Habakọkụ 1:9 - Ika

⁹ Ntikpọ, ntikpọ rị wẹ ile obi; arị wẹ e lee ẹnya azụụn, ndị wẹ rị e mẹri a kpụnrụn bu ọda kẹ ẹjan.

Habakọkụ 1:9 ပူးပေါင်းရင်းမြစ်များ

Jẹnẹsisi 41:49

Ihiẹn-oriri Josẹfụ dọnmẹ nọ barapụ nọkẹ ẹjan rị mkpẹnrẹn ohimin, hụn wụ nị ọ mabehi ẹ, makẹni ọ karị hụn w'a ma.

Ndị-nze Nke Ẹbụọ 12:17

Ogẹn ahụn kẹ Hazaẹlụ eze Aram gi jẹn d'a maye obodo Gatị ọgụn, weri ẹ. Ọ nọ buli n'o d'a maye obodo Jerusalẹm,

Jobu 29:18

M te hụ a sị enwẹn m, ‘M k'a nọ nwan ụlọ ẹka m nwụn ọnwụn-ẹhi — m kakpụkpọgụ.’

Ẹbụ-ọma 139:18

M sị nị m gụnma wẹ, wẹ k'a ka ẹjan ọda! M tẹnhin, m hụkwọ ebe ị rị a hụn m!

Azaya 27:8

Y'e gigụọ agha lẹ ọchụpụ ị chụpụ a ye ẹ afụnfụn; y'a fụgụọ wẹ okẹn ufere i fụpụ wẹ, kẹ ufere ẹbamịn ọwụwa-ẹnyanwụn e mẹ.

Jerimaya 15:8

M k'e mẹ ikpoho wẹ di nwụnnahịn barahị, a karị wẹ ẹjan rị mkpẹnrẹn ohimin ọda. M k'e gi efinaị wẹhẹ onyẹ e tikpọnị d'e wiwi ndị nnẹ mụ ikorọbịa wẹ ihiẹn; e hukpu m wẹ eje-ihiẹn idẹnmuzi — hụn k'a fụgbu wẹ, tụgbu wẹ egun.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 4:11

O ru ogẹn ahụn, wẹ k'a sị ndịnị lẹ Jerusalẹm: “Ufere rị a nụ ọkụn k'a ghasọnmẹ ebe jẹn elu imẹ atụ fehẹ ebe ndị nke m rị, kanị ẹlẹkwọ hụn k'a fụchannị wẹ ọka mọbụ mẹ wẹ nwunchan,

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Izikẹlụ 17:10

Ọsụọn'a n'ọ gbọrịọlẹ, n'ọ rị mma? Ufere ọwụwa-ẹnyanwụn fe ẹ hụ, ẹlẹ o shinwụn, shinwụnchanrịn, nwụntọ ebe wẹ gbọye ẹ.’ ”

Izikẹlụ 19:12

Kanị, m nọ gi ọnụma huepụ a, tụ a ye alị. Ufere ọwụwa-ẹnyanwụn nọ sekpọ a, butuchanrịn mkpụrụ ọ mị. Ọkụn nọ ripụ agala a, agala a ndị nwẹn wụ ikẹn ẹ.

Daniẹlụ 11:17

O k'a kwademẹ n'o gichanrịn ikẹn ile alị-eze ẹ nwọn weri ẹ. O k'e gi ufiri ẹ sọn eze hụn ẹbọ mẹgbamama, we nwa a ye eze hụ lụrụ. Kanị, ihiẹn o romẹ abụnkọ mọbụ yen'ẹ ẹka.

Hosia 1:10

“K'osilẹrị, o ru ihun, ndị Izrẹlụ k'a barahị kẹ ẹjan rị ohimin, hụn wẹ ghalẹni a s'ẹka a gụnmarịn mọbụ a ma. Ezioku-ezioku, uwẹ kẹ Osolobuẹ rị nwan a sị, ‘ụnụ ẹlẹ ndị nke m.’ Kanị o ru ogẹn ahụn, uwẹ k'o k'a sịzị, ‘Ụmụ Osolobuẹ, Chuku hụn rị ndụn, kẹ ụnụ wụ!’

Hosia 13:15

Ọsụọn'a n'ọ masịgụọnị Izrẹlụ karị umunẹ ẹ, ufere ẹbamịn ọwụwa ẹnyanwụn lala alala, ufere Osolobuẹ k'e zihẹ, o k'a gha alị-ọkpọnkụn fehẹ, isi-mirin ẹ ile a tahị, mirin ẹ ile a la; o k'a zarị ihiẹn ile o butọ, ihiẹn ile rị mkpa.

Habakọkụ 1:17

Nị wẹ tọ nwan e gi ọga e kpọnrin ịhịan nọkẹ azụn, e tikpọ alị ndị ọzọ bụ ẹgozizi ara mẹ wẹ?”

Habakọkụ 1:6

M rị nwan a kpọli ndị Kal'di alị Babilọnụ, ndị hụ ẹfọ jọ, hụn e mẹ ikẹn-ikẹn; hụn rị a kpa ikẹn elu ụwa ile, e werisọnmẹ obodo wụlẹni nke wẹ.

Ndị Rom 9:27

Nke ndị Izrẹlụ, Azaya gi wẹ yi oro, sị, “Ọsụọn'a nị ndị Izrẹlụ bu ọda kẹ ẹjan rị mkpẹnrẹn ohimin, ndị Osolobuẹ k'a zụọpụha imẹ wẹ ebukọ ọda;

Ndị Han Eṅẹn 7:12

Ogẹnni ndị Midianị lẹ ndị Amalẹki lẹ ndị ọzọ ile bizi ibe ọwụwa-ẹnyanwụn kpụjun imẹ ọdanmgbugbu hụ rịkẹ igurube; anyịnyan-mkpukpuke wẹ e jun kẹ ẹjan rị mkpẹnrẹn ohimin — ẹlẹ hụn w'a a gụn.