Habakọkụ 2:1 - Ika

¹ M jẹnkọ nwan d'e weri ọnọdị m e che, a nọdị m ọdụ-nche e che; nị m hụn ihiẹn Osolobuẹ sikọ d'a gwa m, a hụn m ihiẹn m'a shịarị enwẹn m.

Habakọkụ 2:1 ပူးပေါင်းရင်းမြစ်များ

Azaya 21:8

Onyẹ-nche ahụn hụ e yi oro, a sị, “Diọkpa, m hụ a nọ elu-ụlọ nche ebeni e che nche ụhụọhịn-ụhụọhịn, m rịchanrịn ọnọdị-nche m uhinhin ọwụlẹ.

Azaya 62:6

Jerusalẹm! E bugụọ m ndị-nche che elu mgbọn i; akpọkubehikọ wẹ m, kẹ uhinhin kẹ efinaị. Ụnụ ndị a kpọku Osolobuẹ, ezukwọlẹ ni ikẹn;

Samuẹlụ Nke Ẹbụọ 18:24

Defidi nọdị alị ẹgbata ọnụ-mgbọn hụn rị imẹ lẹ hụn rị azụụn ezi, onyẹ-nche nọ nyinrin d'a nọdị mmughẹ ụlọ-nche rị elu ọnụ-mgbọn hụ. O lee ẹnya, ọ nọ hụn okẹnnyẹ ohu ya sụọ gbala.

Ẹbụ-ọma 85:8

M jẹnkọ d'e gọn ntịn, nị m nụ ihiẹn Chuku wụ Osolobuẹ k'e ku, makẹni o k'e ku ndụn ye ndị nke ẹ, ndị nsọ a, obi — ka wẹ ezuzumẹzilẹ.

Ẹbụ-ọma 5:3

Euu Osolobuẹ, y'a nụ olu m ụtụntụn; ụtụntụn, m'a gwaghọsị ị mkpa m, e cheri i.

Ndị Kọrẹntị Nke Ẹbụọ 13:3

ebe o mẹni ụnụ chọkọ nị m ghọsị ụnụ nị Kraịstị rị imẹ m e ku nke-esi. Kraịstị arịnị alụlụa imẹ igunrun ụnụ — kaka! O gizi ẹka-ikẹn e sọn ụnụ.

Jerimaya 12:1

Jerimaya nọ sị, “Euu Osolobuẹ, y'a han ezigbo eṅẹn, ogẹn ile m gi e kinghọsị ị. Kanị nị ẹnyi lebankwọ ihiẹnni ẹnya: kị haịn ihiẹn gi a rịnị ndị eje-omumẹ mma? Kị haịn ẹhụ gi e fu ndị ghalẹni a gbaye Osolobuẹ?

Jobu 31:37

Nkẹ m'a gbachanrịnn'a ihiẹn ile m'e mẹ; nkẹ egun a nị m nọkunmẹ ẹ kẹ nwa eze.

Ndị-nze Nke Ẹbụọ 9:17

Ogẹn onyẹ-nche wuzo imẹ ụlọ-nche rị obi-eze imẹ Jezriẹlụ gi legha ndị Jehu kịla, ọ nọ hịnị eze kẹ w'a hị, sị, “M rị e legha igunrun ịhịan lalanị!” Joram nọ sị, “Zi onyẹ ohu e nyin ẹshin d'e kunrun wẹ, jụ wẹ, ‘Ụnụ gi udọn bịa?’ ”

Ndị Galeshịa 1:16

ọ nọ mẹ m marịn Nwa a, kẹni m zi ndị alị ndị ọzọ wụlẹni ndị Ju ozi Nwa a. Ogẹn o gi mẹ ẹ, ejẹnni m ozigbo d'a jụma ịhịan.

Azaya 21:5

E butọsọnmẹ wẹ ihiẹn-oriri, a gbamasọnmẹ wẹ ihiẹn wẹ gi a nọdị alị, e ri wẹ, a ra wẹ! Lihikwọ nị, ụnụ ndị-isi agha, Ozigbo ni, fichan nị akpaịn ụnụ!

Jobu 31:35

Omẹni m te hụn onyẹ k'e gọn m ntịn! M rị nwan e biye ẹka ihiẹn m rị e kin — Chuku, Onyẹ Hụ Nwọn Ikẹn Ile, y'a shịarị m; onyẹ rị e kpe m ikpe ya depụha ihiẹn m mẹ o gi e kpe m.

Ndị-nze Nke Ẹbụọ 17:9

Ndị Izrẹlụ gi nzuzue e mẹ Osolobuẹ wụ Chuku wẹ ihiẹn rịlẹni mma. A rụnrụnsọnmẹ wẹ ụnọ-mmọn imẹ obodo wẹ ile, kẹ imẹ alị-ọfịa wẹ rụntọhụ ụlọ-nche butọ ndị-agha kẹ imẹ obodo shịa ẹfọ wẹ tụnhunmẹ mgbọn.

Jerimaya 6:17

Mmẹ tumẹni ụnụ ndị nche — ndị amụma, sị ụnụ, ‘Wẹ gbu (opi) ọdụ, ụnụ e gọn ntịn!’ Kanị ụnụ sị, ‘Ẹnyi egọnkọ ntịn.’

Izikẹlụ 3:17

“Nwa-ịhịan, e tumẹgụọ m'ị onyẹ-nche ikpụlọ Izrẹlụ. I sikọ nwan d'a gha e gi ihiẹn ị nụ ọnụ m a gbanị m wẹ mkpịnsịn-ẹka ẹnya.

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Ẹbụ-ọma 85:9

Ẹghẹẹ, o biekọ d'a zụọ ndị e fen'ẹ, kẹni alị ẹnyi nwọnmẹzi ọghọ a.

Azaya 21:6

Ọnwan wụ ihiẹn Osolobuẹ gwa m: “Jẹnmẹ, d'e tumẹ onyẹ-nche n'o lemẹ ụzọ, sị a ọ hụn ihiẹn ọwụlẹ lalanị ya ku.

Izikẹlụ 33:7

“Nwa-ịhịan e tumẹgụọ m'ị nwan onyẹ-nche ndị Izrẹlụ; i sikọ d'e gọn ntịn oku m, y'a gwakwọnị m wẹ ihiẹn m ku.