Ẹzra 9:3 - Ika

³ Ogẹn m gi nụ ihiẹnni, m nọ tika ẹwuru m lẹ ẹkwa m yiye elu ẹ, e huepụ m ntutu m lẹ ẹtu m, nọdị alị, ụya e ru m olu.

Ẹzra 9:3 ပူးပေါင်းရင်းမြစ်များ

Samuẹlụ Nke Ẹbụọ 1:11

Ya kẹ Defidi lẹ ikẹnnyẹ ile ịya lẹ wẹ wị nọ dọwa ẹwuru wẹ.

Ndị-nze Nke Ẹbụọ 18:37

Ya kẹ nwa Hil'kia wụ Ẹliakim hụn e lepụ obi-eze ẹnya, Shẹbụna hụn wụ akanwe lẹ Jụa nwa Asafụ hụn e dọnmẹ ẹkụkwọ nọ kin azụụn d'e kunrun Hezikaya, wẹ lẹ ẹkwa wẹ dọka ye enwẹn wẹ olu, wẹ nọ gwachanrịn a ihiẹn ile Ọnụ-eze Asiria ahụn ku.

Nehemiah 1:4

Ogẹn m gi nụ ihiẹn ndịnị, m nọ nọdị alị kwan ẹkwan, emẹshịanị m ẹhụ akpọhịn ole-lẹ-ole; m hụ e bu ọnụ, e mẹ ekpere a rịọ Chuku rị elu-igwee,

Nehemiah 13:25

M nọ sọn ikẹnnyẹ ndị hụ kpemẹ, bụ wẹ ọnụ; m nọ gbu ụfọdụ imẹ wẹ ili, huepụ ntutu wẹ. M nọ mẹ wẹ kun Ẹfan Osolobuẹ, sị wẹ, “Ụnụ ewekọ ụmụ ụnụ ye ụmụ wẹ lụrụ; ụnụ alụkọ ụmụ wẹ ye ụmụ ụnụ mọbụ lụrụ ụmụ wẹ.

Jobu 1:20

Ya Jobu nọ lihi ọtọ, dọka ẹwuru ye enwẹn ẹ olu, kọpụ ntutu ẹ. Ya ọ nọ dannị Osolobuẹ alị, fe ẹ,

Ẹbụ-ọma 119:53

Olulu ndị-njọ e bu m ọda-ọda, makẹni w'a ra dọnmẹ iwu i.

Ẹbụ-ọma 143:4

Ya haịn ndụn gi rị a gụ m; obi hụ a nahịn m.

Ẹbụ-ọma 66:3

Sị nị Chuku, “Y'a rụnka ọrụn a tụ egun! Makẹni ikẹn i e hikẹ ogbe ya haịn ndị-iṅẹnrẹn i gi a man'ị piripiri.

Azaya 15:2

Ndị bi Dibọnụ alị Mụabụ e shigụọ ụlọ-mmọn lẹ ebe wẹ nọsọnmẹ a chụn ẹjan d'a kwan ẹkwan; alị Mụabụ hụzị e goo alị wẹ wụ Nebo lẹ Mẹdẹba. A kọgụọ wẹ isi ile, kọpụ ẹtu ile.

Jerimaya 36:24

Kẹ wẹ nụ ihiẹnni ile Jehudi gụn, onwọnni onyẹ mẹhunmẹni, onwọnni onyẹ dọwa ẹkwa ye enwẹn ẹ olu, kẹ eze kẹ idibo ẹ.

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Izikẹlụ 3:15

A hụnzị m enwẹn m ebẹhụ ẹnyi ndị Izrẹlụ wẹ kpụnrụn bi imẹ obodo Tẹlụ-Abibu hụn rị mkpẹnrẹn Iyi Kẹba. M nọ nọdị akpọhịn ẹsa; ihiẹn m hụn e ri m ọnụ.

Izikẹlụ 7:18

Wẹ k'e yiri ẹkwa-achọ, a ma piripiri; ifẹnrẹn k'e mẹgbu onyẹ ọwụlẹ; wẹ k'a kpụnpụ wẹ ntutu.

Daniẹlụ 4:19

Ya ndụn nọ gụchanrịn Daniẹlụ hụn w'a kpọzị Bẹlụtẹshaza ẹkẹrẹ ogẹn, nkọwa hụn ban a obi tụ a egun. Ya kẹ eze nọ sị, “Bẹlụtẹshaza, anịlẹ nrọ hụ mọbụ ihiẹn ọ wụ tụ ị egun.” Bẹlụtẹshaza nọ sị, “Di-nwọnni-m, k'ọ rị m nrọnị a nọ isi ndị iṅẹnrẹn i bụn — ẹlẹ ịyụ, nkọwa a a nọ isi ndị rị e we iwe i bụn — ẹlẹ isi i!

Daniẹlụ 8:27

Ndụn nọ gụchanrịn mmẹ wụ Daniẹlụ, emu nọ kụ m, mẹ m dinẹ ụhụọhịn ole-lẹ-ole. E lihi m, rụnmazị ọrụn eze. Ọhụn ahụn mẹhunmẹ m ọda-ọda; ọ nịnị ghọta.

Lẹvitikọsụ 21:5

“Ndị nchụn-ẹjan akpụnpụkọ ntutu wẹ mọbụ gbubelụa ẹtu wẹ mọbụ gi ihiẹn be ẹhụ wẹ.

Maịka 1:16

Kọ nị nwan ntutu, kwanma makẹ ụmụ ụnụ hụn ụnụ e mẹni nwa; kpụnchanpụ nị ntutu nọkẹ udele makẹni wẹ lala d'a dọkpụnrụn ụmụ ụnụ we wẹ shi alị ọzọ!

Joshụa 7:6

Ya Joshụa nọ tika ẹkwa a, fiẹnrin alị, bu ihun kpumẹ alị ihun Ẹkpẹti Osolobuẹ d'e ru ogẹn ẹnyasị, kẹ ịya kẹ ndị-isi Izrẹlụ, kpọn uzunzun ye enwẹn wẹ isi.