹbụọ 3:12

Makẹni ẹnyi nwọn olilẹnya nọ ẹnịna, ẹnyi e ku, e kushi ikẹn;

Ditrọnọmi 27:8

ụnụ e de ihiẹn ile rị imẹ iwuni ye elu ọmụma ndị ahụn ụnụ tumẹ, de ẹ ọhụnma n'ọ nị gụn.”

Ditrọnọmi 31:19

“Detu ni nwan ẹbụnị, ụnụ a kuzi ndị Izrẹlụ ya, mẹ wẹ bụ a, kẹn'ọ shịagbuni m wẹ ẹri ụhụọhịn ahụn.

Ditrọnọmi 31:22

Ụhụọhịn ahụn daị, Mozizi nọ detu ẹbụ hụ, kuzi ndị Izrẹlụ ya.

Rẹvẹleshọnụ 14:13

M nọ nụ olu gha elu-igwee sị, “De ihiẹnni: gha ogẹnni jẹnmẹ, ngọzi jẹnkọ d'a rịnị ndị nwụntọ imẹ Di-nwọnni-ẹnyi!” “E nwọngụọ wẹ ngọzi nke-esi! Wẹ k'e zu ikẹn ọrụn wẹ, ri ihiẹn wẹ rụn!” Ịya kẹ Mmọn-nsọ ku.

Rẹvẹleshọnụ 19:9

Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”